DANIEL 5:9 - Allah Wene Fano Wene Hupla Inane

⁹ A'nogo yagasu elo'lek agaikhemo, at raja Belsyazar mondok ebenagaik ailo agaikhesik he, elokhenggen ofuselogo hilinglagaikhe. A'nogo hilinglagaikhe andi nen he, it ap at agoromi kaindek omanogo inobakheindok palagaikhe.

DANIEL 5:9 Referans Kwoze

DANIEL 5:6

A'nogo hasikhesik ailo agaikhemo re elokhe heiselogo, eindep leik-leigenggeti logolik he oak omame mondogat lek agaikhe.

DANIEL 2:1

Ap Nebukadnezar raja agaikhesik oba nen tahun misik ferinarek welagaikhesigen, tahun ekhe pirenek meneba ferinarek logolik, o hubanggo ekhe sambul abi hasikhe. A'nogo hasikhesik, abi hasikhe mene andi, ”Ebe ninggi'nogo mene higi he,” iluk endawimo ebetu mondok logolik nogo igi'lek welagaikhe.

YEREMIA 6:24

A'nogo ikhemo, it afuni Yerusalem welagaikharek mene inesanggo holhasik he, inoagelekwe mondok kilukhogo, inailo mondok agama re, hemi omalik taginabuogoluk heinet hokho watarek andi hak, aleik hokhorogo wati lagaikha.

WAHYU 6:15

A'nogo hilingitunem he, afuni kweangma mene, ap inenupogot mene inom, kaindek mene inom, inogogwi kaindek mene inom, inenggi werek mene inom, inenuwerek mene inom, afuni inebendek, inamingmingengge inebe mondogat inom he, omoukwe hina'lagik, tom oba helep anggwe folelekwe hina'lagik, ikhi lagaikha isigi o.

MATIUS 2:3

Isukwama re, at kain Herodes andi esanggo holhikhesik he, at inom, afuni o Yerusalem welagaukwa mene inom, ina'manggen hokhorogo lagaikhe.

DANIEL 10:8

An namu nek aremnogo linet neagama re an nabikanggoba higi mene mondok youk lahak mene omanogo futfikhi logolik welagi. Oba nen he an nebe furogo hambuget ha aple elo'lek agama re nelokhe mondok o fuselogo hilinglagarik welagi.

YEREMIA 30:6

Yago, wenggel hambik menenei fanorogo ebe'ni o! Ap en inomalik taginabumo re elok anggegep? Elo'lego. Ariginik halok he nenahalok ap andoma inelokhe heiselogo inalabut inenggi nen senegeisogo, hemi inomalik taginabuogeluk hilingitarek hak hilingiri'lagwi nogo?

MAZMUR 48:6

We'luk, iren punu andi ineilenggen kumut haluk he, inobakheindok palagunem inailo nek a'luk inendawinggen nonghong leil warik lagaikharek.

MAZMUR 18:14

A'nogo hilingfikheresik he At Tuhan ebe pogoroba po'lima nen, unggunggu aneba sup pololang eterek, At Lego Mondok welagarek mene a'nogo nen ane holherek.