BILANGAN 3:2 - Allah Wene Fano Wene Hupla Inane

² Harun againafuri ap inebe 4 en welagaukwa mene inenu re yi: inoe manggusa mene enu re Nadab, nen ombo'ne re Abihu inom, Eleazar inom, Itamar inom welagaukwa.

BILANGAN 3:2 Referans Kwoze

KELUARAN 6:23

Korah againafuri abengge inebe henagan welagaukwa. Inenu re: Asir, Elkanah, Abiasaf andem. It andem he afuni inunggulenu Korah mene inambu-inombalak welagaukwa.

BILANGAN 26:60

Harun he amlogomi inebe 4 en taginafikhe, inenu re: Nadab inom, Abihu inom, Eleazar inom, Itamar inom.

1 TAWARIKH 24:1

Hun Harun he amlogomi inebe enggaminogo mene taginafikhe; Inenu re, Nadab inom, Abihu inom, Eliazer inom Itamar inom andem. It Nadab inom Abihu inom he ineisena eluk werek kwelek he inagainafuri ekhe taginafi legengge it tak wa'lagaukwa. Andiba re it inagaila'lak Itamar inom, Eleazar inom he imam agaukwa. At Daud en he it Harun ambisangma mene a'nogo re it ineabu hilingik aplerogo sumburinabik lagaikhe. A'nogo sumbuthigik fisugunem a'nogo re, at Eleazar ambisangma mene re hun Zadok, nen hun Itamar ambisangma mene re hun Ahimelekh, inomen Daud lebethasukwa.

1 TAWARIKH 6:3

At Amram he amlogomi inebe pire taginafikhe, inenu re: Harun inom, Musa inom, nen hele misik ekhe enu Miriam inom andem. Nen Harun he, amlogomi inebe enggaminogo taginafikhe, inenu re: Nadab inom, Abihu inom, Eleazar inom, Itamar inom.

KELUARAN 28:1

Wene ekhe yagati logolik he, ”Hat hoe Harun inom at againafuri Nadab Abihu inom, Eleazar Itamar inom wolisaluk he, iren An neilhanem hilingitu mene imam logolik an nobaget yabu hilingiti logouwageluk inamu penogo fisagain.

IMAMAT 10:1

Lingge misik sambul it Harun amlogomi Nadap inom Abihu inom aremnogo nen endu hunduk palogo waluk logoin mene obalik inamu-inamu wanhukwasik endu enggen kwalhukwa. Kwalhukwasik iren amben fano mene dupa endu hunduk a'nogoba Tuhan obaget iluk nolhukwa. Oba nen he Tuhan nen, hit a'nogo hilingi'no iluk yagaisasikhe le'ma, iren endu nolhukwa mene andi re ebe agandou nolhukwa lek.

IMAMAT 10:12

A'nogo yagatikhemo, at Musa nen Harun inom amlogomi inebe pire Eleazar inom Itamar inom yagaisikhi logolik, ”Nunggu mene Tuhan faget fugu mene gandum andoma waluk he, tepung andi mene oba nen he roti fiterek lek meneba wera'luk, werago fugu mene andi re ebe mondok horek mene hilingi'mo mezbah era'lu horokhogo andemen nano.