FILEMON 1:14 - Allah Wene Fano Wene Hupla Inane

¹⁴ haren, ”I o, fano. Hemberek logoino,” iluk yaganeti'le'ma, an namu nen wene ekhe igin elo'lego. We, an nendawimo namolo re, hat at ebe eisewerek mene hendawinggen nenat inogeluk, lakfei wagi andi o. Mene re, hat hendawimo nen, ”Nabit,” anggugu kwelegat, an nen nane ninghogo yagahesigin he, nabiro.

FILEMON 1:14 Referans Kwoze

2 KORINTUS 9:7

Afuni inendawimo inagaiyek mondok anggikhi logolik it ekhe fisagarek mene andi, Allah nen inebe endawi welagarek andi nen he, hit hinebe lombok hinagarek hinendawi werek kwelek, it ekhe nen hinendawimo ninghogo kagalhunem fisogoin elo'lego. We, hit hinendawimo fano logolik, hinonggwarek hinendawimo nenat kagalogo fisogoino.

1 TAWARIKH 29:17

Haren ap inendawinggenma palisaluk, it inendawimo mondok selek mene halok Hat hendawirek welagen a'nogo, an nelu o. An nendawimo healek oba inom, nendawimo nagaiyek oba inom, mondogat yi hat hobaget waluk wokhesi wagi. It Hat againafuri yoma kaboksek mene yi nen, inendawi fanoba inangge Hat wokhesuogeluk waluk waga lagaikha aple an mondogat neil isigi.

2 KORINTUS 9:5

A'nogo oan andogorogo figi'lek logogun halok elo'lek andi nen he, an oan wagi'lek logolik ninagaila'lak andi tak lakfisa wesigeluk igi andi. It hinoba wesimbik he, hiren andi faget fisouwogeluk abok isigip mene a'nogo, iren wurep kobokhogo andogosi wesuageluk inendawimo kagalogo yagaisikhi lagi. An a'nogo hilingiti lagi andi re, hit hinagarek hinendawi werek kwelek iren ninghogo hinendawimo kagalumo fisogoin elo'lek. We, hit hinendawinggen nenat fisambik were'ma fano, iluk hilingiti lagi andi.

2 KORINTUS 8:12

Hit hinangge lek mene fuk. Athe, werek mene hinendawinggen oba nen it andi fisogoin halok he, at Allah nen, ”Fano faga,” iluk anggagain.

2 KORINTUS 1:24

Hit hinendawinggen Allah oba himbiret fesigip mene andi, eberogoat iluk hinendawinggen hambukhogo welagep andi nen he, niren, ”Hinendawinggen yi meneba himbiret fouwak,” iluk ninane ninghogo yagahisogoin lego. We, hit hinendawimo agaiyek anggobagaigen iluk lebethisikhi lago andi.

1 KORINTUS 9:17

An a'nogo yagaisilik nikhi lagi andi, an nendawimo nen kagalogo yagaisilik nikhi logoilema re, nenggi onggo wonetunem, helikhi logoile o. Mene re, an nendawimo nen kagale'lek were'ma, Allah nen nayonggo fuluk eisewerek nobagaikhe andi nen onggo lek yagaisilik nikhi lagi andi.

MAZMUR 110:3

Hat hebe Handom horek oba andoma homamerogo wagunem he, o hubet lilengge welagarek hak, hat hagoromi ap alage mene inendawinggen nenat yabugun iluk, esa hokhorogo logalugun.

1 KORINTUS 9:7

Ap tentara inogogwi kaindegen inagoromi weim yabuageluk inayonggo fugunem, it inonggwaregen inenggi onggo heragaisogo ekhe yafarek nogo? Lego. Nen, it ekhe nen anggur awi yakfuluk he, enggen itunem ekhe inonggwarek nenggarek lek nogo? I a, athe, it ekhe inanggo domba hokhorogoat fisogo logolik he, eilak amusu ekhe inonggwarek nenggarek lek nogo? Nenggaregaro,” iluk yagaisikhi lagi.