DANIEL 9:16 - Allah Wene Fano Wene Hupla Inane

¹⁶ Neisena. Haren attagat hendawirogo telninafi lagagin andi hak, yogondak ha'mage lagaluk, o kota Yerusalem inom, honggwarek handom oba inom, weaget fesigin andi hendawimo fano a'no o, neisena. Nit ninebe nen inom, ninombalagen inom, ninobabut weak hilingitik, kwanirogo hilingitik, ogorek andiba, afuni ninera'lukwe welagaikharek mene nen he, nit hagainafuri inendawimo seramet ninobagagik, nen, o kota Yerusalem inendawimo seramet figik, ili'lagwi o, neisena.

DANIEL 9:16 Referans Kwoze

ZAKHARIA 8:3

An nebe sugulogo o An Nawi Yerusalem kota mondok horek mene a'nogoba wesimbik andoma logogin o. Nen, o Yerusalem andi re kota tiphogo hilingitu mene iluk inelu mondok logogun, nen Tuhan Omame Mondok Hokho mene Andom andi re Punu mondok Horek mene iluk ikhi logogun.

YOEL 3:17

Andi faget he Aren ikhi logolik, ”Yago, hit Israel mene yi. Hiren he, An nebe hineisena Tuhan Allah welagirek mene a'nogo hinelu asugun o. An nebe re Nandom Sion mondok horek mene a'nogoba logogin, Nen, o Yerusalem ogore An nonggwarek nawi kota fano horek awiat hilingisogo fagain o. A'nogo hilingfugunem, hobuk afuni pok mene o andoma kwikhi logogun mondok lego.

DANIEL 9:20

An nen Allah ayonggo a'nogo fikhi logolik, an nonggwarek inom, afuni Israel ninunggulenu misigat mene inom, ninomen Allah ane sagalogo weak hilingitugu mene omanogo fakhogo herakfisaluk, Tuhan Allah onggwarek awi meisalhukwa mene andi hobuk ambotkwe obulu'mo wusuagaluk kino yagati.

MAZMUR 31:1

Wuni wulak fuluk ambine ugunem melalinafu mene faget, Daud awuni.

MAZMUR 79:4

Nit he afuni inunggulenu fena nit horok horokwe werek mene oma nen li'not ninobagagu mene hilinglagosik welago, iren he nit endo ya'ninafik, inabit ninoba figik hilingninabi'lagwi.

MAZMUR 71:2

Hat he katokhogo nek hilingiti lagenma re an fikhalogo nobagain o, an nane hesanggo holfuluk nagap telnabin o.

KELUARAN 20:5

An hineisena Tuhan Allah nebe Anatma re, hiren he, yi mene ti mene ekhe at emberek higit, iluk anggogoin mondok nabit andi nen he, tugwi kembu a'nogo ekhe alik waganogo wurogo fembik fogerasugun mondok lego. Afuni an nebe inapsiri mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.

1 YOHANES 1:9

Mene re, nit weak hilingito mene fakhogo fogoin halok, at obabut higit mondok logolik, wene wa'nisikherek hagat hilingiterek andi nen he, nit weak hilingitorek mene sebelogo legetfisaluk, weak hilingisuogeluk ninendawimo ebetorek mene sobalninaferek.

2 TESALONIKA 1:6

Ninoe Enupogot Yesus agoromi malaikat yonggo nikharek mene inom pogoroba nen inomamerogo weinam hogoat endu amulok anggele'ma pi wagunem he, Allah nen wene afuni inoba higithogo fikhi logolik, it hit yi enggin ti enggin hilinghinabi'lagwi mene, onggo higithogoat weagerinafik, nen hit yi enggin ti enggin hikhi lagep mene andi, nit ninomat ninendawimo fanotninafik, igino. A'nogo ikhi logolik he, it afuni Allah ebe inelu asu inabit logolik, ninoe Enupogot Yesus hilingitikhe wene fano wene a'nogo wanhi'lek herakfisili'lagwi mene wene inoba fagaino.

YEHEZKIEL 5:14

Hat he o meisalogo kabok lagaikherek mene hak asumo it inunggulenu hat welagen kwe maserogo welagaikharek mene nen li'not hafi logogun, nen afuni kwe andoma kwe laga logogun mene nen he ogal healuk laga logogun.

YEREMIA 32:32

Afuni Yehuda mene inom Yerusalem mene inomen weak hilingitu mene inom, raja inom, ap pemerintah inobaget yabu legoma hilingitarek mene inom, it imam en inom, nabi inomen he weak mondok hilingiri'lagwi andi nen.

YEREMIA 29:18

An nen it inebe weim en inom, sumburu ouwagen inom, ou amben weak mene nen inom, siginarek muginarek nugunem he yi afuni ti afuni inunggulenu lombok inanggweangma welagaikharek mene andoma nen it inoba hilingik mene andoma ineilenggen isaluk inamel-mel enek aga logogun. An nen mondogat telfol isagain kwe andoma afuni nen it inoba hilingik mene andoma isaluk he inamel-melhogo inailoti logogun. It he aben puliap inafi logolik homan ikfisouwogeluk he it inenu ulugen homan ikfisikhi logogun.

YEREMIA 24:9

An nen mondogat wil-wal hambik inebe alomat fisamo re yi afuni ti afuni o kweangma welagaikharek mene mondogaren he inailoti logogun. O it loageluk hilingfisagain oba andoma lagunem he afuni nen it faget puliarinafik, endo yagaisogo pelaginafik, sebelfisigik, hilingiti logogun. Aben homan ikfisikhi logolik he it inenu hombuk palogo ikhi logogun.

MAZMUR 143:1

Daud awuni. Tuhan neisena, an nen samban ikhi lagi mene andi hesanggo holnabin o, an nen kino yagaheti lagi mene andi faget futnobagain o. Haren mondok tiphogo nek hilingiti lagen mene a'nogoba onggo yaganom, Haren katokhogo nek hilingiti lagen mene a'nogoba samban ikhi lagi mene tip ikhi logouwak.

MAZMUR 41:13

An nendawinggen sebel fakhaluk welagi andiba re Haren an lebetniikhi lagen, nen an nebe Hat ninom mondok-mondok logouwageluk hilingnobagakhi lagen.

NEHEMIA 9:8

A'nogo salogo fesiginmo, at ebe hat hoba lombokhogo logolik, hane hologo mondok hilingitunem hasigin andi. A'nogo hasigindik, haren at wene eberogoat mene wareti logolik he, o afuni Kanaan mene inaiba inom, Het mene inaiba inom, Amori mene inaiba inom, Feris mene inaiba inom, Yebus mene inaiba inom, Girgasi mene inaiba inom, mondogat andi, haren tagomangge mene inebe mondogat eise asimbik logouwagaluk wokhesigin o, iluk wene waretigin andi. Hat hebe inoba lombokhogo logolik, higithogo nek hilingitendek andi nen he, hat wokhesigin, iluk wene waretigin mene andi, ebe mondogat arat wogotigin andi, neisena.

1 SAMUEL 2:7

Nen, Haren, afuni inenggi lek hilingisogo fisigik, nen inenggi werek hilingisogo fisigik, egendego. nen, it ekhe sebelfisigik, ekhe legetfisigik, egendegaro.

MAZMUR 85:4

Haren hanini it inoba fuluk welagagin mene a'nogo re mondogat oak waganogo wanhiginmo re, Haren hanini ekhe it inoba fikhi lagen mondok lek andi o.

YESAYA 5:25

Tuhan a'mage At againafuri mene inoba fikhesik werek andi nen he, it inoba unggum feigeluk fik foukhogo werek. Tom-tom andoma mondogat yelandi-kwelandirisagain, it inebe warek he engga fili filingge ebekhe kwe hugisugunem werek andi hakhogo warek enek pipou ugun. Oba nen he Tuhan a'mage legasigin lek andi nen he unggum inoba fagain.

YEREMIA 32:31

O kota yi wusuogeluk eroratukwa huli nen enggere afuni o ma werek mene nen he An na'mage kwelabi'lagwi. Andi nen he An nen it mondogat leget fisagain iluk, igi andi.

DANIEL 11:45

A'nogo hilingisimbik aren he kerajaan andiba o tenda re i laut en hilingi'luk, tom o Tuhan awi wuri'mo nen hilingi'luk tulem andoma wusigin. Oba nen hobugen he, at ebe wa'lasumo re ap misigen iluk ogo ekhe lebethogoin mondok lego,” iluk ikhe.

MAZMUR 89:51

Tuhan neisena. An hamingmingengge yi, noba wiik weakhogo yaganeri'lagwi andi hendawimo ebesin o. Afuni inunggulenu lombogen inane weak noba fili'lagwi andi nen he nendawimo weak welagi o.