DANIEL 1:7 - Allah Wene Fano Wene Hupla Inane

⁷ It alage andem a'nogo wenaginafikhesik he, inenu ket mene salinabik lagaikhe. Daniel enu Belsazar salhik, Hananya enu Sadrakh salhik, Misael enu Mesakh salhik, Azarya enu Abednego salhik, isikhe.

DANIEL 1:7 Referans Kwoze

DANIEL 5:12

Ap andi re ungguloa'ma mondok kwe hurik nen endawinggen mondok kagalek logolik yi wene ti wene mondogat elu hilingi'mo re, inabi hagarek mene, Ebe yi'nogo hilinglasigin mene faget hegenma iluk yagaisigik, ebe hinago mene fakhogo yagaisigik, yi wene ti wene onggo u mondok elo'lek mene elok yagaisigik, ikherek mene enu Daniel ikhi lagaukwa mene re, at enupogoren Beltsazar salhikhe agun andi werego. Ma re, aren lisu palek mene andi, Ebe yi'nogo hilinglasigin mene faget palek werek, iluk yagahesuagen he, wolhan o,” iluk yagatikhe.

DANIEL 4:8

A'nogo wagaikhasik oba nen, hobuk ap enu Daniel igik, Beltsazar an nandugwi enu higithogo agarek mene a'nogo noba waga. At Daniel andi re it ekhe nen, Nineisena tegelek mondok welagarek mene ebe yi aro, iluk fogeraterek mene a'nogo areagun endawimo peterogo welagarek mene andi oba, an nen nabi higi mene pilingisogo yagati logolik mel yagatiat:

DANIEL 2:49

A'nogo meneat he, at Daniel onggwaregen, ”Yi'nogo hilingisin,” iluk yagatikhemo, at raja nen he, Zadrak inom, Mesakh inom, Abednego inom, afuni o Babel ekhema-ekhema welagaukwa mene inogogwi logouwagaluk menfisilik lagaikhesik he, at Daniel enek he, at enupogot aiba andoma welagaikhe.

DANIEL 1:3

A'nogo fesikhesik, ap ekhe at raja aiba andoma at eabu hilingiti lagaukwa mene inoe enu Aspenas andi mel yagatikhe: ”Afuni Israel mene inenggi hele warek werek andoma mene alage ap raja nen tagomangge mene halok inom, ap kaindegen tagomangge mene halok inom, ekhe wenaginabino o.

2 RAJA-RAJA 24:17

At Nebukadnezar en a'nogo woginarek lagaikhesik, ap Yoyakin ami Matania, at obulu'mo afuni Yehuda mene inoe raja logouwagaluk menfesikhesik he, enu agaukhogo Zedekia salhikhe.

2 RAJA-RAJA 23:34

A'nogo yagaisasikhesik he, at raja Nekho nen he hun Yosia amlogo enu Elyakim a'nogo afuni Yehuda mene inobaget inoe raja menfesukwasik enu Elyakim a'nogo agamhogo re, Yoyakim salhukwa. Nen, at Yoahas a'nogo hele warogo waluk o Mesir lagaukwama andoma nen wa'lagaikhe.

DANIEL 2:26

A'nogo yagatikhemo, at raja nen Daniel enu ekhe Beltsazar ikhi lagaukwa mene a'nogo oba mel yagatikhe: ”Haren an nabi higi mene andi ebe pilingisogo yaganetik, ebe yi'nogo hilinglasigin mene faget hegenma, iluk yaganetik, umo eloga?” iluk heinok wokhasikhe.

KEJADIAN 41:45

A'nogo yagaisasikhesik, Yusuf enu it afuni Mesir mene inenu hangge, Zafnat-Paaneah salfilik, agwe ap Asnat Potifera tugwi kembu it mene eisewerek o kota Heliopolis mene a'logo wogotikhe.

DANIEL 1:19

A'nogo woginarek lagaikhemo, at raja nen it inom wenenggak ikhi logolik inobabut palhikhe mene re, it ap alage fenakwe omanogo elo'lek hangge meneat he, it Daniel inom, Hananya inom, Misael inom, Asarya inom, a'nogo nek he inendawinggen mondok kagalek logolik, yi wene ti wene ekhe inomat inelu nek hilingi'mo isasikhesik he, yabu at raja aiba andoma hilingiti logouwagaluk yagaisasikhe.

DANIEL 10:1

Ap Koresy afuni Persia mene faget raja menlagaikhesik ferinarek logolik tahun henaganek meneba werek kwelek he wene ekhe at Daniel enu Beltsazar a'nogoba yagatikhe. Wene andi ebe eberogo mene oba nen, ebe yi'nogo faget iluk furogo fut fou re elo'lek mene yagatikhe. A'nogo yagatikhemo at Daniel en wene andi ebe ninggi'nogo faget he fut feile e. iluk hilingitunem en he, wene isikhe mene a'nogo faget ebe yi'nogo faget iluk Daniel abikanggoba yagatunem hasikhe.

DANIEL 4:5

A'nogo meneba nen, nenggi ekhe sambul he nogo igirek oba nogogunemen he, an nabikanggo ekhe mondok inailo asu hak mene higirik, nendawinggen mondok fite.