DANIEL 7:8 - Allah Wene Fano Wene Hupla Inane

⁸ A'nogo yethigirik, neilenggen andimuk andoma yerogo were'ma re, aremnogoat andimuk 10 nen andem werek kwelek anggele'ma andimuk ket mene ekhe wulifunem higi. Andimuk andi ebe magenggelak meneat he, andi wilifi logolik wogolik-wogolik he andimuk attak mene aremnogo henaganek mene henogo lagunem higi. Andimuk mage mene andi eilenggen afuni ineilenggen hangge werek mene re, ambeba nen fogerakhugunem higi.

DANIEL 7:8 Referans Kwoze

WAHYU 13:1

A'nogo yethigiri'mo nen, ombo'ne re, mene olomene hangge hokho mene ekhe andimuk unggul oba ebe 10 nen wulibik welaga, nen unggul he, 7 nen hilingi'mo, i laut yenggele'ma nen wulibi wagunem yethigi. Andimuk 10 nen andi, ebe lombok oba re, kware-kware ap kaindek ikfisagarek andi hak ugu were'ma, nen unggul 7 nen andiba, ebe lombok oba re Allah enu wiik-weakhogo hilingitarek mene lisu palek welaga yethigi.

MAZMUR 12:3

It inebe mondogen he inagaila'lak inom lal-lal agik, inane pugun obare inagaila'lak ineranen wene lalinafik, hilingiri'lagwi o.

WAHYU 9:7

Nen, it pulue andi inebe re, wam kuda, afuni nen amboroba hu'la'luk weim yabi louwogeluk esa fologo fisugunem welagaikharek andi hak welagaikha. It andi inelokhonggen he afuni inelokhonggen hangge. mene inunggul oba re kware-kware hangge emas mene ugu.

2 TESALONIKA 2:4

At andi ebe weinam asimbik, Allah awi wuri'mo menlasi kwimbik he, onggwaregen fogerakhikhi logolik yi'nogo igin: ”Afuni nen, yi mene ti mene oba himbirik logolik fogeratarek mene inom, hineisena ebe yi, iluk agarek mene andi mondogat inom, elo'lek enek meneat he, esin allah nebe an aro,” iluk ikhi logogin andi.

DANIEL 11:36

Raja utara fikhit mene a'nogo nen he, at endawimo anggikherek mene nek hilingiti logogin. A'nogo hilingiti logolik awonok oba aren ikhi logolik he, ”Dewa amu mene ogo werek oba nen, Allah Mondok Lego mene andi werek oba nen, an enek he mondok hokho nagun welagi o,” iluk ikhi logogin. Aren a'nogo ugu mondok were'ma nen he Allah anini a'nogo mondogat wurep kobok i lagain. Andi re Allah nen hilingisigin iluk foukhogo fikhe mene andi re mondogat asi lamo nen asigin.

YUDAS 1:16

It andi afuni inabok weak palhik, wenagisigik, ugu mondogat welagaikharek mene. Yi mene ti mene inendawinggen en nunggunem, ”Namolo.” anggikhi logolik he, andi meneat hilingitik, inonggwaregen fogerakhikhi logolik, yi mene ti mene saburogo heluogeluk, it ekhe inane agaukhogo fogerinafik, agarek mene.

2 PETRUS 2:18

Afuni ekhe inerugwi inagaila'lak weagat hilingitu kwelek he, herakfisaluk wulibi wesuogeluk ugunem, inendawinggen en nunggunem hobuk weak hilingisuageluk, it ap andi inonggwarek fogerakhikhi logolik we ineranen tulemat inendawimo kagalhi logogun.

1 SAMUEL 2:3

at ege ebe were'ma yagasu hak, mel isikhe: ”Hat nege nen heranen weneat honggwarek fogerakhigik, sewirakhigik ikhi logolik, yaganesigin mondok lego. Nineisena Tuhan yi mene ti mene faget futfikherek enek hilingi'mo re, afuni inobabut hilingitarek lombok mondogat higithogo nek wene inoba figik, kotik, ikherek andi nen, hat heranen wene an nabok piliphogo pela'nafi lagen mene andi re elugun warogo hane tonggok in o.

2 TIMOTIUS 3:2

Afuni inendawinggen tulem he, inonggwarek inebe faget inom, uang faget inom, esinet figik, inonggwaregen fogerakhigik, sewirakhigik, inane puk weak wenagisigik, ineisugwi inagaisawi inane holhi'lek herakfisigik, hai warinafi'lek inobabut lagi-lagorek hilingitik, Allah faget hilingiti'lek inabit welagik,

DANIEL 7:19

A'nogo yaganete meneat he, it ekhe inebe henagan mene wulibi wagaikhasik oba nen, at ekhe hunogoat mene ebe mondok inailoet fikherek mene re, enggi a'lip tembaga mene andiba inom, aik posiemanggen mene andiba inom, weagarinafik, at ninggerek mene warogo nilik lagik, fena weagarogo eisogen wulil tagalogo potfisigik, ikhi laga andi, Ebe ninggi'nogo hilinglasigin mene faget yethigi he, nelu a'le e, iluk anggigi.