BILANGAN 8:12 - Allah Wene Fano Wene Hupla Inane

¹² Andi hilingfuluk he it ap Lewi mene a'nogo inenggi re sapi ai mene pire aremnogo ungguloba sebelfugunem, misik ekhere it inaweak lek hilingisogo fisugu mene faget, nen misik ekhe re warogo nolnetu mene faget wo'nesugun. A'nogo hilingisugun mene andiba re it ap Lewi mene andi horek logogun.

BILANGAN 8:12 Referans Kwoze

KELUARAN 29:10

Andi nen sapi ai mene andi waluk An nawi sabumo lelunggulmo wagunem Harun againafuri inom inenggi inunggoloba sebelfuluk were'ma,

IBRANI 9:22

Allah nen wene komotninafikhe wene andi higithogo hilingiti logolik, yi mene ti mene mondogat mep oba nek hotaresi'mo andi nen he, mep wulafi'lek halok he, afuni weak hilingitarek mene sebelogo legetfisagain elo'lek andi nen he, mep watikhe andi.

IMAMAT 8:14

Andi mondogat hilingfisasikhesik, at Musa nen it inaweak lek hilingisogo fisoageluk wam sapi ai mene misik ket kotorek mene ekhe wanhikhesik at Harun inom, againafuri inom wam a'nogo unggul oba inenggi sebel fouwageluk yagaisasikhe.

IMAMAT 1:4

A'nogo fei we'luk he, at a'nogo nen enggi wam a'nogo unggul sebel fugunem, at Tuhan nen he ap andi nen fugu mene andiba aweak legaphogo fugu mene iluk wanhi logogin.

BILANGAN 8:8

Andi nen he, iren sapi ai mene oak warek mene ekhe waluk he tepung amusuba mulelogo weragongge inom waluk fei wesugun. Nen haren he sapi ai mene afuni inaweak lek hilingisogo fugu mene faget ekhe wanino.

BILANGAN 6:16

A'nogo foumo re, it imam en andoma mondogat waluk he Tuhan ambit fei waga logogun, andi nen he it inaweak lek hilingisogo fugu mene faget inom, endu nolhu mene faget inom omanogo fuluk nolhi logogun.

BILANGAN 6:14

wam henagan agap oba agambut palek lek mene halok waluk he Tuhan wogosi laga logogun. Domba eak ai mene misik ekhe satu tahun oba mene andi re, warogo nolhu mene faget, nen domba eak helou mene satu tahun oba mene andi re, inaweak legasuageluk mene faget, nen domba eak ai mene ekhe re warogo lambulogo fisugu mene faget, fikhi logogun.

IMAMAT 16:21

A'nogo waluk he, Harun enggi pirenet kambing andi unggul oba sebel fuluk, afuni Israel mene nen weak hilingitik, kwanirogo hilingitik, nane sagologo hilingitik horog hilingitik, aga mene andi mondogat fakhogo fikhi logouwak. A'nogo hilingisigin andiba afuni Israel mene weak hilingita mene andi mondogat felelenghogo kambing andi ungguloba fagain o. A'nogo fembik, ap ekhe ayonggo fogoin mene nen kambing andi silogo o leimo afuni le'ma andoma waluk lakfisa laga logouwak.

IMAMAT 16:11

At Harun nen wam sapi ai mene at onggwarek weak hilingite mene faget inom, againafuri weak hilingita mene faget inom, An nen horogo leget fisoageluk warogo nobagambik senggelogo fuluk,

IMAMAT 16:6

Nen, at Harun onggwarek weak hilingite mene faget inom, againafuri weak hilingita mene faget inom, An nen horogo legetfisoageluk, wam sapi ai mene misigat halok warogo An nolneti logouwago.

IMAMAT 14:22

Ekhe ap andi nen sue merpati a, athe sue abiang a, pire waluk we'luk he, misik ekhere inaweak leget fisoageluk faget, nen ekhere Tuhan endawimo agaiyeget fugu mene faget waluk waga logogin.

IMAMAT 9:7

A'nogo mondogat yagaisasikhesik at Musa nen Harun yagati logolik, ”Tuhan nen a'nogo hilingi'no ikhe higithogo, wam warogo nolhuba omanogo laluk inaweak leget fisoageluk nolhu mene inom, Tuhan endawimo agaiyeget fugu mene inom, hit hinaweak inom, it afuni mondogat inaweak inom Tuhan nen lek hilingisogo fouwageluk At ane ikhe mene higithogo fik-foukhogo hilingisi lano,” iluk yagatikhe.

IMAMAT 8:34

Tuhan nen yaganisikhi logolik he, hiren yogondak hilingito mene andi re hobuk ogo a'nogo hilingiti logogun ikhe. Nen, a'nogo hilingisugun andiba re hinaweak lek hilingisogo hinobagagin.

IMAMAT 8:18

A'nogo hilingitukwasik, at Musa nen domba ai mene inaweak faget warogo nolhu mene iluk a'nogo wanhikhemo, at Harun inom at againafuri inom inenggi wam a'nogo unggul oba sebel fesukwa.

IMAMAT 5:7

Oba nen he, ap weak hilingisigin mene a'nogo nen aweak leget fouwageluk anggo domba inom, kambing inom, mondogat lek halok he, aren sue muluk agun agwe wuthogo inom, nen sue abiang hak mene eil kuluk mene waluk we'luk he, misik ekhe re aweak leget fugu mene faget, nen misik ekhere warogo nolhuba andoma nolhu mene faget, waluk waga logogun.

IMAMAT 4:35

A'nogo hilingfuluk wam a'nogo asei re Tuhan nen lambulogo ninobagauwageluk, warogo nolhi logolik hilingitarek higithogo, asei omanogo abirengge wanhi logogun. Asei omanogo re, nunggu mene inom, Tuhan obaget nolhu mene omanogo inom seberogo mezbah amboloba nolhi logogun. A'nogo nek it imam en he ap a'nogo aweak faget warogo wogeti logogun, andiba ap andi Tuhan nen aweak lek hilingisogo fikhi logogin o,” iluk yagatikhe.

IMAMAT 4:20

Andi nolhi logolik hilingitu mene andi re, afuni inaweak legaphogo fouwageluk sapi ai mene warogo nolhi logolik hilingitarek a'nogo hakhogo hilingiti logogun. Afuni weak a'nogo hilingitunem he, at Imam Agung a'nogo nen wam warogo nolhi logogin. Andiba re Tuhan nen afuni inaweak a'nogo lek hilingisogo fisikhi logogin.

IMAMAT 4:4

Sapi a'nogo waluk we'luk Tuhan Awi Sabu sale'ma solombonma omanogo fei wagunem, Imam Agung a'nogo nen enggi unggulmo sebel fuluk o sabu wuri'mo lelunggulmo aremnogo nen wati logogin.

IMAMAT 4:15

Fei wagunem he it inogogwi kaindek inunggulenu andi mene inobaget mendek welagaikharek mene omanogo nen wam a'nogo ungguloba inenggi sebel fuluk aremnogo nenat wati logogun.

BILANGAN 8:13

Ap Lewi mene andi re An nobaget tegelogo fisano, fisamo re iren Harun inom at againafuri inom inobaget hilingiti logouwageluk yagaisano.

IMAMAT 8:15

A'nogo yagaisasikhesik, at Musa nen wam a'nogo warogo amep fena wanhikhesik he, amep a'nogo mezbah andimuk nganok se'ma unggut fena-fena omanogo mezbah andi re Allah faget tegelek mene logouwageluk enggi tum oba yugulogo watfesikhe. Nen, mep fenakwe omanogo re mezbah a'nogo erokwe omanogo kweisal isasikhe. Obalik warogo nolhu mene faget andi re mondok horek logouwagiluk a'nogo hilingiti lagaukwa.