DANIEL 1:17 - Allah Wene Fano Wene Hupla Inane

¹⁷ A'nogo wogisugu kwelek Allah nen he ap alage inebe enggaminogo mene aremnogo yi wene ti wene lisu palek mene andi inelu agik, inendawinggen mondok kagalek mene hilinglasuageluk hilinginafikhesik, at Daniel enek he, inabikanggo hagarek mene inom ineil fenggenek logolik inabi higit hagarek mene inom, Ebe ti'nogo hilinglasigin mene faget hegenma o, iluk higithogo yagaisikhi logouwagaluk wogotikhe.

DANIEL 1:17 Referans Kwoze

YAKOBUS 1:5

Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.

1RAJA-RAJA 3:12

kino yaganeten mene andi, An nen arat wokhesigin o. Hat hendawinggen mondok kagalek logolik, yi wene ti wene enegat futfikhi logoinogoluk hilinghabigin andi hangge, attak hebe ta'lagi'lek oba afuni ekhe inobabut andi hangge wogisigi'legat. Nen, hobuk hat hebe lek asimbik oba, ekhe wogisagain mondok legat. We, hat wokhesigin andi aro.

DANIEL 2:21

Arenat ti sambul hibi asigin ti sambul salim asigin iluk inom, nen yi wene ti wene agarek oba asuageluk inom kagalogo fikherek oba hilinglagik, it ap inenu werek logouwageluk Aren liakfisigik, sebelfisigik, ikherek. Aren ogore afuni inendawinggen kagalek mene hilingfisigik, yi wene ti wene elok futfikhi logouwagaluk hilinginafik, ikherek.

AYUB 32:8

Oba nen he afuni inendawinggen kagalek mene wogisikherek andi re we At Allah Areagun Omame Hokho mene a'nogo nen enek wogisikherek.

DANIEL 2:23

Allah an nombalagen fogethafi lagaukwa mene neisena. Niren, at raja nen nit hilingninabigiluk ili'lago mene andi faget hayonggo fogoma, ninane hesanggo holhendik, an nendawinggen kagalek mene hilingnafik, nomame wo'netik, egendik, wene hinago mene andi ebe at raja yagasigin mene yaganeten andi nen fogethafik, esinet hobagagik, ikhi lagi o, neisena,” iluk fogeratikhe.

KOLOSE 1:9

Hinabok a'nogo ugunem ninesanggo holhosik he, niren hit faget samban igik, Allah ayonggo figik, kamo igi'lek ugu mondogat welago. A'nogo ikhi logolik Allah Areagun en hinendawimo kagalhunem, hinendawimo mondok kagalogo wene futfuluk he, at Allah endawimo amolo anggikherek mene andi, hiren furogo hinelurogo logobagaigeluk ayonggo fikhi lagoaro.

AMSAL 2:6

At Tuhan nenat inendawinggen kagalek mene wogisikherek, nen Arenat afuni inelu agarek mene inom, wenggelharek mene inom wogisikherek.

KISAH PARA RASUL 6:10

A'nogo wenagetukwa meneat he, at Stefanus Allah Areagun endawimo kwisikhesik logolik, wene higirat kagaukhogo ugunem, it inane onggo ninggi'nogo yagasu heat hilinglagaikhe.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.

KISAH PARA RASUL 7:22

Kulhikhemo re, it afuni o Mesir mene yi wene ti wene inelu welagaukwa mene andi, aren mondogat yagatikhe. Yagatikhesik aren aneba fano nek igik, enggiba yi mene ti mene fano nek hilingitik, ikhi logolik, ebe kainat agaikhe.

DANIEL 10:1

Ap Koresy afuni Persia mene faget raja menlagaikhesik ferinarek logolik tahun henaganek meneba werek kwelek he wene ekhe at Daniel enu Beltsazar a'nogoba yagatikhe. Wene andi ebe eberogo mene oba nen, ebe yi'nogo faget iluk furogo fut fou re elo'lek mene yagatikhe. A'nogo yagatikhemo at Daniel en wene andi ebe ninggi'nogo faget he fut feile e. iluk hilingitunem en he, wene isikhe mene a'nogo faget ebe yi'nogo faget iluk Daniel abikanggoba yagatunem hasikhe.

YEHEZKIEL 28:3

Haren anggikhi logolik, an he mondok nalongsek logolik hibilik hebelek nagun welagi, nen Daniel he sebelek hangge iluk anggikhi logolik he, yi wene ti wene andoma hat helokhoma hinago mene ekhe werek lek anggikhi lagen.

2 TAWARIKH 26:5

Nen hun Zakharia a'nogo ebe eluk logolik oba re, at Uzia endawinggen Tuhan oba tipsek logolik hilingiti logouwageluk komotu mene re at welagaikhe. Aren tiphogo nek hilingiti logolik Tuhan obaget enek hilingitunem, Tuhan nen at Uzia oba fanot fikhi lagaikhe.

BILANGAN 12:6

mel yagaisasikhe: ”An nen wene yagahisagain yi hinesanggo holini o. Ap hit mene nen An nane yagaisagarek mene were'ma, An hineisena Tuhan nebe inabikanggoba inelokhoma menlagik, wene inabiba yagaisigik, igirego.

KISAH PARA RASUL 7:10

A'nogo telho were'ma, ap kain Firaun o Mesir mene inoe enupogot a'nogo nen he, ”Ap yi obabut fano. Endawinggen mondok kagalek,” iluk ebe oba liok isikhesik, mel yagatikhe: O Mesir yoma inom, an nawi inom, nagainafuri inom, haren ferinarek logolik, an mene yi mene ti mene yoma mondogat hat henggiba logoinok, iluk ebe gubernur logouwageluk menfesikhe.

DANIEL 7:1

An Daniel, ap Belsyazar afuni Babel mene inoe raja agaikhesik oba, tahun attak ferinarek welagaikhe andem oba, nenggi ekhe sambul nabikanggo yethasigisik he, nabikanggo yethasigi mene andi lisu palogo fesigi mene ebe re, yi: Sogoi o mo ero fikhiren, erembul fikhiren, i elesi fikhiren, ambut fikhiren, aninirogo funha waga logolik, i laut hokho yenggelek a'nogo abologet hugunem he, ha'labu hokho mene hilingitunem higi.

DANIEL 2:19

A'nogo yagaisasikhesik hubanggo nogo ugunem en he Allah nen raja abi hinago mene hasikhe mene a'nogo Daniel abikanggoba yagatikhe. A'nogo yagatikhemo, at Daniel en Allah pogoroba mene fogeratikhe.

YESAYA 28:26

At Allah nen yabu yi'nogo ti'nogo hilingitu mene faget mondogat yagatikhemo re, aren ninggi'nogo hilingisigin iluk andi re mondogat elu werek.

PENGKHOTBAH 2:26

Allah nen he ap At endawimo fano mene hilingiterek mene a'nogo hebelagaikharek mene inom, elu agarek mene inom, inagaiyek agarek mene inom, wogisikherek. Oba nen he ap weak hilingitarek mene re ineabu wokfuluk inangge ambisangma nen kabokhogo re ap Allah endawimo fano aple hilingitarek mene inoba wogisoageluk hilingfisikherek. Arigini'mo re mondogat andoma re we alomarogo sogoi murok lagaikharek hak hilingik.

2 TAWARIKH 1:10

Andi halok he, an nen afuni yi melalinafi logogin mene faget an namolo mene neisena Haren nendawimo kagalek mene inom, wenggelek mene inom, wo'nom o. Nen a'nogo hilingnobagagin lek halok he, an nen afuni Hat hagainafuri hokhorogo yi re ninggi'nogo melalinafi logogin?” iluk yagatikhe.

1RAJA-RAJA 3:28

At Salomo nen wene andi higithogo pilingisogo tegetikhe andi nen, it afuni inunggulenu Israel mene inesanggo holhukwasik he, ”At Allah nen Salomo, yi wene ti wene higithogo tegeti logouwagaluk endawinggen kagalek mene wogotemo werek higi, ninailo e,” iluk Salomo inane agaukhogo fogeratukwa.

DANIEL 8:1

Hun Belsyazar raja menlagaikhesik melalinafu werek kwelek enek he tahun henaganek meneba were'ma, an nabikanggo nenggi pirenek mene hasigi.

DANIEL 5:14

Hat hungguloak mondok kwe hurik. Afuni ekhe elo'lek hangge meneat he, hat he yi wene ti wene futfuluk hendawinggen mondok kagalek mene were'ma, afuni nen, Nineisena ebe yi aro, iluk agarek mene areagun hendawimo peterogo werego iluk yaganetama holhi andi.

2 TAWARIKH 1:12

Arigini'mo re, hendawinggen kagalek mene andi inom, wenggelek mene andi inom he, An nen wokhesigin. Andi nen fena amu mene re hat hangge mondok hoporogo logouwageluk hilinghobagagik, sik-pikhogo hilinghobagagik, henu werek hilinghobagagik, ap raja attak mendek welagaukwa mene inom, hobuk logogun mene inom, andoma inenu we sebelek hangge werek kwelek he, harenek he henu werek hilinghobagagik, igin o,” iluk yagatikhe.

DANIEL 1:4

A'nogo wenaginafi logolik, ap alage inebeba inagambut palek lek mene halok, inebe mondok fano mene halok, sekolah uan hilingita mene halok, yi wene ti wene elok futfou inelu mene halok, inendawimo kagauksek mene halok, yabu an naiba hilingiti logogun elok mene halok, wenaginabino o. A'nogo wenaginabimbik, nit afuni o Babel mene ninane yagaisigik, ninaneba lisu palek mene yanggulinafik, ikhi logoino,” iluk yatikhe.

DANIEL 1:18

It a'nogo wogisasikhemo were'ma, attak at raja nen he, ”3 tahun logolik, yi wene ti wene yanggulinabino,” iluk isikhe mene higithogoat arat yanggulinafukwasik, at Aspenas nen it alage omanogo mondogat raja Nebukadnezar oba woginarek lagaikhe.

DANIEL 1:20

A'nogo yagaisasikhemo yabu hilingitu werek kwelek, at raja wene yi wene ti wene hilinglagunem, ”Ebe ti'nogo hilinglasigin mene faget hilinglaga,” igik, futfouwagaluk senggerogo yagatik, ikhi logouwageluk, at agoromi o ekhema-ekhema aren awe a'ma ferinarek welagarek oba andoma mondogaren yagasuageluk yagaisikhi lagaikhe lombok, onggo yagatunem inobabut palhi lagaikhe mene re, it ap hobuk hilinglasigin mene yagaisagarek mene inom, ap wesagun yi mene ti mene elalin hilingitarek mene inom, onggo yagati lagaukwa mene andi, we, elo'lek hangge. Meneat he, it Daniel agaila'lak inom a'nogo nek he inendawinggen mondok kagalek logolik, yi wene ti wene inelu mene yagati lagaukwa mene andi nek he, mondok fano enggi sepuluh kali ba hakhogo yagatunem, isikhi lagaikhe.

DANIEL 2:30

An nen hat habi hegen mene ebe hobuk hilinglasigin mene hinago mene andi, Allah nen fakhogo yaganetemo yagahesigin andi re, ap ekhe inendawinggen kagalek mene andi elo'lek hilingi'mo, an enek nendawinggen kagalek logolik yi wene ti wene nelu nen yagahesigin he lego. We, hat habi hegen mene andi, Ebe yi'nogo hilinglasigin mene faget hegenma o, iluk yagahetunem helu agik, hat yi wene ti wene hendawimo ebeti lagen mene andi, futfigik inogeluk, Allah nen yaganetemo yagahesigin o.

DANIEL 4:6

A'nogo higirik he, ap inendawinggen mondok kagalek mene o Babel welagaikharek mene nen nabi andi, Ebe ti'nogo hilinglasigin mene faget hegen o, iluk yaganesi wesuagaluk wene warogo wulafi.