BILANGAN 21:1 - Allah Wene Fano Wene Hupla Inane

¹ A'nogo welagaukwasik, o Kanaan i ambutmo andoma higit wagunem, it afuni nen he, ”Afuni Israel mene o Atarim kwe nen weri'lagwi,” iluk isukwama ap kain enupogot awi kota Arad mene a'nogo esanggo holhikhesik he, afuni Israel mene inom weim yafi logolik, inebe ekhe hele warogo fisasikhe.

BILANGAN 21:1 Referans Kwoze

HAKIM–HAKIM 1:16

Musa eamal eisena ambisangma mene re ap Keni inap, it Yehuda mene inombo'ne o Yerikho o kota Kurma eroma a'nogo nen wulipluk lagaukwasik he, o Yehuda meneba nen o Arad en he abel a'ma selatan fikhit kweang esi le'ma aloba andoma lagaukwa. Andoma lagaukwasik he it ap Amalek mene were'ma inanggele'ma andoma welagaukwa.

BILANGAN 33:40

At raja o Arad o Negeb Kweang oba mene, o Kanaan nen selatan fikhit mene a'nogo esanggo holhugunemen he, afuni Israel mene re at anggweang fikhit omanogoba arat wagaikha iluk, ugunem holhikhe.

YOSUA 7:5

Ap andi inaben he it Israel mene lagaukwa mene a'nogo o kota Ai kwi lagaikharek oba kwe ambe pale'ma andoma nen muginarek he posie mene kweangma nen habuliluk hilingitarek oba andoma huli fisa lagaukwasik he, it omanogo inanggele'ma nen he ap inebe tiga puluh enam en engge tom alema andoma nen pinggi inoasi lagaukwa. Andiba re afuni Israel mene inendawinggen sebe isukwasik inailo nek agaukwa.

ULANGAN 2:32

A'nogo yaganetemo nen he, o kota Yahas horokhogo omanogo nen he, at Raja Sihon a'nogo agoromi tentara sikhe fisogo mene inom wagaukwasik nit ninom weim yabi wagaukwa.

BILANGAN 14:45

A'nogo isukwasik lagagunem, afuni Amalek mene inom, Kanaan mene inom, o andoma welagaukwa mene nen, it afuni Israel mene omanogo mabenetfisaluk inoarik-inoarik o enu Horma andoma fisa wagaukwa.

KEJADIAN 12:9

A'nogo hilingi'luk he, o ekhe nen ekhema kwigik, o Kanaan i ambutmo higit wagaikhe.