DANIEL 1:5 - Allah Wene Fano Wene Hupla Inane

⁵ At raja nen a'nogo yagatikhesik, ekhe mel yagatikhe: ”It inamburu inom, inagai inom, an nagainafuri ninom faget wo'nisikhi lagep andi hagat wogisikhi logolik, 3 tahun oba arat yanggulinafen halok, it yabu an naiba hilingiti logouwageluk noba woginarek we'no o,” iluk yagatikhe.

DANIEL 1:5 Referans Kwoze

DANIEL 1:19

A'nogo woginarek lagaikhemo, at raja nen it inom wenenggak ikhi logolik inobabut palhikhe mene re, it ap alage fenakwe omanogo elo'lek hangge meneat he, it Daniel inom, Hananya inom, Misael inom, Asarya inom, a'nogo nek he inendawinggen mondok kagalek logolik, yi wene ti wene ekhe inomat inelu nek hilingi'mo isasikhesik he, yabu at raja aiba andoma hilingiti logouwagaluk yagaisasikhe.

DANIEL 1:8

Inenu a'nogo salinafikhemo were'ma, Allah nen he, ap Aspenas a'nogo nen at Daniel ebe endawirasimbik endawi hundik hilingiti logouwageluk hilingisogo fesikhe. A'nogo hilingisogo fesikhemo were'ma, at Daniel endawimo nen he, ”An nen raja aiba mene amburu inom, agai anggur amusu ninggerek mene inom nunggunem, nebe weaget fakhigi hanogo,” iluk endawimo anggasikhesik he, ap enupogot agoromi inoe a'nogoba yagati logolik, an namburu inom, nagai inom nunggu mene re we amu mene wo'neti logogun o,” iluk yagatikhe.

1RAJA-RAJA 10:8

Hat hagagwi inendawimo nen he iaple anggili'lagimo aro, nen, hagoromi heilhanem hat faget hundik-handik hilingiti logolik, hat hendawinggen kagalek logolik hilingitunem, ineilenggen hiili'lagwi mene andi, inendawimo hai hikhi logouwak aro.

LUKAS 21:36

Yi'nogo ti'nogo mondogat hilinglasigin igi a'nogo hilinglagu kwelek he, hinomamerogo hinafe morogo logolik, hinenggali legat nelokhoma mendek were'ma, an abat ta'lasi wagagi a'nogo hisa wesigen he, hundik-handik sambanat ikhi logolik he, hinebe hebelogo logoino o,” iluk yagaisasikhe.

LUKAS 11:3

Nit ninamburu hundik-handik ninggi logogun mene, higithogoat wo'nisikhi logoin o.

MATIUS 6:11

Nit ninamburu yogondak nogoin mene higithogoat wo'nisame o.

YEREMIA 15:19

A'nogo yagatimo Tuhan nen onggo yaganeti logolik, ”Haren ambi, sugulogo hambotkwe wagen halok, An nen hat hebe wokhabumo re, hat hebe An namingmingengge mene asigin o. Afuni re hobuk iren hat hoba waga logogun, nen haren it were'ma ekhe laga logogin lego.

2 TAWARIKH 9:7

Ap noe hat hobaget yabu hilingiri'lagwi mene oma inom, noe hendawinggen kagalek welagen mene andiba inom yagaisugunem hologo hilingitu logolik yabu hilingitunem he, it he inagaiyek mondok hikhi logouwak!

1 SAMUEL 16:22

A'nogo waluk nugunem, hobuk at Saul en wene at Isai oba yi'nogo lakfesikhe: ”An at Daud nendawinggen mondok hundik welagi o. Halok he, at yoma mondok logolik, an lebetniikhi logouwageluk kino yagaheti o,” iluk yagatikhemo yagasi lagaukwa.

KEJADIAN 41:46

A'nogo menfesikhesik agwe a'nogo wogotikhemo, at Yusuf ebe umur 30 tahun oba yabu raja Firaun aiba Mesir mene faget, hilingisigiluk ero fakfesikhe. Fakfesikhesik, at Yusuf ebe raja Firaun aiba andoma nen o Mesir esanggokwe yi awi ti awi mondogat eilenggen hilik lagaikhe.

LUKAS 1:19

at malaikat a'nogo nen he, ”An Allah eilhanem mendek welagirek mene nenu Gabriel andi re nebe an aro. Fano wene yi yagahesuageluk, at Allah nen yonggo laknobagai wagama wagi o.

AMSAL 23:3

Hat weaget habuogeluk isagaisogo fili'lagwi mene andoma enduk fano nen nagain iluk esia'le pok u fuk.