DANIEL 4:26 - Allah Wene Fano Wene Hupla Inane

²⁶ At malaikat andi nen ikhi logolik he, e andimi andi kweang elema herakfisoagaluk ikhe andi ebe re, haren he, o yi awi ti awi mondogat Allah Enupogot mene enggiba welagaikharek, iluk hambeba nen fakhogo imbik oba nen, hobuk henupogot logogin aro.

DANIEL 4:26 Referans Kwoze

DANIEL 4:15

A'nogo meneat he, e andimi nek he kweangma yago were'ma, posiemanggen oba inom, tembaga oba inom, hele homagaisogo foumo re, meiso henanggikil ebene watu kwelek, wam sapi, domba inom engga nilik o leimo andoma nikhi logouwagen he, herakfisano o.

LUKAS 15:21

A'nogo hilingitikhemo, at amlogo a'nogo nen he, mel yagatikhe: Neisena! An he, at Allah pogoroba mene a'nogo inom, hat inom, hineil salogo weak hilingiti o. A'nogo hilingitiri'mo re, yi an namlogo, iluk hobuk igin mondok elo'lego, iluk yagatikhe.

LUKAS 15:18

Halok, an hobuk yoma nen neisena oba lambik he, mel yagasigin: Neisena! At Allah pogoroba mene andi inom, hat inom, hineil salogo weak mondok hilingitimo o.

MATIUS 21:20

A'nogo hilingitunem, at agoromi ane wanhi lagaukwa mene omanogo ineilenggen hasukwasik he, ”Egi!” iluk ikhi logolik, ”E ara yi misigamat pugaga yi ninggi'nogo nen,” iluk isukwama,

MATIUS 5:34

Meneat he, an nen ekhe yi yagahisak. Hiren he, at ekhe yagati logolik: Yi mene ti mene enu hombuk palogo yagaheti o, iluk, yagasugun mondok lego. Allah ebe pogoroba hurek welagarek andi nen he, pogot andi enu hombuk palugun mondok lego.

DANIEL 4:23

Nen, haren ap malaikat mene ekhe pogoroba nen pi wagasik, mel ugunem hegenat andi: E yi ebe musimbik he legetfisano o. A'nogo meneat he e andimi nek he, posiemanggen oba inom, hele tembaga meneba inom, homagaisogo fembik he, meiso henanggikil ebene watu were'ma, wam, sapi, domba inom seberogo o leimo andoma nikhi logolik, 7 tahun logouwageluk herakfisano o, iluk ugunem hegen andi.

DANIEL 2:37

Henupogot mene noe. Hat hebe yi afuni ti afuni inogogwi raja andomaba nen he hat enek he raja henu lagarek mene welagen. A'nogo welagen andi re At Allah pogoroba mene nen hat henupogot welagik, yi afuni ti afuni henggiba welagik, homame hokho welagik, afuni nen fogethafik, ikhi logouwagaluk menhobagaikhemo welagen o, noe.

DANIEL 2:18

A'nogo yagaisikhi logolik, ”It ap ekhe inendawinggen kagalek logolik yi wene ti wene inelu mene o Babel ekhema-ekhema welagaikharek mene andi, inoati logolik, hit nagaila'lak ninomat ninoasinogo iluk, Allah pogoroba mene nen ninebe endawit ninabimbik, at raja abi hinago mene hikhe andi ebe furogo yaganisoageluk hinane hinelagaik hinane ayonggo feino o,” iluk yagaisasikhe.

DANIEL 2:19

A'nogo yagaisasikhesik hubanggo nogo ugunem en he Allah nen raja abi hinago mene hasikhe mene a'nogo Daniel abikanggoba yagatikhe. A'nogo yagatikhemo, at Daniel en Allah pogoroba mene fogeratikhe.

DANIEL 4:31

A'nogo an raja nane oan ugu kwelek aremnogo ane ekhe pogoroba nen mel yaganete: ”Nebukadnezar henupogot mene yi. Hat faget wene yi'nogo werek andi holin o. Hat henupogot logolik, o ekhema-ekhema henggiba werek mene a'nogo re, hat hoba nen waganogo it ekhe inoba agama werego.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

DANIEL 5:20

A'nogo meneat he, at onggwaregen, An elok, iluk foget fakhiki logolik, ungguloak helep mondok hilingitik, afuni inoba wiik-weakhogo hilinginafik, ugunem, Allah nen he, Hat henupogot logogin lek, iluk futfesikhesik, afuni inalilingge korogo wokhagarek andi hak, at enu laga lagaikhe mene a'nogo oba nen korogo wokhasikhe aro.

DANIEL 5:21

At ebe afuni inoba nen mugusogo wulakfisasukwama, obabut wam obabut hangge hilinglagaikhe. At ebe wam keledai maro mene inom enggama andoma welagik, sapi nen engga ninggerek hak ninggik, hilingiti logolik, enda'ma nogo ugu mondok were'ma henanggaluk pogoroba nen ebene sali pi waga lagaikhe. A'nogo welagaikhesigen, aren ikhi logolik, Ap inenupogot logolik afuni ferinarek welagaikharek andi re, at Allah Lego Mondok welagarek mene enggiba welagaikhare'ma higi. A'nogo enggiba logolik Aren, At andi hak ebe raja logouwak, iluk anggikherek higithogoat ebe kain inoe raja logouwageluk menfisikhere'ma higi o, iluk ambeba nen fakhogo isikhe.