DANIEL 8:12 - Allah Wene Fano Wene Hupla Inane

¹² A'nogo hilingitunem he afuni omanogo re iren yi mene ti mene fuluk wogetunogo iluk werek mene a'nogo sagalogo hilingituba re it weak hilingiti lagaikha. Andiba re, wene eberogo mene kabogeti logolik hilingitarek mene a'nogo re kweangma hambokhogo hugisa pikhi laga. A'nogo hilingiti laga andiba re, andimuk a'nogo nen ekhe aple-ekhe aple hilingitunem he ambisangma fano nek hilinglarik lagunem higi.

DANIEL 8:12 Referans Kwoze

YEREMIA 12:1

Tuhan neisena, an nen nawene helaluk hat hoba wesumo nen he Hat hamu nek he eberogo mene welagen iluk weinam asu hagaro. Oba nen he an nen hat hoba wene heirogo hilingitarek mene andi faget heinok wokhikhi lagiat: ”Nenahalok ap ina'mage weak hilingitarek mene andi inenggi werek logolik fano werek nogo? Ninggi'nogo nen ap higithogo hilingitarek lek mene nen hilingitunem ambisangma higit enek agarek nogo?

YESAYA 59:14

Wene melalek katokhogo hilingitu awene omanogo esanggoma higilogo figik, nen elalhigin mene omanogo filikhogo yatma lakfigik, ogo. Afuni hokhorogo inanggele'ma nen he, higithogo hilingitarek mene omanogo seramet figik, ninendawinggen sakhorek oba hilingitu aple omanogo re esanggoma higil figik, ogo.

WAHYU 13:7

Andi hagat, afuni inunggulenu lombok, inane lombok, inagap lombok, inawi lombok, mondogat aren awe a'ma fisaluk ferinarek logouwageluk menfikhemo eisewerek a'luk, Allah againafuri inom weim yafi logolik, mabenetfisikhi laga higi.

DANIEL 11:28

A'nogo hilingisimbik raja utara fikhit mene faget werek mene a'nogo re angge hugul helagain mene omanogo hogoik eraluk he aiba eroma omanogo lagain. Aren he, wene it Allah againafuri nen wanharek mene a'nogo lek hilingisogo fagain iluk hilingiti logogin. Nen at endawimo anggugu mene nek hilingiti logolik he, awi eroma nekhengge wesigin.

DANIEL 8:4

A'nogo hilingi'mo higiri'mo nen he, domba a'nogo andimuk en he barat fikhit inom utara fikhit inom selatan fikhit inom talhi laga higi. A'nogo talhunem he it wam amu-amu mene re at elokhoma kure mondok elo'lek hilingi'mo at omame a'ma nen wilibila re mondogat elo'lek hilingik welaga. Aren he, onggwarek endawimo anggikherek mene nek hilingiti logolik he mondogat awonok agunem higi.

MAZMUR 119:142

Haren wene katokhogo nek ikhi lagen mene andi re mondok-mondok logogin mene, nen Hat hawene melalek andi re mondok eberogo mene nek werek.

MAZMUR 119:43

An he Haren wene tekhogo isigin mene a'nogoba nek nendawinggenma eberek welagimo re, an nen nane eberogo mene nek ikhi logogin nen lebetnean o.

AYUB 12:6

Oba nen he, ap hinatarek mene andi re, afuni nen ogo inanggomo pali'lagwi lek, it afuni Allah oba inailo legengge ane oak sagalharek mene omanogo nen it mene inanggembuba inendawinggen tibet fuluk logolik inonggwarek inomameba werek oba nen ogore, inebe mandok fanogo werek.

1 SAMUEL 23:9

Oba nen he at Saul en Daud oba a'mage fesikhesik hilingisigin iluk wenggelhikhe mene a'nogore at Daud mondogat elu agaikhe. Andi nen he aren imam Abyatar a'nogo yagati logolik, ”No efod ari waluk eme o,” iluk yagatikhe.

MAZMUR 28:5

At Tuhan nen hilingitikhe mene oma faget he iren along werek anggili lagawi lek, nen Aren ekhe mene-ekhe mene hilingfesikhe mene andoma faget ogo legeisogo fili'lagwi legat. Andiba re Aren it inoba wene fuluk he it inebe mondok-mondok leget fisagain.

DANIEL 7:21

A'nogo anggigirik, neilenggen oba yerogo were'ma re, at andimuk endep mene a'nogo nen afuni Allah onggwarek againafuri inom weim yafi logolik, mabenet fisikhi laga higi.