DANIEL 4:36 - Allah Wene Fano Wene Hupla Inane

³⁶ An nobabut a'nogo hebelogo ambotkwe wagaikhemo re, an nen afuni ferinarek were'ma o kerajaan oba nalong welagirek mene a'nogo inom, nenu lagarek mene a'nogo inom, nanggiluk welagirek mene a'nogo inom, nekhengge nonggwarek noba wo'nete. A'nogo wo'netemo an nebe it an nagoromi pegawai nen inom, it ap kaindegen inom, wo'nafasik he an nebe o kerajaan ferinarek welagagiba a'nogo neabu ambotkwe ferinarek logouwageluk wo'netama re, attak endep elo'lek hangge welagi meneat he, hobuk enek he, nomame mondok hokho mene welagi.

DANIEL 4:36 Referans Kwoze

DANIEL 4:34

At Nebukadnezar a'nogo hilinglagaikhesik welagaikhesigen, hobuk mel isikhe: ”A'nogo werek kwelek 7 tahun logouwagaluk isikhe higithogoat welagagisik, neilenggen pogoroba liakfigirik were'ma, nobabut ambotkwe hebelagaikhe. Nobabut a'nogo hebelagaikhemo, Allah Enupogot eluk mondok welagarek mene fogeratik, esinet figik, igi. A'nogo fogerati logolik mel igi: Allah Henupogot mondok logolik, afuni inebe hobugalep ta'larik lagu kwelek andoma ferinarek mondok logoino o.

AMSAL 22:4

It afuni ekhe inobabut sebela'luk Tuhan inailorogo logolik hilingitarek mene andi re hobuk inangge hokhorogo hilinglagik, it afuni ekhe nen agaugwerinafik, inebe fano ineluk welagik, ugun o.

MATIUS 6:33

Halok he, hineisena Allah nen awe a'ma logolik hilingiti logogun andi faget inom, nen aren, yi'nogo ti'nogo hilingi'no, iluk yagahisugunem hilingiti logogun andi faget inom, esinet fikhi logogun halok, yi mene ti mene andi oba loukhogo wokhisagain aro.

DANIEL 4:32

Andi nen he, hat hebe afuni inoba nen mugusogo lakhobagaumo, yi wam ti wam hinom o leimo andoma logogun. Andoma 7 tahun logolik, engga wam sapi nen ninggerek hak ninggi logogin. A'nogo 7 tahun arat logombik haren he, Ap inebe raja logolik afuni ferinarek welagaikharek andi re, At Allah Enupogot enggiba welagarek higi. A'nogo enggiba logolik, Aren, At andi hak ebe raja logouwak, iluk anggikherek higithogoat inebe raja logouwagaluk menfisikhere'ma, higi o, iluk hambeba nen fakhogo igin o,” iluk yaganete.

2 KORINTUS 4:17

Nit yogondak, yi enggin ti enggin hilingninabi'lagwi andi re, elama faget endebat hago. Meneat he, a'nogo hilingninabi'lagwi andiba, hobuk fogeratarek mene etok mondok logogin mene mondok hokhoat eise asuguno.

AYUB 13:12

Hiren komo wene ikhi lagep mene andoma re wul age mondok weak mene omanogo hangge hilingik, nen hiren hinonggwarek hinili helikhi lagep mene andoma re kweang tangge mene hilingik engge misigam halokhogo lagarek hakhogo hilingik.

1 SAMUEL 2:30

An hit afuni Israel hineisena Tuhan Allah nen attagat wene wathisikhi logolik: Hit hinagainafuri inom, iren tagomangge mene inom, inebe An eisewerek a'luk mondok logogun o, iluk wene warisasigi andi. A'nogo meneat he, afuni An agaugwetnabugun mene halok An nen it agaugwerinafirek, nen inendawimo seramet nobagagu mene halok An nen seramet fisigiregat, andi nen he yogondak An nen wene warisasigi mene andi herakfisagain o.

DANIEL 2:31

Henupogot mene noe. Hat habikanggoba yethegen andi re, ebe yi'nogo. Noe hat helokhoma afuni inalik waganek misigenek mene yethegen andi re ebe hokho mene re, ebene mondok amulit weak hilingitunem he, inailo asu hak mene yethegen.

DANIEL 4:22

Henupogot mene noe. E andi ebe mondok uan-awan obakhe hokho mene re omame mondok hokho andi ebe re hat hebe aro. Hat henu werek welagen mene andi hokho arik laga logolik he, pogoroba higit lagagik, hawe a'ma ferinarek welagen mene andi re yi awi ti awi pogot ero-ero wialarik lili'lago andi faget hegen o, noe.