DANIEL 5:6 - Allah Wene Fano Wene Hupla Inane

⁶ A'nogo hasikhesik ailo agaikhemo re elokhe heiselogo, eindep leik-leigenggeti logolik he oak omame mondogat lek agaikhe.

DANIEL 5:6 Referans Kwoze

NAHUM 2:10

O Niniwe re mondogat wolelenggen tagalogo hilinglagama re, afuni inom, yi mene ti mene mondogat inom inane mondok tiring-terengsekma re, o andoma lei pirimhogo hilingik. It inailo nen inendawimo mondogat maben aga. Ineindep mondogat omame lek agasik inoak leigeri'lagwi. Afuni mondogat he inelokhe heiselogo ofuselogo hilingik.

DANIEL 7:28

A'nogo yethigimo, ”Ebe yi'nogo hilinglasigin mene faget hegenma o,” iluk yaganete mene lisu palogo figi mene ebe re, igi andi. Mene re, at andi nen a'nogo yaganetemo, nailo agarik nelokhonggen heiselhi meneat he, wene andi mondogat afuni ekhe yagaisigi'lek nendawimo agagi andi.

YEHEZKIEL 7:17

Afuni inebe lombok he inenggi omame legasimbik, ineindep leigeti logogun.

DANIEL 4:5

A'nogo meneba nen, nenggi ekhe sambul he nogo igirek oba nogogunemen he, an nabikanggo ekhe mondok inailo asu hak mene higirik, nendawinggen mondok fite.

YEHEZKIEL 21:7

A'nogo hilingitunem iren heinok wokhafi logolik, nenahalok neneik yabatu welagen iluk yagahetu halok it inoba yagaisikhi logolik, wene hobuk hilinglasigin mene faget hilingiti lagi o, iluk ugunogo. Wene andi nen he it inendawinggen abolok igik, inenggi omame legagik, ineindep leigetik, inoba mondogat lebelek agik, ugun. A'nogo asigin mene andi re eberogo nen asigin mo re, hilinglasigin mene arat horogasi waga o. Iluk An Tuhan Lego Mondok welagirek mene a'nogo nen nane mondogat igi o,” ikhe.

MAZMUR 69:23

It andi re inamburu seni isago nogoin mene andiba inebe alomat lakhoago. Nen it inambok sumburu isago nouwogeluk inayonggo foumo wesugun mene re, paik hele elema ke'nok ikherek hak, it inebe ke'nok ikhoak.

DANIEL 4:19

A'nogo yagatikhemo, at Daniel enu ekhe Beltsazar ikhi lagaukwa mene a'nogo nen wene andi esanggo holhikhesik youk lagaikhesik he, ailo mondok agaikhemo inukhogoat endawimo ebetu welagaikhe. A'nogo were'ma, at raja Nebukadnezar en mel yagatikhe: ”Beltsazar, an nabi higi mene andi faget inom, ebe yi'nogo hilinglasigin mene faget hegenma iluk yaganesigin andi faget inom, nailo e, iluk anggagun o,” iluk yagatikhe. A'nogo yagatikhemo, at Beltsazar en he, ”Noe. Hat habiba hilinglagunem yethegen andi ebe re it haselei mene inoba hilinglasumo re fano, noe hat hoba hilinglasi nogo.

IBRANI 12:12

Andi nen he, hinenggi omame lek mene omamet figik, hineindep abolok ili'logo mene hambuget figik, ino o.

DANIEL 3:19

A'nogo yagatukwama, at raja Nebukadnezar a'nogo a'mage Sadrakh inom, Mesakh inom, Abednego inom, inoba fesikhesik he, elokhe age mondok hokhorogo lagasikhesik, agoromi nen endu endephogo nonggwalhunem, endu aik endebat nomor satu ba agarek andi hak he, lek. We, mondok hokhorogo nolhunem endu aik huli nomor tujuh ba ekhe inomat nonggwaluageluk yagaisasikhemo, nonggwalhukwa.

DANIEL 2:1

Ap Nebukadnezar raja agaikhesik oba nen tahun misik ferinarek welagaikhesigen, tahun ekhe pirenek meneba ferinarek logolik, o hubanggo ekhe sambul abi hasikhe. A'nogo hasikhesik, abi hasikhe mene andi, ”Ebe ninggi'nogo mene higi he,” iluk endawimo ebetu mondok logolik nogo igi'lek welagaikhe.

YESAYA 35:3

Hineggi omame lek mene re hambuget hani, nen eisok leigeti lagep mene re wuriget feni.

YESAYA 5:27

It inebe re weim yabuogeluk inoba liklouksek logolik, inaberali agi'lek, nen nogo igi'lek, nogo ineilinafi'lek welagaikharek inap.

MAZMUR 22:14

Mene singa nen yi mene ti mene ebe halmakhigik nagaluk, ane kouwarik wagarek hak, iren an noasuogeluk inambe anghogo weri'lagwi.

DANIEL 5:5

A'nogo fogeratu were'ma aremnogoat, ap enggi palek, at raja awi hobat oba esage ibili'mo mondok selekse'ma aremnogo lisu palagunem at raja nen eilenggen furogo yerogo welagaikhe.

YEREMIA 50:43

A'nogo wesigin iluk ugunem holhaluk he, raja Babel mene re at oak elekwe hololong ili'logo. At mondogat ailo nek agunem he, hemi ineagwi taginabuogeluk ouen heinet watarek hak hilingiri'lago.