BILANGAN 3:6 - Allah Wene Fano Wene Hupla Inane

⁶ ”It inunggulenu Lewi mene andi re helokhoma wesuageluk yagaisambik he, iren Harun obaget eabu hilingiti logouwageluk yagaisan o.

BILANGAN 3:6 Referans Kwoze

MALEAKHI 2:4

Andiba re it imam Lewi ambisangma mene inoba wene warisasigi mene a'nogo re, mondok-mondok logouwageluk, ”Wene melalek yi re, mondogat wo'nisasikhemo nen o,” iluk hinelu asugun.

ULANGAN 10:8

Wagaukwama, At nineisena Tuhan tom andiba nen afuni inunggulenu Lewi mene At faget hilingitik, Peti Wene Warogo Aren wo'ninafikhe mene elema kwalek andi waluk lagik, Aren afuni ekhe fanorinafi logouwagaluk enu hombuk palogo yagaisigik, ikhi logouwageluk inebe At onggwarek faget hilingitikhe andi. A'nogo hilingitikhemo, it yabu andi mene hilingitu mondok huli yogondak hilingitoat welagaikharek.

BILANGAN 2:33

At Tuhan nen Musa wene melalogo yagatikhe aple higithogo re it ap Lewi menere it afuni Israel mene fenakwe inom inenu palek welagaikhe lek.

BILANGAN 2:17

Andi mondogat lagunem he, it Israel inap mondogat esa logalek mene inanggele'ma andoma re it inunggulenu Lewi mene Tuhan Awi Sabu salek a'nogo hambogo'luk laga logogun. It inawi sabu wurik aremnogo higithogo it inebe esa ogore it inangge bendera werek higit-higit laga logogun.

BILANGAN 3:5

Tuhan nen Musaba ikhi logolik he,

1 TAWARIKH 23:32

Ekhe it yabu wogisikhi logolik he, Tuhan Awi sabu a'nogo halhik, Tuhan Awi wurik a'nogo halhik, it inagaila'lak hun Harun ambisangma mene a'nogo Tuhan obaget wene kabogeti logolik hilingitunem leberisigik, hilingiti logogun o,” iluk isikhe.

2 TAWARIKH 29:11

Nagainafuri e, hit he Tuhan obaget wene kabogetik, At obaget enek hilingitik, amben fanongge a'nogo noletik, it afuni holhu mene wene kabogetuba melalinafik, hilingiti logouwageluk At Tuhan nen wenakhinafemo re, hiren higilik-higilik la fuk,” iluk yagaisasikhe.

EZRA 6:18

A'nogo hilingitukwasigen he, wene Musa nen lisu palogo fesikhe mene a'nogo higithogo, it ap o Tuhan Awi wuri'mo yabu hilingiti logogun mene inebe faget he, it ap imam logolik yabu hilingiti logogun mene inom, it ap Lewi inap omanogo inom ineabu hilingik higithogo nek fisilik lagaikhe.

BILANGAN 18:21

Tuhan ane Harun oba yagati logolik, ”It afuni Israel mene nen 10 mene An nobaget fugu mene andoma re An nen it ap Lewi mene wogisikhi logogin. Andi re iren An nobaget An Nawi Sabumo andoma yabu hilingiti logogun mene faget inangge helikhi logouwageluk wogisigi.

1 TAWARIKH 6:33

Ap yabu andi hilingiti logouwageluk fisasukwama hilingitu mondok welagaukwa mene re yi'nogo yi: It Kehat inaben he: Heman hun Yoel amlogo a'nogo. Nen, aren he it wuni watu inap esa attak mene andi yanggulinafi lagaikhe. At ta'lagaikhe huli nen ombo'ne ta'larik lagaukwa mene faget a'ma fikhiren liabek he yi'nogo: Heman, Yoel, Samuel,

1 TAWARIKH 15:2

A'nogo hilingitukwasik he at Daud en ikhi logolik he, ”It ap Lewi inap andi re Peti andi hambogotik, At obaget mondok-mondok yabu hilingitu welagaik, hilingiti logouwageluk Tuhan nen wenaginafe hilingi'mo re, hit he Peti Tuhan nen Wene warogo wo'ninafe mene andi hambogosi lobagaigo,” iluk yagaisasikhe.

1 TAWARIKH 23:28

It andi nen he Harun ambisangma mene it imam-imam omanogo nen Tuhan Awi wuri'mo a'nogo obaget wene hokhoba hilingisuogeluk hilingitunem inom, yi mene ti mene o andi elonggokwe inom, senggelekwe inom werek mene andoma yaga logouwageluk faget inom, nen yi mene ti mene mondogat Tuhan faget iluk enogo horogo werek mene andoma emetlasinogo iluk inom, andoma mondogat faget yaga logolik leberisikhi logouwageluk wogisasikhe.