DANIEL 8:25 - Allah Wene Fano Wene Hupla Inane

²⁵ At awenggelek mondok weak logolik hilingitunem he aren lalogo hilinginafu mene andoma re ambisangma higit enek aga logogin. At ebe onggwaregen leget fakhikhi logolik attak ineluet figi'legengge mondabi weagerinafi logogin. Andi nen At Raja Mondok Hokho mene a'nogoba nen ogore ailo lek engge, inom weim yafi logogin. Oba nen at ebere afuni inomameba re lek oba nen amu wolelenggenhogo lek asigin.

DANIEL 8:25 Referans Kwoze

DANIEL 8:11

A'nogo hilingitesigen he, aren pogoroba mene tentara inoe kain panglima a'nogo oba re an enek he nalongsek welagi iluk wonoget fakhigik, iren yi mene ti mene panglima andi faget fuluk linggene hundik-hundik wogetu mene omanogo leget figik, at andi obaget fogerasuogeluk andogotarek awi a'nogo meisal isigik, hilingiti laga.

WAHYU 17:14

A'nogo eisewerek fembik, Domba Eak a'nogo weim inom yabuogeluk ugun meneat he, at Domba Eak ebe afuni kaindek inenupogot inom, inenuwerek mene inom, mondogat inoe enuwerek lego mene arat andi nen he, againafuri wenaginafikhesik inayonggo fesikhemo inobabut at faget humbunhogo hilingitarek mene omanogo, at ebikhit agaikhasik, inomen, at mene olomene hangge a'nogo agoromi inom mabenetfisogoin o,” iluk yaganete.

AYUB 34:20

At Allah nen it ap sebelinarek mene omanogo unggum wogisamo re, hubenggen tulem oba nen ogore it inebe ferekhogo wa'lasu hagat. Nen, it ap inalong-pinalongsek inap omanogo re siserogo inoasumo re, it inebe mondogat legasu hagat.

DANIEL 11:45

A'nogo hilingisimbik aren he kerajaan andiba o tenda re i laut en hilingi'luk, tom o Tuhan awi wuri'mo nen hilingi'luk tulem andoma wusigin. Oba nen hobugen he, at ebe wa'lasumo re ap misigen iluk ogo ekhe lebethogoin mondok lego,” iluk ikhe.

DANIEL 7:26

A'nogo ferinarek were'ma, o pogoroba wene inoba figik kotik ikherek oba omanogo nen wene arat tekhogo imbigen enek he, at andi nen enggiba ferinarek logogin mene andi telogo wanimbik he, ebe wolelenggen tagalogo legetfisogoin.

DANIEL 7:8

A'nogo yethigirik, neilenggen andimuk andoma yerogo were'ma re, aremnogoat andimuk 10 nen andem werek kwelek anggele'ma andimuk ket mene ekhe wulifunem higi. Andimuk andi ebe magenggelak meneat he, andi wilifi logolik wogolik-wogolik he andimuk attak mene aremnogo henaganek mene henogo lagunem higi. Andimuk mage mene andi eilenggen afuni ineilenggen hangge werek mene re, ambeba nen fogerakhugunem higi.

RATAPAN 4:6

It Sodom inap inoba afuni nen yi'nogo ti'nogo ekhe hilingiti'le'ma nen unggum Allah enggiba nen ferekhogo wogisikhe mene andi re mabensek oba nen, an nagainafuri nek he unggum engginhogo wogisikhe.

YEREMIA 48:26

Tuhan nen ikhi logolik, ”Moab he, An neilhanem legetfakhugu nen he, at ebere lugulugwi palik higit hilinglasuago. At ebe re, onggwaregen hebak wurik meneba limbil-lambelengge lagunem afuni nen endo yati logogun.

WAHYU 19:16

Nen, at enu salek ekhe yi'nogo: ”Ap kaindek inenupogot mondogat inom, inogogwi kaindek mondogat inom, inoe kain Nenupogot he, an aro,” iluk asu uan mene a'nogoba inom, agoba inom, lisu palek were'ma higi o.

2 TESALONIKA 2:3

Afuni ekhe nen: ”Allah ninabit,” iluk, herakfisaluk wulipluk at obabut mondok weak mene hobuk Allah nen endumo lakfisagain mene a'nogo weinam agik, a'nogo tak hilingisugun andi nen he, it ekhe nen yi'nogo igik, ti'nogo igik, ikhi logolik, lalhinabugun he, nabit.

2 TESALONIKA 2:8

at obabut mondok weak mene a'nogo weinamhogo wesigin. Wesimbik he, weak hilingitu were'ma, ninoe Enupogot Yesus fogeratu kwelek hobuk waga logolik eleage nen furogo ebe warogo mondok leget fisagain.

DANIEL 9:25

Wene yagahesigin yi, helu asuageluk fanorogo futfeino o. O Yerusalem meisalek mene andi hobuk ambotkwe wusuageluk wene ero wulafikhe andi huli nen, ap enupogot misik ekhe Allah nen wenagaisogo menfagain mene andi wesigin huli, inenggi 7 kali 7 tahun logogun o. A'nogo logombik, hobuk inenggi 62 kali 7 tahun logolik, o kota andi hobuk ambotkwe wutik, o sili hilingitik, leget kat wanhik, ugun meneat he, andem oba re enggin-fenggin inoba hugu mondok logoligat wusugun.

DANIEL 11:12

A'nogo hilingisogo fisambik, at onggwaregen he an naselei mene hokhorogo inoatirik, mabenet fisigi iluk awonok asigin, oba nen at ebe omame werek andi hakhogo nek logogin lek.