DANIEL 9:13 - Allah Wene Fano Wene Hupla Inane

¹³ Haren he, Mondok weak mene hinoba fagain, iluk isiginmo, wene Musa nen lisu palogo fesikhe mene andi mondogat nit ninoba fesigin meneat he, niren Hat hendawimo fano asuageluk ekhe hilingiti'lego. Ninobabut weak hilingitorek mene andi herakfisaluk, Haren ebe wene yaganisegendek mene andi higithogo hilingisu ninabirat welago andi, neisena.

DANIEL 9:13 Referans Kwoze

DANIEL 9:11

Nit afuni Israel mene mondogaren he, Haren, Yi'nogo hilingiti logoino, ti'nogo hilingiti logoino, iluk komotninafigin wene andi ninesanggo hologo hilingiti'lek herakfisaluk, hunogo mene hilingiti lagagu o. Hat hane sagalogo weak hilingiti lagagumo, Haren he, Homan hinobagagin o, iluk hombuk palogo yaganisasigin mene andi hamingmingengge Musa nen lisu palogo fesikhe mene a'nogo ninoba fegenma o.

YEREMIA 2:30

An nen komothinafu mene omanogo wanhi'lek werek kwelek we alomarogo hangge unggum hinoba fou hak andi. Mene singa aik anini mene a'nogo nen yi mene ti mene halmakhigik ninggerek hak, hiren ap An nane yagahisagarek mene inebe inoati lagep andi.

YESAYA 9:13

Andiba re linggene misik oba nek he Tuhan nen it Israel mene inogogwi ferinarek welagaikharek mene inom afuni holharek mene inom unggum wogisagain. Aren he inunggul inom, inagenggum inom tegethigik hugisagain.

HOSEA 7:10

It Israel mene nen wonoget fakhili'lagwi mene a'nogo re mondogat weinam hilingi'mo re, it inaweak hilingiri'lagwi mene a'nogo ero weinam ari'lago andi. Mondogat andoma ari'lagoba nen iren sugulogo An ineisena Tuhan Allah a'nogo nambit wagik, An hera'nafik, hilingiri'lagwi lek.

YEREMIA 31:18

Hobuk an nesanggo holhunemen he afuni Israel mene re inendawimo heiselogo, inane ikhi logolik he, ”Tuhan nineisena, nit he wam maro eil oan wati'lek mene hangge hilingik welagagu o, oba nen he niren futfuluk hilingisuageluk he Haren yaganisasigin, nen yogondak he nit sugulogo Hat hoba wesuogeluk hilingiti lago, nineisena. Ma re, Tuhan Allah nineisena, Haren nit nekhengge wo'ninabin o.

YEREMIA 5:3

Ibi eberogo nen he Tuhan neisena, Haren it higithogo hilingiti logouwageluk yagaisugu le'ma hangge hilingiri'lagwi. Haren it fut fouwageluk inoati lagen oba nen he iren inobakhe nene hilingiri'lagwi. Haren it lombukhogo hilingiti logouwageluk sebelogo fisikhi lagen, oba nen he iren yanggulninabuak anggili'lagwi lek. It he inendawinggen mondok omamerek logolik inaweak oba nen agam esure inabit mondok werek.

MAZMUR 119:27

Hat hawene melalek werek mene andoma an nen fanorogo futfikhi logogin nen he lebetniikhi logoino, Haren mondok elalin mene hilingiti lagen mene andoma, an nen kwelakhikhi logolik ebethikhi logogin o.

AYUB 36:13

It afuni ineisena tuhan lek mene we yugunat hilingitarek mene nen he ina'mage nek inendawimo wut-warogo fetaluk logolik he, At Tuhan nen unggum inoba fikherek oba nen ogore nit lebetninapni mel agarek lek.

YAKOBUS 1:5

Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.

EFESUS 4:21

Hit at abok holhigipsik hinom hundik logolik, ebe wene Yesus hilingitikhe wene andi, yagahisasukwama wanhigip anggigi.

YOHANES 10:35

Wene Allah aneba lisu palek welagarek andi mondogat he, ekhe tagan ikherek lek anggigi. Andi nen he, irat ane yagaisasikhe mene faget, Hinebe allah aro, iluk isikhemo lisu palek werek kwelegat,

YOHANES 8:32

wene ebe wene hinelu asigin o. Hinelu asumo, wene ebe wene andibaat hinebe hele fikhalogo hinale'ma hinobagagin o,” iluk yagaisikhi lagaikhemo,

YOHANES 6:45

Wene andi faget it ap Allah ane yagaisikhi lagaukwa mene omanogo nen lisu palogo fikhi logolik mel isukwa: It afuni mondogat Allah nenat wene yagaisikhi logogin o, iluk lisu palogo fesukwa andi hagat, afuni an neisena ane inesanggo holfuluk, aren yagaisugunem wanhu halok, inebe lombok an noba wagaikharegaro.

LUKAS 24:45

Allah ane lisu palek futfouwageluk, it omanogo wene inendawinggen kagalogo yagaisasikhemo futfesukwa.

HOSEA 7:14

Iren inendawinggenma ibi-eberogo nen samban An noba ili'lagwi lek. Iren samban ikhi logolik he it inebe nogoli'lagwiba omanogo weing la'luk, afuni An noba eberogo anggili'lagwi lek mene nen hilingiri'lagwi omanogo hakhogo re le ari'lagwi. Iren ambi gandum inom anggur inom kino yaga'neti logolik halok he, ap kembu dewa fogerari'lagwi mene nen hilingitarek hakhogo inebene inagap palikhi logolik kino yaganeri'lagwi. It he mondok ibi-eberogo nenat An nane sagalogo hilingiri'lagwi.

HOSEA 7:7

It inanini nen ina'mage lagaikherek mene a'nogoba re inogogwi kaindek ferinarek werek mene omanogo mondogat inoari'lagwi. Iren raja omanogo mondogat ekhe inoatik-ekhe inoatik hilingita andi. Oba nen he, inebeba elokhe mondok weakhogo hilinglagu kwelek oba nenat he, ap misigen iluk ogo An nen leberisoageluk samban noba kino ili'lagwi mondok lego,” iluk ikhe.

RATAPAN 5:21

Tuhan neisena, Haren nit hobuk ninambotkwe sugulogo Hat hoba ninobagaime o. nirogo sugulogo Hat hoba wesugun! Ninebe attak hilingik welagagu hak hilingik logogun nen he halogo ninobagain o,

YEREMIA 44:27

An nen he hit hinebeba alomat fakhigik, weakhogo logouwageluk hilinghinobagagik umore hilingik werek kwelek enek he weim en ogo, ou amben weak mene nen ogo, hinebe mondogat leget hinobagauwageluk hilinghinobagagin o.

YESAYA 64:7

Haren he, ”It weak hilingiri'lagwi andiba inebe lek akhoak he,” iluk ninagaiserogo helokhe hinago welagen andiba re, nit ekhe nen henu hombuk palogo samban ogorek mondok legat. Nen, Haren lebetninabuageluk ninane ninghogo yagahetorek legaro.

YESAYA 42:9

An nen, ”Yi'nogo hilinglasigin, iluk igi mene andi yogondak he enegat ari'lago. Wene ket mene yogondak hilinglari'logo mene ogo yagaheti lagi aro. Wene ebe oan hilinglagi'lek werek kwelek, attak he mondogat yagaheti o,” iluk ikhe.

MAZMUR 119:73

We Haren enek an nebe pugunhogo elalnafigin, Haren wene yi'nogo hilingiti logoino ti'nogo hilingiti logoino iluk werek mene andi yanggulikhi logoiyogen he, an wenggelhu mene wo'nom o.

MAZMUR 119:18

Hat Hawene melalek mondok wesa polan mene yaganisikhi lagen mene andi an furogo kumuthikhi logoigen he neilenggen fenggen fein o.

MAZMUR 85:4

Haren hanini it inoba fuluk welagagin mene a'nogo re mondogat oak waganogo wanhiginmo re, Haren hanini ekhe it inoba fikhi lagen mondok lek andi o.

ULANGAN 29:4

Oba nen he o yogondak huli yaba re hit a'nogo hogoin mene ebe yi'nogo faget hilinglaga iluk futfou re elo'lego.

YESAYA 31:1

Ap o Mesir mene nen lebetninabuageluk kinosi lagaikharek mene andi re alomat laga logouwak! It he Mesir mene inomame hokho mene inangge kuda hokhorogo werek andiba inom, ap tentara esa logalek meneba inom, kuda iren mene omame hokhore'ma inangge kereta ogo hokhorogo werek andi faget inom inendawinggen himbiret fagasik hilingiri'lagwi. Oba nen he Iren Tuhan Allah Israel mene Mondok amu tegelek welagarek mene a'nogoba tibet figi'legengge logolik lebetninabin iluk kino ili'lagwi lek.

2 RAJA-RAJA 22:16

An nen hobuk afuni Yerusalem welagaikharek mene mondogat wene inoba fagain mene, buku lisu palek meneba noe raja haren yogondagat enu salhen andi higithogoat inoba fagain o.

YESAYA 43:22

Tuhan nen mel ikhe: ”A'nogo meneat he, hit he afuni Israel mene welagep oba nen, An fogetnafi'lek welagik, An nobaandogosi wagi'lek welagik, ikhi lagep.

YESAYA 64:6

Nit afuni ninebe mondogat he emerek mene nek hilinglagosik welago andiba re, niren fano mene hilingiti lago meneba nen ogore mondok weak hilingi'mo elokhe mondok weagat andi. Engga puk agunem sogoien furogo waluk lagarek andi hak, nit ninobabut weak mene nek hilingitorek andiba ninebe mondok lek asugun andi.

YEREMIA 30:14

Hit hinendawi hundik mene omanogo nen hit hinoba inonggorasugun, iren he hit hinoba ekhe ebet hisogoin lek. Hit he eberogo nenat hinaweak mondok hokho pokhorogo logolik, hiren kwanirogo hilingiti lagagip mene re oba li'loukhogo hilingi'mo re, afuni selei mene inoba hilingfisagarek hak An nen hinoasi wagagisik unggum enggin hogo wokhisasigi o.

YEHEZKIEL 16:43

Hat hebe souge oan oba An nen kulhafigi mene a'nogo honggora'luk hilingiti lagen andi faget unggum wokhesigin. Haren An na'mage kwelagaisogo yi weak ti weak mondok hokhorogo hilingiti lagen oba An na'mage lagakhi laga andi. Nenahalok hat hobabut mondok hebak inabe mene hilingiti logolik meneat he hobuk ekhe inomat babi hilingituat welagen nogo? Iluk An Tuhan Lego Mondok welagirek mene a'nogo nen nane mondogat igi o,” ikhe.