DANIEL 2:40 - Allah Wene Fano Wene Hupla Inane

⁴⁰ Ap raja inebe henagan andem mendek logombik lek agu kwelek, hobuk ombo'ne re ap ekhe raja omame mondok hokho posiemanggen wurik weak andi hangge mene menlasigin aro. A'nogo menlasimbik posiemanggen nen yi mene ti mene serelhik, sagalhik, ikherek andi hak he, ap raja enggaminogonek engge menlasigin mene andi nen he o kerajaan attak melalinafi logolik logogun kwe andoma wolelenggen tagalogo fisagain.

DANIEL 2:40 Referans Kwoze

DANIEL 7:7

A'nogo higirik, neilenggen kumutu were'ma nen he, enggaminogo mene ekhe weinam aga, At andi omame mondok hokho mene re, inailo a'luk youk hokho la mene higi. At aik he, hokhondek mene re, posiemanggen haroweak andi hak hilingik welaga, aren senggelhungge omanogo warogo sebel fakhaluk misigam pilisikhi laga higi. Nen abu'nengge omanogo eisogen aldandam isikhi laga. It attak-attak weinam agaikha mene aremnogo re hunogoat hilingik kwelek, at andi nek he amurogoat hilingi'mo higi. At andi andimuk ungguloak oba 10 nen wilibik welaga.

YOHANES 11:48

Niren, at a'nogo hilingirik nugu kwelek wenageti'lek herakfogoin halok he, afuni hokhorogo inendawinggen at oba himbiret fugunem he, wurep oba re, it ap Roma mene wesimbik ninebe wolelenggen tagalninafi logolik he, Allah awi wurik meisali wesugun o,” iluk yagaisasukwama,

AMOS 1:3

Nineisena Tuhan a'nogo isikhesik, ekhe afuni Siria mene faget mel isikhe: ”It afuni o Damsyik welagaikharek mene, hundik-handik weak hilingitu werek andi nen he, An nen kamo igi'lek eberogoat wene inoba fagain o. Iren he, afuni Gilead mene inebe inendawirinafi'lek inoba enggin-fenggin fisugu mondok werek,

DANIEL 9:26

A'nogo 62 kali 7 tahun logombik, ap Allah nen wenagaisogo menfagain mene andi weak hilingiti'lek meneat ebe wasugun. A'nogo wasumo, ap enupogot omame hokho mene agoromi tentara mene nen o kota Yerusalem inom, Allah awi wurik andi inom, meisalogo mondok leget fisagain. A'nogo logogun andem oba elugun kobokhogo re, Allah nen isikhe higithogoat, i fu nen yi mene ti mene waluk lagarek andi hak, weim yafik, yi mene ti mene mondok weaget figik, ugun.

DANIEL 8:24

A'nogo weinam asimbik at ebe omame mondok hokho asigin, oba nen he at onggwarek omameba re fuk. Aren he afuni weagerinafu mene mondok inailo mene, we nena wene faget hilingitunem higit enek aga logogin. Ap andi nen ap inalong werek mene inom Allah againafuri mene inom alomat inabigin.

DANIEL 2:33

Mene re, at agore, posiemanggen meneba hilingik, nen, eisok he, fena posiemanggen mene, nen fenakwe re kweang tangge meneba misikwe seberogo hilingik mene yethegen andi noe.

YEREMIA 15:12

(Ap misigen ekhe posiemanggen mene sombolumo re elo'lek, nen ebe esin he posiemanggen o abel utara fikhit no tembaga mene inom saplirogo hilingik mene andi sombolumo re mondogat elo'lego.)

AYUB 9:17

Aren wene yi'nogo ti'nogo lek kwelek oba nen enggin-fenggin ekhe inom noba fugunem, an nebe sogoi hokho mene anggele'ma al perelogo nobagaikhemo welagi.

DANIEL 2:39

A'nogo meneat he, noe haren ferinarek welagen mene yi lek agu kwelek, ap ekhe enupogot amu mene o haren ferinarek welagen oba yi hangge lek, we omame endep mene ekhe menlasigin o. Andi nen it pire andem lek agu kwelek ekhe henaganek mene ap alik waganek obakhe tembaga mene hilingik welaga andi re ap raja hunik mene ekhe menlasigin. A'nogo menlasimbik were'ma afuni kweangma yi awi ti awi at awe a'ma logogun.

DANIEL 2:41

Nen afuni inalik hilingik andi eisok ebe inom, eisok sele inom, posiemanggen mene inom, kweang tangge abiweak mene inom, misi'mo hilingik mene yethegen andi ebe re, ap raja henagan mene menlasimbik lek agunem hobuk menlasigin mene andi nen ferinarek logogin mene andi minggilasugun. Meneat he, haren afuni inalik waganek andi eisok posiemanggen haro mene kweang tangge abiweak mene inom misikwe seberogo hilingi'mo re, omame were'ma hegen andi hak, ap enupogot andi nen ferinarek logogin mene re a'nogoat omame werek logogin o.