DANIEL 4:20 - Allah Wene Fano Wene Hupla Inane

²⁰ E uan awan mene erembul pogoroba higit lagaikhemo, afuni o yi awi ti awi welagaikharek mene mondogaren ineilenggen yetha elok were'ma hegen andi.

DANIEL 4:20 Referans Kwoze

YEHEZKIEL 31:3

Hat he e laik o Libanon agayo tolum lagaikheresik enggi hokhorogo talogo fano welagarek andi hangge welagen. E ebere mondok mitmorengge lagaikheresik pogot halianggen oba poli'ma hilingik welagarek.

YEHEZKIEL 31:16

E andi An nen kweangma ap wa'la'luk lagaikhare'ma andoma mugusogo pelabumo abolok tunge'luk pugunem andi re yi afuni ti afuni inunggulenu lombok omanogo inoak leigesugun. E o Eden werek mene mondogaren inom e o Libanon oba penek agayo i hokhorogo fulogoum etunem fano mulithikherek mene omanogo nen inom nen inebe mondogat kweang a'ma paga mene nen inom he e andi pigin mene faget inendawimo agaiyeget fagain.

DANIEL 4:21

Nen engga fano mondok mene re, enggen mondok hokhorogo si'nogouk kwani itunem, afuni o yi awi ti awi welagaikharek mene nen higithogo ninggi logouhak mene hegen andi. A'nogo were'ma, yi wam ti wam e andi eroma kunmo wengik welagik, sue e andi enggi selebene awi wusi wagik, ugunem hegenat andi.