ESTER 8:16 - Allah Wene Fano Wene Hupla Inane

¹⁶ A'nogo hilingitukwama re afuni Yahudi mene omanogo re inendawinggen yamuk igik, inagaiyegetik, inalong anggigik, hilingitukwa.

ESTER 8:16 Referans Kwoze

MAZMUR 97:11

It afuni inendawimo eberogo anggili'lagwi mene inoba re selek meneba liarinafi logogin, nen it afuni higithogo hilingiri'lagwi mene inoba re inagaiyek mene hilingfikhi logogin.

AMSAL 11:10

Afuni higithogo hilingitarek mene angge fano mene ekhe helikhe halok, it afuni o kota logogun mene nen abok wialogo fogoin, nen it weak hilingitarek mene wa'lasugun halok he, afuni inagaiyegen inanggilugesugun.

MAZMUR 18:28

Afuni inendawi sebelfakhaluk hilingitarek mene inoba re Haren inagap telogo fisikhi lagen, oba nen he, afuni inonggwaregen legetfakhugu mene halok he, Haren sebelogo fisikhi lagen.

YESAYA 35:10

Afuni Tuhan nen inagap telinabigin mene re inambotkwe sugulogo o kota Yerusalem inagaiyekhogo kwi waga logogun, it inagaiyek hokho mene asumo inelokhe heanerogo logogun. Iren inagaiyek higik, inanggilugetik, ikhi logogun. Inendawi ou hagarek mene inom, anggolo hurane hagarek mene inom andoma mondogat legasigin.

MAZMUR 112:4

Afuni nen higithogo nek hilingitik, katokhogo nek hilingitik, inendawi hundik welagik, inelagaik mene fanot fisigik hilingisugun oba re, mum mene anggele'ma nen selegerinafi logogin.

ESTER 9:17

Wene andi hilinglagaikhe re tugi Adar a'nogo tanggal 13 oba agaikhe. Nen linggene ombo'ne mene tanggal 14 oba re iren afuni ekhe inoasugun lek iluk isukwa mene a'nogo ebeti logolik inagaiyekhogo hilingitu welagaukwa.

ESTER 4:16

”Afuni Yahudi mene o Susan oba werek mene andoma kaboget fisaluk, hit he linggene henagan andem oba re an nobaget sumburu inom, i inom ninggi'lek heang logoino. Nen an ogore an inom it helime silerik an nobaget yabu hilingiri'lagwi mene oma inom ogore ninambe heang logogun aro. A'nogo hilingisimbik enek he, wene melalek oak sagal fuluk oba nen he an nebe raja were'ma kwi lagain. Wene andi faget an wa'lasigin halok andi re, wa'lasigin he fano nek!” iluk lakfesikhe.

MAZMUR 118:27

Nineisena Tuhan andi re Allah aro, At he endawinggen mondok lebeksek logolik, fanotninaferek mene Allah anggo warogo fisaluk noletarek oba andoma, engga sombologo ninenggim waluk ninebe erarogo maset houwogo.

MAZMUR 30:12

An fong wati lagi mene a'nogo Haren agamhogo re nagaiyegen hunikhe wanuageluk hilingnobagain, nen Haren he an nelokhe heiselogo welagi mene a'nogo hebekhogo wanhendik he, an noba nagaiyek hokho mene kwelaknobagegen.

AMSAL 28:12

Ap fano hilingitu mene nen melalinafu werek halok he afuni mondogaren inagaiyek inoba welagaikharek, oba nen ap weak mene nen melalinafu halok he, afuni koma kwe lagaikha heat hina'lagaikharek.