DANIEL 11:17 - Allah Wene Fano Wene Hupla Inane

¹⁷ A'nogo hilingisimbik raja o Siria mene utara fikhit logogin mene a'nogo nen he o selatan fikhit mene a'nogo pin kwigin iluk agoromi tentara fik-foukhogo hilingfisambik, aren it selei mene inanggweang oba andoma mondogat sebeligin iluk he, at a'logo re raja Mesir mene a'nogo wogosigin iluk inane seberogo masugun. Oba nen aren hilingisugun iluk inane masugun mene andi re ambisangma tibigin lek.

DANIEL 11:17 Referans Kwoze

YEHEZKIEL 4:7

O Yerusalem kuogeluk maserogo labesi wesugun sambul andi re helokhe hebekhogo it wogisigik, henggi holum o kota andiba watfigik. An nen unggum it inoba fagain iluk hilingik welagi mene omanogo it inoba yagaisigik, ino.

YEHEZKIEL 4:3

A'nogo ilirengget fembik he panci besi mene ekhe wanimbik, yi re o kota andi hobat he besi meneba wurik anggano, nen besi andi re hat were'ma nen hilingi'luk o kota Yerusalem en hilingi'luk honggole'ma andem feino. A'nogo fembik he o kota andi fikhit helokhe hilingik logolik haren o andiba bin kwigiluk hakhogo hilingfeino. A'nogo hilingisigin mene andi re unggulenu Israel mene faget enegengge hilinglasigin.

2 RAJA-RAJA 12:17

Andem oba re at Hazael afuni Siria mene inoe raja andi nen he o kota Gad sebelhikhesik he, aren o Yerusalem ogo weim sineli kwigin iluk wengggelhikhe.

ROMA 8:31

Wene mondogat andi faget, niren ninggi'nogo ugun. Allah nit werekwe aga halok, sa nen lebeleget ninabigin nogo? Elo'lego.

LUKAS 11:23

”Nen, sa nen ebe an werekwe agi'lek halok he, at andi an nemberek weim palek mene aro. Nen, sa nen an nemberek andogerinafi lago lek mene halok he, at andi nenat pugulogo wulakfisili'logo o,” iluk yagaisasikhe.

LUKAS 9:51

A'nogo yagaisasikhesik he, at Yesus ebe Allah nen pogoroba liakfagain arat higit asi wagaikhemo re, at endawimo nen, o Yerusalem pigin, iluk ninghogo menenei ebetikhesik he, kwe wanhikhe.

MATIUS 12:30

”Nen, sa nen ebe an werekwe agi'lek halok he, at andi an nemberek weim palek mene aro. Nen, sa nen an nemberek afuni andogerinafi lago lek mene halok he, at andi nenat pugulogo wulakfisili'logo o,” iluk yagaisasikhe.

DANIEL 11:19

Raja utara fikhit mene a'nogo re sugulogo onggwaregen awi helep huguloak wurogo kwelabe'ma omanogo wesigin, oba nen at ebe mabenet foumo re at andi abok ekhe ikhi logogun lek.

DANIEL 9:26

A'nogo 62 kali 7 tahun logombik, ap Allah nen wenagaisogo menfagain mene andi weak hilingiti'lek meneat ebe wasugun. A'nogo wasumo, ap enupogot omame hokho mene agoromi tentara mene nen o kota Yerusalem inom, Allah awi wurik andi inom, meisalogo mondok leget fisagain. A'nogo logogun andem oba elugun kobokhogo re, Allah nen isikhe higithogoat, i fu nen yi mene ti mene waluk lagarek andi hak, weim yafik, yi mene ti mene mondok weaget figik, ugun.

YEHEZKIEL 25:2

”Afuni wa'lagaikharek mene yi re, o kweang Amon oba andi homan ikfisan o.

YEHEZKIEL 17:17

Tentara Mesir mene inomame mondok hokho mene andoma nen ogore ap Babel inap afuni hokhorogo inoasuogeluk kweang habulogo sebelik lagagik, i kalok habulhik, hilingiri'lagwi mene andi nen pin kwi wagunem he at lebetha lek hak hilingik.

AMSAL 19:21

Afuni nen hilingirik logoin mene faget wene hokhorogo ayo palogo fagarek, meneat he ebe hilinglagarek a'nogo re Tuhan nen anggikherek mene nek hilinglagarek.

MAZMUR 56:9

An nebe leil warik nikhi lagi andi re Haren linggene ti nen iluk henggi wenago welagen, nen an neil amusu tephogo pili'lago mene andoma mondogat he Haren mondogat wenagaisogo fikhi lagen lek nogo?

2 TAWARIKH 20:3

A'nogo yagasi lagaikhemo re at Yosafat a'nogo endawimo ailo agaikhesik he, Tuhan nen yi'nogo hilingisin yaganesuageluk samban isikhe. Andi nen it afuni mondogat a'nogo sumburu ninggik legengge inambe heang logouwageluk yagaisasikhe.

HABAKUK 1:9

It inagoromi tentara inom esa logalogo ina'mage mondok het-pethogo waga logolik, yi afuni ti afuni mondogat mabenet fisilik wagunem he, afuni mondogat inailo a'luk ina'li'liphogo kwelagisikhi logogun. A'nogo hilinginafi logolik, inomame legetfisaluk inenggi hele warogo woginapluk laga logogun mene andoma re wenaginabu mondok elo'lek logogin.