DANIEL 5:3 - Allah Wene Fano Wene Hupla Inane

³ A'nogo yagaisasikhemo, iwak omanogo at oba waluk wagaukwama re, at raja ebe inom, agoromi kaindek inom, agagwi ebe mene inom, agagwi amingmingengge mene inom inebe mondogat i anggur amusu iwak andomaba keralogo nasukwa.

DANIEL 5:3 Referans Kwoze

DANIEL 5:2

A'nogo ninggi logolik, at Belsyazar en iwak emas mene inom perak mene inom at eisena Nebukadnezar en o Yerusalem Allah awi wuri'mo hore'ma omanogo nen wanhikhe mene omanogo wanuageluk it ekhe yagaisasikhe. A'nogo yagaisasikhe andi re, raja Belsyazar en he it kaindek andoma inom, agagwi ebe mene inom, agagwi amingmingengge mene woginafikhe mene inom, at ebe inom, iwak andomaba keralogo nogoin nen iluk isikhe.

DANIEL 5:4

A'nogo ninggi logolik, tugwi kembu emas mene inom, perak mene inom, tembaga mene inom, e mene inom, helep mene inom, pugunhogo agauwak hilingitukwa mene omanogo fogeratukwa.

DANIEL 5:23

Haren he, At Tuhan pogoroba mene eilhanem he, leget fakhikhi lagen andi. A'nogo leget fakhikhi logolik, hailo legengge iwak o Tuhan Awi wuri'mo inenggi abisak wanhukwa mene omanogo wani loagaluk yagaisegenma waluk wagaikhama re, hat hebe inom, hagoromi kaindek inom, hagagwi ebe mene inom, hagagwi hamingmingengge mene woginafigin mene inom, hinom iwak andomaba i keralhigik nenggep andi. A'nogo ninggi logolik, hat hebe heluk inom, yi mene ti mene mondogat inom at Allah enggiba werek kwelegat he, At agaukhogo fogerati'lek, tugwi kembu perak mene inom, emas mene inom, tembaga mene inom, posiemanggen mene inom, e mene inom, helep mene inom, agauwak hilingisogo pugunetarek mene ineilenggen isa re elo'lek meneat, inesanggo holu elo'lek meneat, wene futfou elo'legat mene andoma oba fogerati lagen andi o, noe.

HAKIM–HAKIM 19:1

It Israel inap inoe raja oan menlagi'lek kwelek o ap Efraim mene inandom oba andoma ap Lewi mene misik ekhe welagaikhe. Logolik he aren agwe o Betlehem mene misik ekhe he heihe hakhogo helasikhe.

2 TAWARIKH 36:18

At raja Babel mene andi nen he o Tuhan Awi wuri'mo yi mene ti mene wene kabogeti logolik wanhungge omanogo inom, yi mene ti mene onggo hokho mene omanogo inom, at raja onggwarek angge omanogo inom, it agoromi pegawai inangge omanogo inom, mondogat telaluk he o Babel lagaikhe.

YESAYA 5:14

Afuni o Yerusalem oba inogogwi kaindek ferinarek mene inom, afuni we mene inom seberogo pesta hilingiti logolik inagaiyegetarek mene andoma pilisageluk wa'lagarikharek mene a'nogo re, alonggobak ele hurogo ambele anghogo weri'lago.

YEREMIA 50:28

(Afuni o Babel en heise o Yerusalem wagaikha mene nen he, nit nineisena Tuhan Allah a'nogo nen it Babel mene nen Tuhan Awi wurik a'nogoba hilingfesukwa mene a'nogo faget onggo hilingfikhe mene tindelha.)

HOSEA 2:8

Hit hinagaisa andi re, An nen gandum inom, anggur inom, e zaitun enggen amusu inom, uang emas mene inom, perak mene inom, sik pikhogo wogotik, ikhi lagiba nen he, Allah nen wo'nete o, iluk ambeba nen fakhogo igi'lek logolik, uang omanogo re aren andugwi kembu Baal fogerasigeluk, helikherek andi.

HABAKUK 1:11

A'nogo mabenet fisa kuluk he, o sogoi weak-weak funhogo lagarek andi hak, it inebe inonggwarek inomameba himbirik welagaikharek inap andi weak-weak hela logoin o,” iluk yagaisasikhe.

MALEAKHI 1:12

A'nogo meneat he, hiren he, Nineisena Tuhan faget wam, yi mene ti mene noletarek oba yi weak. Ma re, yi mene ti mene weak mene yugunat fisogoin aro, iluk anggikhi lagep andiba nenu weagerogo fikhi lagebo.

1 TESALONIKA 5:3

Afuni nen he: ”Nit fano lioksek welago,” iluk, ugu kwelegat, hemi ineagwi ina'ma mene inonggorat were'ma inebe taginabuogeluk horokse'ma inambot heinet weak watarek hak, a'nogoat it inonggot were'ma ferekhogoat weagerinafunem heise wulibu elo'legat asigin o.