BILANGAN 1:51 - Allah Wene Fano Wene Hupla Inane

⁵¹ Hirambi hinebe higilogo louwogeluk halok he, it ap Lewi mene andi nen An Nawi Sabu andi meisalogo waluk laluk he, obalik ketma andoma wusi laga logogun. It Lewi inap andi mene re lek oba nen, it afuni amu mene ekhe nen o Sabu andi era'lu horokhogo asi lagu halok unggum he, ebe pinggi wasugun.

BILANGAN 1:51 Referans Kwoze

BILANGAN 3:38

It Musa inom, Harun inom, at Harun amlogomi inom inebe re O Tuhan Awi Sabu a'nogo elokhoma mo ero fikhit andoma welagaukwa. Iren he o Senggelek Mondok Hore'ma a'nogo it afuni Israel mene faget ekhe mene-ekhe mene hilingisi kugu mene iluk eiserogo welagaukwa. Oba nen he, it werek kwelek afuni ekhe amu mene nen yabu andi mene hilingisugun iluk walhugunem inebe pinggi inoati lagaukwa.

BILANGAN 3:10

Meneba nen Harun inom, at againafuri inom he iren yabu imam mene hilingiti logouwageluk haren menfisano: It andi nek hilingiti logogun oba nen, it fenakwe ekhe nen yabu andi mene hilingisugun iluk hilingitu halok he ebe pinggi wa'no.” iluk yagatikhe.

2 SAMUEL 6:7

A'nogo fakfesikheba nen aremnogo sambul at Uza nen hilingitikhe mene andi re Tuhan enu sebelogo fou hakhogo hilingitikhemo re, At Tuhan Allah a'mage Uzaba fesikhesik, at ebe e Peti Wene Warek a'nogo era'lu aremnogo nen ebe pinggi warogo fesikhe.

1 SAMUEL 6:19

A'nogo meneat he, afuni o Bet-Semes mene ekhe Peti Wene Warogo nineisena Tuhan nen wo'ninafikhe iluk hilingik mene a'nogo elema ineilenggen sorogo kwelakhasukwa mene re, Tuhan nen it inanggele'ma andoma mene inebe 70 nen inoatikhe. A'nogo inoatikhe andiba Tuhan nen enggin hokho mene ninoba lakfei wagama iluk fong wati logolik welagaukwa.

BILANGAN 18:22

It afuni Israel amu mene andoma re An Nawi horokhogo wagunem iren weak mene inom nen inebe wa'lagaikharek mene inom inoba asi wesinogo re horokhogo andoma waga logogun mondok lek.

BILANGAN 16:40

Andi re ap Israel mene nen inendawinggen eberek logolik we it Harun ambisangma mene nek he Tuhan obaget amben engge dupa nolhi logogun oba nen ap amu mene re ekhe noli waga logogun lek iluk eberek logouwageluk hilingitukwa andi. Afuni wene melalek andi sagalogo hilingiti logogun halok he, it Korah inom agoromi at ombo'ne laga lagaukwa mene inom legetfisasikhe andi hak hilingfisagain. Andi mondogat he Tuhan nen wene melalogo Musa bene nen Eleazar yagatikhe mene higithogo nek hilingitikhe andi.

BILANGAN 10:11

Tahun pirenek meneba it afuni inunggulenu Israel mene o Mesir herakfuluk wulibi wagaukwasik he, tugi pirenek meneba tanggal dua puluh werek kwelek he, ohena a'nogo o Tuhan Awi Sabumo tum oba nen lagasikhe.

BILANGAN 17:13

Ap Tuhan Awi sabu horokhogo lagunem inebe wa'laga logogun, andi halok he, nit faget nineluk logogun mene ekhe werek lego” isukwa.

BILANGAN 18:3

Inunggulenu Lewi mene re, iren hat hobaget hilingisuageluk werek mene andoma hilingitik, nen An Nawi sabu wuri'mo andoma hilingisuageluk werek mene omanogo hilingitik ikhi logogun. Oba nen he, iren mezbah horokhogo wagu aple ogo athe yi mene ti mene hilingitungge mondok horek mene andoma O Senggelek Hore'ma werek mene andoma ogo senhikhi logogun mondok lek. Iren wene melalek werek mene andi taganhogo hilingisugun halok he harogo irogo wa'lasugun.

BILANGAN 18:7

Oba nen he yabu mezbah oba andoma hilingitu mene inom, nen O Senggelek Mondok Hore'ma a'nogoba werek mene faget inom he, we hat inom it hagainafuri hinomen enek yabu imam mene andi logolik hilingiti logogun. An nen hat hoba yabu imam mene andi hilingiti logouwageluk hobagasigimo re, haren eiserogo logolik hilingiti logogin mene re andi. Afuni it andi inoba andoma hilingiti logouwageluk werek lek mene oba nen yi mene ti mene mondok horek mene andiba horokhogo asi lagu halok he wene inoba fuluk pinggi inoati logoino.” iluk yagaisasikhe.

BILANGAN 17:5

Ap An nen wenagaisogo figi mene andi arige tomuk enek he asimit wulibigin. Andi hilingisigin oba nek he it afuni nen hundik-handik hat hoba inane mul-mul yagaheri'lagwi mene andoma lek palfogoin o.” iluk isikhe.

BILANGAN 18:4

It he, yabu hit hinom seberogo hilingiti logolik, An Nawi sabumo andoma hilingitu mene nek hilingiti logogun oba nen he, it eiserogo hilingisuageluk werek lek mene re hit hinom seberogo hilingiti logou fuk.