FILIPI 1:10 - Allah Wene Fano Wene Hupla Inane

¹⁰ Hit a'nogo futfuluk hilingiti logogun halok, hinendawimo nen he: ”Yi fano hilingisu mene,” igik: ”Andi weak hilingisu lek mene,” igik, futfikhi logogun andi. A'nogo hilingisugun halok, Kristus wesigin andi sambul wene hinoba lekhogoat, fano tegelek were'ma wesigin andi.

FILIPI 1:10 Referans Kwoze

ROMA 12:2

Afuni yoma hilingiri'lagwi mene andi inobabut wanhubo. Hinobabut ket hunogoat hilinglasuageluk, at Allah nenat hinendawimo ket mene hilinghinafi logouwago. A'nogo hilinghinafi logoumo re, at endawimo nen: ”Yi'nogo hilingisuak, ti'nogo hilingisuak,” iluk anggikherek andi ebe hinelu asigin o. Fano mene ebe andi aro. At Allah endawimo fanorogo hilingitik, inendawinggen wurik agik, ikherek he, andi nen aro.

1 TESALONIKA 3:13

A'nogo hilinghinafi logombik he, ninoe Enupogot Yesus onggwarek agoromi inom at wagunem he, hinebe nineisena Allah onggwarek faget fisaluk, at eilhanem wene hinoba lek fano tegelek were'ma hisa wesuagen, hinendawinggen wurigethinafi logouwago.

1 TESALONIKA 5:23

A'nogo were'ma, at Allah nen ninendawinggen hambuget ninobagaikherek mene a'nogo nen, hinebe abirengge onggwarek faget fakhaluk logouwago. Were'ma, ninoe Enupogot ebe wagunem, hinendawinggen inom, hinebe inom, hinobabut inom, wene hinoba figi'lek tegelek mondok were'ma wesuagen he, arenat fethinarek logouwago.

ROMA 2:18

Hiren, ”Allah endawimo nen he: Yi'nogo hilingisuak ti'nogo hilingisuak, iluk endawimo anggikherek mene andi ninelumo re, yi fano, yi weak, iluk Allah nen komotninafikhe wene fut fembigen higithogo hilingisugun,” iluk futfikhi lagep andi.

EFESUS 5:10

Hinendawimo nen he, ”Ninobabut ninggi'nogo hilingiti logogun halok Tuhan oba liok igin,” iluk, hinendawimo futfuluk, hinobabut andi meneat yanggulino o.

1 YOHANES 4:1

Nerugwi nagaila'lak. Nendawilage. Afuni inebe hokhorogoaren he, ”Niren Allah ane yagahisikhi lago,” iluk ineranen ili'lagwi mene inebe arat weinam agaikhasik, o yi awi ti awi nikho andi nen he, ekhe hinoba we'luk, wene yagahisugunem, hiren he, ”Allah Areagun endawimo logolik yaganisili'logo,” iluk hinendawinggen inoba himbiret fugubo. Athe, ”Eberogoat Allah Areagun endawimo logolik ili'logo a? Hunogo mene endawimo logolik yaganisili'logo a,” iluk inobabut tak palimbigen, inebe futfisikhi logoino o.

FILIPI 1:6

At Allah nen hit fano hilinghinabigiluk omanggum enggi fakhinobagasikhesik he, fano hilinghinafi logombigen, huli at Yesus Kristus wesigin andi sambul o eil hondologo wutarek hak, fano hilinghinabi wesigin andi eberogoat iluk, nendawinggen hambukhogo welagi.

1 TESALONIKA 5:21

Yi mene ti mene wanuogeluk, ”Yi fano, yi weak,” iluk hinendawimo nen walhaluk, fano mene halogat, hinenggi ninghogo fisogo logolik.

1 KORINTUS 1:8

Hobuk wurep oba ninoe Enupogot Yesus Kristus wesigin andi sambul, hit weak were'ma hisa wesinogo iluk, at Kristus nenat hinendawinggen wurigethinafi logogin o.

WAHYU 2:2

Hiren an faget hinafe morogo hinomamerogoat hilingiti logolik, it ekhe weak hilingitunem he, inoba lombok, iluk, komorinafi'lek herakfisikhi lagep lek. Nen, it ekhe Yesus nen lakfisa wagunem hak hilingisogo we'luk ugunem, hiren he, ineranen ili'lagwi, iluk inobabut enegat palhi lagebat. Hinobabut a'nogo hilingiti lagep andi, an nelu o.

YOHANES 1:47

A'nogo yagatikhemo, at Nataniel Yesus oba wesigeluk wagunem at Yesus nen eilenggen yethasikhesik at abok mel yagaisasikhe: ”Ap ari ebe Israel eberogo mene. Ane pire ikherek mondok lek mene ari yethani!” iluk yagaisasikhemo,

MATIUS 16:23

Komotikhemo, at Yesus elokhe hebekhogo Petrus kwelakhasikhesik he mel yagatikhe: ”Hat he, Iblis higi. Allah endawimo anggikherek higithogo ebeti'lek, we afuni nen anggagarek hak higithogo ebetfuluk nanggwe palhi lagen yi, nelokhoma yoma logogin lego. Hela lan o,” iluk yagatikhe.

YOSUA 24:14

A'nogo yagaisasikhesik, at Yosua nen wene ekhe mel yagaisasikhe: ”Nineisena Tuhan nen a'nogo yaganisasikhe andi. Halok he, yogondak hiren he, at agaukhogo hilingiti logoino o. At amingmingengge a'luk, hinendawinggen misigat logolik, oba lombokhogo mondok logoino o. Ninombalak o Mesopotamia inom, Mesir inom, logolik hunogo mene faget, Nineisena ebe andiat, iluk oba himpirik logolik fogerati lagaukwa andi hangge, andi mene ekhe fogerati'lek, we, nineisena Tuhan amunek amingmingengge a'luk logoino o.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.

ROMA 12:9

Hit hinendawinggen oba nenat afuni ekhe hinendawirogo logoino o. Weak mene hinabit mondok logolik he, fano mene hinenggi ninghogo fisogo logoino o.

ROMA 8:7

Afuni inobabut inetogat logolik hilingitarek mene a'nogo oba ebeti logolik, Allah awe a'ma kuluk ane hologo welagaikharek lek andi nen at inom weim palegat werego.

MATIUS 26:33

at Petrus nen he, ”It mondogat herakhobagaluk pugulha halok an enek he, herakhobagaluk heise wulibigin mondok lego,” iluk yagatikhemo,

MIKHA 3:2

wene higithogo hilingisu mene hinabit logolik weak hilingisugun mene nek hinamolorogo hilingiti lagep andi. Hiren he afuni an nunggulenu mene omanogo ineluk werek kwelek inagap nonggolinapluk, inoak oba nen ineino sabelhigik fisikhi lagep.

AYUB 34:3

Afuni nen yi mene ti mene enduk mikhaluk he yi enduk mondok fano mene iluk inelurek, nen inane ugunem holhaluk he ap yi re endawi werek agun nen ili'lago iluk inelu agaregat.

AYUB 12:11

Nunggungge nunggunem inamehinggen oba enduk mit ikherek hakhogo, inane ugu mene an nesanggo holhunem ogo a'nogoat holhi lagi.

KEJADIAN 20:5

At Abraham onggwaregen ikhi logolik he, he ari re an nagot ikhe, nen at he andi onggwaregen ogo re, an he Abraham agot ikhe andi nen he, wene andi faget an nendawinggen fanoba weak hilingiti fuk iluk anggikhi lagi o,” iluk yagatikhe.

FILIPI 1:16

”At Allah nen Paulus ayonggo fikhi logolik he, afuni nen fano wene andi eberogoat iluk anggoageluk, fakhogo yagaisikhi logoino, iluk ayonggo fesikhemo hikhi lago,” iluk, enegat fut nobagaluk nebe inendawi nen wene at Kristus faget yagaisili'lagwi andi.

EFESUS 6:24

Hit he hinoe Yesus Kristus kobokhogo herakfigi'lek hinendawi hundik logogun mene halok hinebe mondogat he, hineisena Allah obabut fano a'nogo nen fethinarek logouwago.

EFESUS 4:15

Meneat he, ninobabut inaluendek inobabut hanggeat wanhi logogun. Afuni inebe ninendawirogo logolik, wene eberogoat mene nek igik, yi mene ti mene faget hilingiti logolik Kristus endawinggen katokhogo wurik mene logolik hilingiti lagaikhe hak hilingitik ikhi logolik, at obabut wanhi logouwogo.

GALATIA 5:11

Nerugwi nagaila'lak. An nen, inagap inenggalimo mene palharek wene andi fano iluk yagaisikhi logoilema re, noba yi enggin ti enggin hilingnabi'lagwi andi hilingnafi logoilep anggegep? Mondok lego. An nen wene andi mene yagaisikhi logoilema re, wene Kristus ebe eba menfuluk watukwa wene andi yagaisugunem afuni inesanggo holiluk he, ineisok helep oba silukhogo waragarek hak, inendawimo puk a'luk wene herakfiselep legaro.

2 KORINTUS 8:8

An nen, ”Hit yi'nogo hilingi'no,” iluk, nane ninghogo yagahisigi lego. We, it Allah againafuri o Makedonia yoma mene nen inendawimo nen kagalogo it mene andogorogo Allah againafuri ekhe andi anggilukhogo leberisili'lagwi andi hak, hiren ogo re, it andi hinendawirogo leberisugunem, ”Eberogoat it inendawi hundik werek,” iluk enegat asuageluk yagahisigi andi.

2 KORINTUS 6:3

Afuni ekhe nen he, ”Hit Allah faget hilingiti lagep andi weak hilingiti lagep,” iluk ninabok weak palinogo iluk he, afuni ekhe weak hilingisuageluk inendawimo kagalogo yi mene ti mene faget weak mene hilingiti lago lek.

2 KORINTUS 2:17

It afuni ekhe inebe hokhorogoaren he, yi mene ti mene onggo ha awarik lagaikharek hak, Allah ane a'nogoat waluk lagaikharek. Meneat he, nit enek he, a'nogo lek. We, Allah nen, at ane waluk loageluk ninayonggo fesikhe andi nen, at eilhanemat ninendawinggen misigat Kristus ninom hundigat logolik, yagaisilik laga lago o.

1 KORINTUS 10:32

Afuni Allah againafuri mene inom, nen, it Yahudi mene inom, Yunani mene inom inendawinggen Yesus oba himbiret figi'lek mene inom, weak asinogo iluk hinobabut higithogo hilingiti logoino o.

1 KORINTUS 8:13

Halok he, nenggarek mene andiba nen an nagailak ebe weagetfeinogo iluk at faget he, an wam tugwi kembu anggo warek mene kurik ninggi'lek mondok herakfikhi logogin o.

ROMA 16:17

Nerugwi nagaila'lak. Hinendawimo kagalogo re, wene ekhe yi nane ninghogo yagahisago. It afuni ekhe hobuk we'luk, wene attak yagahisasukwama wanhigip mene herakfisoageluk he, hinebe minggilogo hinobagagik, hinendawimo weagethinafik, ugu halok he, hinebe hebelogo logolik, inane hinesanggo holhi'lek, herakfisaluk agaiseti logoino.

ROMA 7:22

An nendawimo nen he, ”Wene Allah nen komotninafikhe wene andi fano,” iluk anggigirek meneat he,

ROMA 7:16

An nendawimo nen namolo anggigirek mene lek. We, nabit anggigirek mene hilingiti lagi andi re, ”Wene Allah nen komotninafikhe wene andiat fano,” iluk u hagat hilingiti lagi o.

KISAH PARA RASUL 24:16

A'nogo logolik, nendawimo nen he, weak ekhe hilingiti, iluk nendawimo engginhogo welagi hanogoluk he, Allah elokhoma inom, afuni inelokhoma inom horek logoigeluk nomamerogo hilingiti lagi o.

YOHANES 3:20

Nen, it afuni weak hilingiri'lagwi mene inebe lombok inendawimo nen anggikhi logolik he, nit selek andiba logoin halok, nit weak hilingitorek mene faget lasimbik weinam asinogo, iluk anggagaresik, an selek mene yi inabiren he, noba wagi'lek kamo agarek.

FILIPI 2:16

A'nogo hilingiti logolik, yi mene ti mene sumburogo wogisouwogeluk inugisagarek hak, wene afuni inebe inelugerinaferek wene andi yagaisilik nikhi logoino o. A'nogo yagaisikhi logogun halok, at Kristus wesigin andi sambul, an nen: ”Mep awi wil-walhogo nomamerogoat hilingiti lagi mene andi we elalinat alemarogo hilingiti'lek. We, Kristus faget higit hilingisogo fisigimo,” iluk nalong asigin andi.