DANIEL 8:26 - Allah Wene Fano Wene Hupla Inane

²⁶ Nen, yi mene ti mene warogo wogetu mene faget habikanggoba tindelogo yagahetunem hegen mene andi re ibi-eberogo asigin mene faget hegen. Oba nen andoma mondogat he hubuk erembul oba asigin mene oan yathogoat werek andi nen he it ekhe inoba tindelu fugo o,” iluk yaganete.

DANIEL 8:26 Referans Kwoze

DANIEL 10:1

Ap Koresy afuni Persia mene faget raja menlagaikhesik ferinarek logolik tahun henaganek meneba werek kwelek he wene ekhe at Daniel enu Beltsazar a'nogoba yagatikhe. Wene andi ebe eberogo mene oba nen, ebe yi'nogo faget iluk furogo fut fou re elo'lek mene yagatikhe. A'nogo yagatikhemo at Daniel en wene andi ebe ninggi'nogo faget he fut feile e. iluk hilingitunem en he, wene isikhe mene a'nogo faget ebe yi'nogo faget iluk Daniel abikanggoba yagatunem hasikhe.

DANIEL 12:9

A'nogo heinok wokhigimo re aren onggo yaganeti logolik, ”Daniel, wene yi re o wurep kobok igi'lek werek kwelek he etok mondok were'ma hinago logogin enggere hat he lan o.

DANIEL 12:4

A'nogo yaganetesik malaikat a'nogo nen ekhe yaganeti logolik, ”Daniel, buku fikhal higi'lek were'ma nek he o wurep kobok igin enggere, yogondak yinggilogo fuluk he amusu somuk amusu hangge meneba yugulogo te'merogo re enegenggerogo fein o. Afuni hokhorogo nen he yi'nogo ti'nogo agarek mene andoma faget fut fogoin iluk hilingiti logogun. Oba nen he, iren hilingiti logogun mene andi re we alomarogo hilingiti logogun o,” iluk yaganete.

DANIEL 10:14

Haren habikanggoba hegen mene andi re linggene elokhe fikhit andoma asigin mene faget hegen o. Nen an he afuni hat hunggulenu mene inoba hobuk ninggi'nogo asigin iluk hat fut feinogen iluk wagi o, iluk yaganete.

WAHYU 22:10

A'nogo yaganetesik, hobuk yaganeti logolik: ”Yi wene ti wene Allah nen ikhe mene yi weak-weagat hilinglasigin andi nen he, silo fagarek andi hak, afuni yagaisagain lek, iluk wene hendawimo asimbik kamo igi'lek yagaisikhi logoino o.

YEHEZKIEL 12:27

”Hat afuni wa'lagaikharek mene yi re, ap Israel mene nen ikhi logolik, haren habiba hikhi lagen mene inom, hobuk asigin mene iluk ikhi lagen mene andoma inom faget he eil uanhogo logombigen hobuk andoma nek he hilinglasigin o ili'lagwi.

WAHYU 10:4

Unggunggu ane a'nogo ugunem he, an lisu paligeluk igi meneat he, pogoroba nen mel yaganeta: ”Unggunggu ane 7 nen ugunem hesanggo holhen mene andi, lisu paligin lego. We, hendawimo kamo ino,” iluk yaganetama holhirik he, kamo igi.

YESAYA 24:22

It inebe misi'mo andogorogo fisambik he hele warogo oumo kwelakfisagarek hak, hele warogo fisaluk kwelakfisagarek oba andoma werek kwelek enek he unggum inoba fagain oba a'nogo arat horok asi wesigin.

DANIEL 11:2

Nen, an nen hat hoba yagahesigin mene andoma re eberogo meneat yagahesigin o,” iluk ikhe. A'nogo ikhesik Malaikat a'nogo nen ikhi logolik, ”Raja amu mene inebe henagan mene nen o Persia ba andoma ferinarek logombigen he, it inombo'ne re raja enggaminogo nek mene andi re it andem we harek oba nen at andi nek he enggi werek mene logogin. A'nogo hilingik logolik at ebe omame arik lagik, enggi werek agik, hilingirik lagik laga logombik ambisangma nen he sa omame werek sa omame werek kerajaan Yunani mene inom wal-wal ugun.