DANIEL 9:18 - Allah Wene Fano Wene Hupla Inane

¹⁸ Allah neisena, hesanggo langet fembik he, ninane hesanggo holhik, heilenggen fenggen lasimbik he, ninebe inom, ninawi kota Yerusalem, Allah were'ma iluk enu agarek awiba a'nogo inom, mondok weaget ninafukwama weak welago yi kwelaknisigik, in o, neisena. Nit ninobabut fano hilingiti lago, iluk Hat hayonggo fikhi lago fuk. We, Haren nit ninobaget hendawit ninabinogen iluk, hayonggo fikhi lago o, neisena.

DANIEL 9:18 Referans Kwoze

YESAYA 37:17

Tuhan neisena, nit ninoba hilinglari'logo mene oma fut ninobagakhi logoin o. Hat Allah heluk mondok welagen mene a'nogo hoba at Sanherib en sebelogo hobagali'logo mene andi hesanggo holin o.

YEREMIA 36:7

Haren a'nogo igin andiba re iren Tuhan oba samban igik, it ina'mageba hilingiri'lagwi mene omanogoba nen inendawinggen hebelhik, ugun logou hagaro. Tuhan nen he it inoba a'mage lagaikhesik he it unggum inoba fagain iluk inanggomo kagalhe o,” iluk yagati.

YEREMIA 25:29

An nen wolelenggen esigin mene andi re An nawi kota ba nen tak erorasigin. Ma re iren anggikhi logolik nit he unggum ninoba asigin lek iluk anggikhi logoinogo. An nen he weim o kweangma yi afuni ti afuni welagaikharekwe andoma mondogat lakfei wesumo re, it he ibi-eberogo nen unggum helogoin o. Iluk An Tuhan Nomame Hokho mene a'nogo nen nane mondogat igi.

2 RAJA-RAJA 19:16

Ap raja Sanherib en nineisena Allah Heluk Mondok welagen mene a'nogo, endawimo seramet hobagaluk ane asegen wokhiili'lago mene andi, neisena Haren ane hesanggo hol fembik he, nit ninebe weaget ninabigiluk ili'lago mene andi, heilenggen wo'ninabin o, neisena.

YEHEZKIEL 36:32

Hit Israel mene yi sani, ebethikhi logoni o, andoma mondogat An nen hilingisigin andi re hit faget hilingisigin fuk. Hit he hinonggwarek hinobabut oba hilingi'mo re hinenggali agik, afuni nen li'norogo pelakhinabik, ikhi logogun o. Iluk An Tuhan Lego Mondok welagirek mene a'nogo nen nane mondogat igi o, iluk yagaisan, ikhe.

YEREMIA 15:16

Haren an noba hane ugunem he, hane ugu mene andoma ebe lombok hol fakhikhi lagi o. Tuhan Allah neisena Homame Mondok Hokho mene, An he Hat honggwarek mene welagi o. Andiba re Hat hane ikhi lagen mene andomaba re an nendawimo seleget nafik, nagaiyek mene hilingnobagagik ugunem welagi o.

YEREMIA 14:7

An nagainafuri nen nenu hombuk palhi logolik, ”Tuhan, nit ninonggwarek ninaweak oba weak mene ninoba ari'lago o, oba nen he Haren wene watnisasigin mene a'nogo higithogo lebetninabin o. Nit he eberogo nenat nineisena Hebe oboget healuk laga lago o. Ma re niren Hat hoba weak hilingito mene andoma re eberogo aro.

YEREMIA 37:20

Yogondak he neisena henu werek welagen mene, an nen kino yagaheti lagi mene yi holnabin o. An he at Yonatan ailoba hele warogo fisagarek oba andi nekhengge laknobagagun o, nen nekhema andi laknobagagin halok he an nebe wa'lasu hago,” iluk yagati.

YEREMIA 14:9

Nenahalok Hat he afuni inendawinggen nonghong iluk hilingitarek hak hilingiti lagen, athe ap inomame hokho mene logoligen telinabu elo'lek agarek andi hak hilingik welagen nogo? Andi nen he Tuhan neisena, ibi-eberogo nen he Hat he nit ninanggele'ma welagen o! Nen nit Hat hagainafuri ninoba re oboget nisa fugo nineisena, iluk agarek andi,” isikhe.

YESAYA 64:6

Nit afuni ninebe mondogat he emerek mene nek hilinglagosik welago andiba re, niren fano mene hilingiti lago meneba nen ogore mondok weak hilingi'mo elokhe mondok weagat andi. Engga puk agunem sogoien furogo waluk lagarek andi hak, nit ninobabut weak mene nek hilingitorek andiba ninebe mondok lek asugun andi.

1RAJA-RAJA 8:29

Neisena, Hat faget hilingiti logouwagaluk hawi wusugun oba obalik wenagaisogo fakhasigin oba wurogo hobagagi yi re, hebe linggene hubanggo kagalek mondok logoino o. Hat hebe pogoroba welagen oba andoma logolik, an inom, hagainafuri mondogat inom, weak hilingi'luk Hat hawi wuri'mo yi helokhoma andogosi we'luk samban yagahetunem ninane hesanggo holfuluk he, weak hilingisugun mene andi sagalogo herakfisikhi logoino o, neisena.

KELUARAN 3:7

A'nogo salhikhemo, At nineisena Tuhan nen he, mel yagatikhe: ”An nagainafuri afuni Mesir mene nen inamingmingengge higit ferinarek logolik, yi enggin ti enggin hilinginafunem telinabuageluk nayonggo fugu mondok welagaikharek andi, An arat neilenggen isigik, nesanggo holhik, igi o. It yi enggin ti enggin hili'lagwi andi An mondogat nelu o.

YESAYA 64:12

Andoma mondogat he Haren heilenggen hikhi lagen meneat he, hane legat welagen andi nenahalok? Nit yi enggin ti enggin ninoba fugunem weak hokhorogo hikhi logouwagaluk herakninobagegen a?

MAZMUR 116:1

An nen neisena Tuhan oba telnabuageluk ayonggo fugunem, an nane esanggo holherek andi nen he, At oba nendawi hundik welagirego.

DANIEL 9:7

A'nogo hilingiti lagagu andiba, Haren higithogoat hilingninafendek meneat he, nit ninebe afuni Israel mene mondogat, o yogondak ninenggali hikhi lago yi o. Afuni o Yehuda mene inom, Yerusalem mene inom, nit ninebe Hat hoba lombokhogo welagi'lek hilingiti lagagu andiba, Haren pugulogo o yatkwe la'ninobagai wagaginmo o ekhema-ekhema welago mene ninomat ninenggali hikhi lago, neisena.

BILANGAN 6:27

A'nogo yagatikhesik ekhe mel yagatikhe: ”An nen afuni Israel mene fanorinabuageluk nenu hombuk palogo yaganetunem he, An nen fanorinafi logogin aro,” iluk yagatikhe.

MAZMUR 25:6

Tuhan neisena, Haren attak-attak hobabut fano mene a'nogo inom, hendawi hundik hilingnafi lagen mene a'nogo inom, inuk neasigin mene a'nogo re eberek logoino o.

YEHEZKIEL 36:22

Andi nen he, An Tuhan Lego Mondok welagi mene a'nogo nen hobuk Israel oba hilingfagain iluk ikhi lagi mene andoma yagaisan. Yago, hit Israel hinap yi, An nen hobuk hilingisigin mene andoma re, ero hiren hilingiti lagep oba re fuk, athe An nenu mondok horek mene a'nogo hiren yikwe-tikwe laga logolik, mondogat weagerik nikhi lagep andiba o.