DANIEL 2:5 - Allah Wene Fano Wene Hupla Inane

⁵ A'nogo yagatukwama, at raja nen he, ”An nen hilingisigin mene nendawimo arat anggigirik he, yagahisak. Hiren an nabi higi mene andi pilingisogo yaganetik, Ebe ti'nogo hilinglasigin mene faget hegenma, iluk yaganetik, u elo'legen yaganetep lek halok, hinebe libik-labakhogo hinoasimbik he, hinawi wurik meisa'lambukhogo potfisagain o.

DANIEL 2:5 Referans Kwoze

DANIEL 3:29

Andi halok, afuni nen, Nineisena ebe yi aro, iluk agarek mene ekhe Allah nen it telinafe andi hangge ekhe hilingitarek mondok lek andi nen he, hit afuni hinunggulenu lombok, hineisok erokwe lombok, hinane lombok, ekhe nen he, Sadrakh, Mesakh, Abednego, ineisena Allah it fogeratarek mene andi faget weak iluk abok weak ugu halok, inebe libik-labakhogo inoasimbik, inawi wurik mondok meisa'-lambukhogo potfisogoin o, iluk an nebe nenat wene wulafi andi,” iluk yagaisasikhe.

EZRA 6:11

An nen, yi'nogo wogisikhi logoino, iluk wene yagahisigi mene andi sa nen esanggo hologo hilingite lek halok he, at andi awi ebe werek oba andi mene langoak misik ekhe henogo waluk he enggat merenghogo kabelogo at onggwarek ebe agaukwe tiaganhogo wa'no. A'nogo watfuluk he, at awi ebe werek oba andi re meisalogo potfisugunem he ologoilong engge obalik he andoma hugesi laga logogun o.

2 RAJA-RAJA 10:27

Kembu alik waganek a'nogo re o wurik a'nogo inom mondogat weagerogo fesukwasik obalik aremnogo inalamisema laguba hilingfesukwama huli yogondagen werek.

MAZMUR 50:22

Hit Allah hinonggot a'luk hilingitu welagep mene andoma re futfakhikhi logoni o. An nen hit hinebe alomat hinobagagi hanogo re, it afuni ekhe mene nen hinagap telhinabugun lek hilingi'mo re, kagalek logoni o.

DANIEL 2:12

A'nogo yagatukwama esanggo holhikhesik he a'makwe mondok hokhorogo het-pet isikhesik, ap o Babel oba ekhema-ekhema inendawinggen mondok kagalek logolik, yi wene ti wene inelu mene omanogo mondogat inoasuageluk wene tekhogo isikhe.

MAZMUR 58:7

Allah neisena, it inaik andoma langgorisan o, Tuhan neisena, mene singa ket souge mene aik tum hak mene andoma langgorisan.

1 SAMUEL 15:33

Wagaikhemo, at Samuel en he, ”Hat henggarok oba, hemi ineagwi warogo legetfisikhi lagen andi hak, an nen hat hagaisa eak ebe warogo legetfagain aro,” iluk yagatikhesik he, o Gilgal nineisena Tuhan wam, yi mene ti mene noletarek oba elokhoma andoma nen ap Agag a'nogo libik-labakhogo watikhe.

ULANGAN 13:16

Afuni andoma inangge yi mene ti mene andoma mondogat he o kota silimo kaboget fisano. Kaboget fembik he, o kota inom, inangge yi mene ti mene inom mondogat he At Tuhan Allah faget warogo noletu mene hilingfuluk nole'no. A'nogo hilingfuluk abirengge andi re, o andi ulun folukhogo hilingfoumo logogin, nen olun andiba it ekhe hobuk wusugun legat.

YOSUA 6:26

A'nogo hilingitukwa andi sambul, at Yosua nen ane huli palhikhe: ”Sa nen o kota Yerikho yi ambotkwe obulu'mo wusigiluk walhikhe halok he, nineisena Tuhan nen homan oba fagain o. Andi nen he, sa nen o tik wasigin halok he, amlogo manggusa mene pelak fagain o. Nen, sa nen leget pa'leget ambe palekwe kwe sou andi ambotkwe obulu'mo hilingisigin halok he, amlogo elabo mene pelakfagain o,” iluk wene palogo fesikhe.

DANIEL 4:9

Beltsazar. Ap wene hobuk hilinglasigin mene faget yagaisagarek mene inoe yi. Nagore. Hat he afuni ekhe nen, Nineisena tegelek mondok welagarek mene ebe yi aro iluk fogeratarek mene a'nogo areagun hendawimo peterogo were'ma re, yi wene ti wene ekhe hat heilhanem hinago welagarek mondok lek andi re an nelu o. Ma re, an nen nabi higi mene tindelogo yagahesigin andi re, hesanggo holimbik, ’Ebe ti'nogo hilinglasigin mene faget hegenma o,’ iluk yagane'no.