DANIEL 3:12 - Allah Wene Fano Wene Hupla Inane

¹² A'nogo meneat he, ap ekhe Yahudi mene Sadrakh inom, Mesakh inom, Abednego inom, inebe o propinsi Babel yoma kain logouwageluk menfisegen mene aremnogo wene isa haren wulafen mene andi inendawimo seramet fagasik hologo hilingiri'lagwi lego. It ap andem en he, ninoe haren, Nineisena ebe yi aro, iluk fogeratendek mene omanogo fogerasu inabit logolik, tugwi kembu emas mene wuten a'nogo fogerari'lagwi legaro, ninoe,” iluk yagatukwa.

DANIEL 3:12 Referans Kwoze

DANIEL 2:49

A'nogo meneat he, at Daniel onggwaregen, ”Yi'nogo hilingisin,” iluk yagatikhemo, at raja nen he, Zadrak inom, Mesakh inom, Abednego inom, afuni o Babel ekhema-ekhema welagaukwa mene inogogwi logouwagaluk menfisilik lagaikhesik he, at Daniel enek he, at enupogot aiba andoma welagaikhe.

KISAH PARA RASUL 17:7

at Yason yi nen woginafemo. It ap andi nen he, Ninoe Kain Enupogot hunogoat Yesus werego, iluk, ninoe kain Kaisar ane herakfisili'lagwi o,” iluk yagaisasukwa.

AMSAL 27:4

Wene wenagisagarek mene andi re inanini agunem weagarogo fisagarek, oba nen it ekhe fanore'ma isaluk ina'makwe het-pet agarek mene andi nek he sa nen sebelu hak nogo?

KISAH PARA RASUL 5:28

”Hiren ap andi enu hombuk palogo nen wene yagaisagubo, iluk niren fanorogo komothinafo a'nogo meneat he, hiren wene andi wialogo yagaisikhi lagepma re, afuni o Yerusalem mene yoma mondogat inelu aga andi re, ap wata mene andi re, wene nit ninoba fouwogeluk ikhi lagep higi,” iluk yagaisasukwa.

PENGKHOTBAH 4:4

An nen ekhe nelu mene re yi: It afuni nen yabu inomamerogo wanharek andi re it inom siok erarek mene andoma ineabu ambisangma weregen ina'ma weagen hilingitarek. Andi re we sogoi murok lagaikharek hak alomarogo hilingitarek.

ESTER 3:8

A'nogo isukwasik at Haman nen raja yagati logolik he, ”Neisena, afuni inunggulenu hunik mene ekhe o kweang yiba nen o propinsi ariba abirengge andoma sagarek werek. It inetokhogo inombawi nen wene melalek hilingiti lagaukwa mene omanogo hilingiri'lagwi mene andoma re afuni inunggulenu amu mene inom higitsek lek, irogo amurek. A'nogo hilingik logolik he, iren wene melalek kerajaan yiba werek mene omanogo higithogo hilingiri'lagwi lek. Enggere, neisena haren he it andi inendawimo nen anggaluk hilingiri'lagwi mene andoma hilingiti logouwageluk herak fisagun.

DANIEL 1:7

It alage andem a'nogo wenaginafikhesik he, inenu ket mene salinabik lagaikhe. Daniel enu Belsazar salhik, Hananya enu Sadrakh salhik, Misael enu Mesakh salhik, Azarya enu Abednego salhik, isikhe.

DANIEL 2:48

A'nogo yagatikhesik, Daniel ebe kain enu lego logouwagaluk menfesikhe. A'nogo menfesikhesik, yi mene ti mene mondok fano mene hokhorogo wogotik, it ap inendawinggen kagalek mene at enupogot aiba welagaukwa mene inoe logouwagaluk menfigik, o propinsi Babel oba andoma gubernur logouwagaluk menfigik, isikhe.

DANIEL 3:11

nen at sa nen an nane igi mene andi hologo hilingisugun lek halok he, inebe endu amulok mondok hokho mene nunggunem hambokhogo kwelakfisagain o, iluk egen anggigi.

DANIEL 3:16

A'nogo yagaisasikhemo, it Sadrakh inom, Mesakh inom, Abednego inomen mel yagatukwa: ”Nebukadnezar henupogot mene ninoe. Nit ninebe elelerogo wene haren ninoba fegen andi korogo wokhouwogeluk hilingisugun mondok lego.

DANIEL 3:29

Andi halok, afuni nen, Nineisena ebe yi aro, iluk agarek mene ekhe Allah nen it telinafe andi hangge ekhe hilingitarek mondok lek andi nen he, hit afuni hinunggulenu lombok, hineisok erokwe lombok, hinane lombok, ekhe nen he, Sadrakh, Mesakh, Abednego, ineisena Allah it fogeratarek mene andi faget weak iluk abok weak ugu halok, inebe libik-labakhogo inoasimbik, inawi wurik mondok meisa'-lambukhogo potfisogoin o, iluk an nebe nenat wene wulafi andi,” iluk yagaisasikhe.

DANIEL 3:30

A'nogo yagaisasikhesik, it Sadrakh inom, Mesakh inom, Abednego inom a'nogo o propinsi Babel oba inebe kain inenu werek logouwagaluk yabu lego mene wogisasikhesik menfisasikhe.

DANIEL 6:14

A'nogo yagaisasikhemo, iren he, at raja mel yagatukwa: ”Noe, afuni Yehuda mene inenggi hele warogo woginarek wagaukwa mene omanogo mene ap ekhe enu Daniel a'nogo nen hat hebe endawimo sebelhobagaikhesik he, wene ero haren wulafen mene a'nogo serametfikhesik, o lingge misik sambul he samban enggi altap henagan oba Allah ayonggo fugu mondok werego,” iluk yagatukwa.