ESTER 5:3 - Allah Wene Fano Wene Hupla Inane

³ A'nogo sen ha wagaikhemo re at raja nen heinok wokhikhi logolik he, ”Nagwe hat he wene ninggi'nogo mene ekhe weregen wagen? Nen nena mene ekhe hamolo anggegen? Yaganom o! Haren an nawi kerajaan melalinafi lagi mene yi faget heirogo minggirogo an wo'nom iluk yaganesigin halok mene ogore an nen wokhesigin enego,” iluk yagatikhe.

ESTER 5:3 Referans Kwoze

MARKUS 6:23

O yoma an kain logolik ferinarek welagimo re, haren, ”Yi mene namolo, egen halok he, heirogo minggilogo fenakwe wokhesigin aro,” iluk Allah enu hombuk palogo yagatikhe.

ESTER 7:2

It aremnogo inom seberogo anggur ninggi logolik, at raja nen he Ester oba heinok wokhikhi logolik he, ”He yi, nagwe ratu, hat he nenamene hamolo anggikhi lagen? Yaganom! O an nen melalinafi lagimo oma tulem heirogo minggirogo wo'nom igin halok ogo eberogo at wokhesigin.” O iluk yagatikhe.

ESTER 9:12

A'nogo yagasi lagaukwama hun raja a'nogo nen he ratu Ester oba yagati logolik he, ”O Susan mene nek ogore afuni Yahudi mene nen he inebe 500 nen mene inoata, andem he hun Haman againafuri inebe 10 nen aremnogo inomat. Nen o propinsi amu-amukwe omanogo re ninggi'nogo hilingita he ninonggot welago andi; Arigini'mo re yogondak hat he ki mene hamolo welagen? Yaganom. Yaganesigin halok he ebe eberogo nen helagain werek!” iluk yagatikhe.

ESTER 5:6

Wagaukwasik he, it inebe anggur agai ninggi logolik aremnogo re, at raja nen Ester oba re mel isikhe, ”Yogondak hat hendawimo hamolo anggegen mene andi an yaganom o. Haren o an nen melalinafi lagi mene yi faget tulem minggirogo an wo'nom iluk yagaten halok mene ogore wokhesigin enek!” iluk yagatikhe.

1RAJA-RAJA 3:5

Andi sambul arat noletikhesik he, o hubanggo nogo ugunem, Tuhan nen at elokhoma menlagaikhesik, abiba mel yagatikhe: ”Salomo. Hat hamolo mene An nen wokhesigin enggere, kino yaganom o,” iluk yagatikhe.

1RAJA-RAJA 2:20

Andi isikhemo at ebe hu'lagaikhesik at Batsyeba nen ikhi logolik he, ”Abo, An hagaisa nen he wene endep aple faget ekhe kino igin enggere, haren lek egen hanogo iluk yagaheti,” iluk yagatikhe. Andi yagatikhemo at Salomo nen heinok wokhikhi logolik he, ”Andi nena wene? An nen herak fagain lek enggere yaganom o,” iluk isikhe.

LUKAS 18:41

”An nen ninggi'nogo hilinghabuageluk yaganeten,” iluk yagatikhemo, at ap a'nogo nen he, mel yagatikhe: ”Noe e. Neilenggen fano higitnabinogeluk yagaheti o,” iluk yagatikhemo,

ESTER 5:4

Andi isikhemo at Ester en onggo ikhi logolik he, ”Neisena, haren fano iluk yaganesigin halok he, o yogondak hup yiba re an hamingmingengge nen seni pesta neisena hat inom, hun Haman inom hinobaget isasigin enggere wesubagaigen iluk yagahesi wagi o,” iluk yagatikhe.

NEHEMIA 2:4

A'nogo yagatigimo, at raja nen he, ”Halok he, hat hendawimo nen ninggi'nogo hilingisigin hamolo anggegen?” iluk heinok wo'neasikhe. Heinok a'nogo wo'neasikhemo re, an nendawimo nen nineisena Allah pogoroba mene ayonggo fikhi logolik,

KISAH PARA RASUL 23:19

A'nogo yagatikhemo, ap tentara inoe kain a'nogo nen ap alage a'nogo enggi fak-fak waluk inale'ma lagaukwasik mel yagatikhe: ”Wene nena wene yaganesigeluk wagen. Yaganom,” iluk heinok wokhasikhe.