FILEMON 1:17 - Allah Wene Fano Wene Hupla Inane

¹⁷ Andi nen, haren he, ”Paulus ebe an nagailak nemberek hundik welago mene,” iluk, anggikhi lagen andi, Onesimus ambotkwe hoba lakfei wagi andi, an nebe hoba wagunem wo'nabu hak, at ebe a'nogoat ambotkwe wanino.

FILEMON 1:17 Referans Kwoze

2 KORINTUS 8:23

Nen, at Titus andi re, an nagailak hit lebethisouwogeluk nemberek yabu misik hilingitorek mene. Nen, ninagaila'lak ekhe at inom wagaikha andi re, fano hilingitunem it afuni ekhe nen inobabut palharesik Kristus fogerari'lagwi mene, Allah againafuri nen inayonggo fesukwasik lakfisa wagaikhama wagaikha andi.

MATIUS 10:40

”At sa nen hinebe wokhinabigin halok he, an nebeat wo'nabigin o. Nen, an nebe wo'nabigin andi, an neisena laknobagai wagaikhe mene a'nogo ebeat wanigin o.

FILEMON 1:12

Andi nen, at ebe an nendawinggen tulem mene ambotkwe hoba lakfei wagi andi o.

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.

IBRANI 3:1

Andi nen, Allah againafuri at onggwarek faget fakhasikhe mene nerugwi nagaila'lak. At Allah pogoroba nenat hit ninomat ninayonggo fesikhemo wene wanhugusik fakhogo ikhi lago andi faget, at Yesus ebe Imam Agung logouwageluk, Allah nenat lakfei wagaikhemo werek andi nen he, hit hinendawinggen oba nenat futfikhi logoino o.

EFESUS 3:6

Fano wene andiba, it afuni endakwe mene inom, Yahudi mene inom, inom higithogoat eisewerek hilinglagik, Kristus ebe misigat mene ninom higithogo hunogo ninobagagik, ikhemo welago. Wene fageat Allah nen, ”Yi'nogo hilinghinabigin,” iluk, abok yaganisasikhe a'nogoba, ”Afuni endakwe mene Kristus Yesus inom hundik were'ma, fano wene andiba ninom higithogo hilingninabigin,” iluk, ninelu aga andi.

KISAH PARA RASUL 16:15

Wene a'nogo wanhikhemo re, at ebe inom, it afuni at aiba misi'mo welagaukwa mene inom, ima pelaginafukwa. Pelaginafukwama, at Lidia nen he, ”An faget hit hinendawimo nen, at endawinggen Tuhan oba eberogoat himbiret fikhe higi, iluk hinendawimo anggegep halok he, an ninom logouwogen, ninom louwogo,” iluk ane ninghogo yaganisasikhemo re, ninom lagagu.

MATIUS 25:40

an ap kain nenupogot andi nen he, it afuni omanogo mel yagaisagain: Hiren an nagoromi inenu lek mene ekhe were'ma a'nogo hilinginafi lagagip andi, anat hilingnafi lagagibo, iluk, eberogoat yagahisigi, iluk yagaisagain.

MATIUS 18:5

Nen, sa nen yenggerek yi hangge an faget wanhe halok he, an nebeat wo'nabigin o,” iluk yagaisasikhe.

1 YOHANES 1:3

Ebe nit nineilenggen higik, ninesanggo holhik, isugu mene andi, nineisena Allah amlogo Yesus Kristus emberek ninom hundik welagorek andi hak, hit nit ninom fano hundik logouwogeluk yagahisikhi lago o.

1 PETRUS 5:1

Hit Allah againafuri kwelaginarek welagep andi hak, an a'nogoat kwelaginarek welagirek mene nen ekhe komothinabik. At Kristus oba yi enggin ti enggin hilik-hilik wa'lagaikhe andi, an neilenggen hasigi. Nen, hobuk Allah nen ebe weinamhogo lakfei wesigin andi wagunem, afuni nen fogerasugun sambul andi, an ninomat fogerasugun aro. An nane liokhogo komothinabik.

IBRANI 3:14

A'nogo ikhi logolik, omanggum ninendawinggen at oba himbiret fesugu mene andiat ninenggi pukhogo huli wurep oba fisogo logogun halok he, nit Kristus erugwi agaila'lak agosik welago o.

FILEMON 1:10

Andi re, an nenggi hele warek logolik, at Onesimus endawinggen Kristus oba himbiret fikhe andi nen, ebe namlogo hangge hilinglagik, an nebe at eisena hangge hilinglagik, ogosigen, at ebe waninogeluk yagaheti o.

1 TIMOTIUS 6:2

A'nogo agaugwerinafi logolik, it inamingmingengge mene andi inendawimo nen he, ”An noe andi endawinggen Allah oba himbiret fuluk welagarek andi nen nemberek Allah againafuri misigat mene nagailak nemberek,” iluk inogogwi inebe inendawimo nen sebelfisigi'legat, ”An noe lebethikhi lagi yi, endawinggen Allah oba himbirik werek mene hilingi'mo nendawio,” iluk, hobuk ekhe inom hokhorogoat leberisikhi logoguno. Wene igin yi mondogat haren yagaisigik, komorinafik, ikhi logoino.

FILIPI 1:7

Allah obabut fano nen nayonggo fesikhemo re, an nenggi hele warek welagik, nenggi hele oan wati'le'ma fano wene elelerogo ninghogo hilingitik, ikhi lagi hak, hit mondogat a'nogoat ninom hilingiti logouwageluk hinayonggo fesikheat andi nen he, hit hinebe nendawinggen hundik welagio. Ma re, an nen hit mondogat faget: ”Yesus eberogoat hilinghinabi wesigin,” iluk angga mene higithogoat anggikhi lagi.

FILEMON 1:18

Aren weak ekhe hilinghafikhemo, palegengge oba fegenma oba werek halok he, at ombalegengge mondogat an noba feino o.