DANIEL 10:10 - Allah Wene Fano Wene Hupla Inane

¹⁰ A'nogo logolik were'ma enggi ekhe nen an senniikhemo re an nebe a'nogo nafe hebelagarik nenggi inom neindep inom timirogo menlagi.

DANIEL 10:10 Referans Kwoze

WAHYU 1:17

A'nogo were'ma higirik he, nailo nen nelokhe sagaum warek mene higit at awe a'ma sagam esi lagunem he, at enggi ebekwe an noba fikhesik he, mel yaganete: ”Hailo lek ame. An nebe re, eroba nen pikhit erembul oba netok mondok logolik he,

YEREMIA 1:9

A'nogo yaganetesik aremnogo re Tuhan enggi waganogo an nambeba fikhi logolik he yi'nogo ikhe, ”An nane ikhi lagi mene yi holimbik he hambeba nen yagaisano o.

DANIEL 8:18

A'nogo aren an yaganetu kwelek aremnogo re an nafe mote. Oba nen aren an lebetniikhi logolik nenggi senegeisogo nambotkwe mennobagaikhe. A'nogo menlagimo aren ikhi logolik,

DANIEL 10:18

A'nogo igimo re aren nekhengge an nebe fa'niikhemo an nomame agunem higi.

DANIEL 10:16

A'nogo agimo nen hobugen enek he malaikat ebe ap higirengge a'nogo nen enggi pilingisogo nambeba fak niikhe. A'nogo hilingitemo an nen at oba ikhi logolik, ”Neisena nabikanggo higi mene andi nen noba enggin mene kwelaknobagaikhemo re noba mondok lebelekhogo welagi o.

DANIEL 9:21

Samban a'nogo ugunem, afuni nen o hu'mokokwe Allah anggo warogo noletarek oba andem higithogo, malaikat enu Gabriel an attagat nabikanggoba neilenggen yethasigi mene a'nogo noba higit tarogo waga.