AYUB 9:4 - Allah Wene Fano Wene Hupla Inane

⁴ At Allah andi re hebelek mondok logolik along werek agun hilingi'mo re, ap sa hagen, At ane sagalogo fulugen eluk mondok logou hak nogo?

AYUB 9:4 Referans Kwoze

AYUB 36:5

Allah andi re anggiluk mondok were'ma re, yi wene ti wene mondogat fut fikherek enek, Aren he ap misik ekhe sebelek hak iluk anggikherek mene ekhe werek fuk.

EFESUS 3:20

At Allah at fogerati logouwok. At ebe ninendawimo logolik omamerogo hilingninaferek andi re, mondok hokho andi nen he, niren ninendawimo ebetik, kino yagatik, ogorek mene higithogo hilingiti'lek, aren he ekhe inom mangorogo hilingninobagaikherek andi.

AMSAL 29:1

Ap ekhe hundik komotu werek kwelek oba nen ap ane sagalhu mondok werek halok, misik sambul ekhe alperelogo foumo, hobuk obabut hebelasigin mondok lek.

AYUB 9:19

Nen ninebe ninomame hilingik welago mene inom wene katokhogo palhu mene inom andi re An ninom walhamo nen he, At enek he omame mondok hokhorek logolik, katokhogo hilingitu agun werek.

EFESUS 1:19

at omame mondok hokho mene a'nogo nen, nit ninendawinggen at oba eberogoat himbiret fesugu mene halok, omamerogo hokhorogoat lebetnisili'logo mene andi hinelu asubagaigen iluk ayonggo fikhi lagi. At omame andiba re, Kristus ebe wa'lagaikhemo eluget fuluk pogoroba liak fesikhesi'mo re, at era'lu enggi ebekwe kain Enupogot logouwageluk menfesikhe andi higithogoat he, At omame a'nogoba lebetnisili'logo andi.

1 KORINTUS 10:22

Ninoe Enupogot a'mage lagauwageluk hilingiti lago andi nailo. At ninom walhamo re, nit ninomame werek nogo? Elo'lego.

ROMA 11:33

At Allah oba mene hokhorogo welagik, endawimo mondok kagalek welagik, wene mondok elu welagik, ikherek andi nailo e. Aren wene elugun waterek mene, nit afuni ninelu asugun nogo? Aren yi mene ti mene hilingiterek mene niren futfogoin nogo?

DANIEL 2:20

A'nogo fogerati logolik yi'nogo isikhe, ”Allah andi re inendawinggen kagalek welagaikharek andi inom, inomame hokho welagaikharek andi inom, ero re At werek, andi nen he Arenek fogeratu mondok logogun!

AMSAL 28:14

Hineisena Tuhan legeisogo fikhi logogun halok, ambisangma fano logogun. Nen haren At ane oak sagaligin halok, hat hebe alomat lasigin.

MAZMUR 136:5

Aren endawi wenggelek oba nek pogot elalhikhe, Endawi hundik hilingninaferek mene andi re mondok-mondok logogin mene.

MAZMUR 104:24

Neisena Tuhan, Haren yi mene ti mene elalhigin mene andoma re Hat hendawinggen wenggelek oba nek elalhigin o, Haren yi mene ti mene elalhigin mene omanogo O kweangma mondogat peterek werek.

AYUB 40:9

An nomame werek andi hak, hat homame andi higit werek nogo? An nane unggunggu ane hangge igirek andi hangge hat hane u hak nogo?” iluk yagatikhesik he,

AYUB 12:13

Oba nen he inendawinggen wenggelek mene inom, inomame agarek mene inom andi re we Allah oba nek welagarek. Fanorogo wenggelhalugen hilingitarek mene inom, furogo ebethalugen hilingitarek mene inom andi re At oba nek werek.

AYUB 11:6

Nen, hebelogo wenggelhu mene andi re ero hokhorogo hilingi'mo re afuni nen mondok fut fili'lagwi lek iluk andi re we At Allah nen enek yagahesuak. Andiba re hat hafe hebelasimbik he, an unggum wo'nesu mene re mondok hokho-pokhorek oba nen he, we endebat yi noba fikhemo iluk anggikhi logoino.

AYUB 6:10

A'nogo hilingnobagagin halok enek he, an nendawimo nen he andi re koninaferek higit hilingnobagaikhe iluk nagaiyegen mulugeti logogin. Allah mondok horek mene a'nogo awene melalek he an mondogat fut figirik he hologo nek hilingitu welagi.

2 TAWARIKH 13:12

Ap hit Israel mene yi sani, Hit hinambu hinombalak ineisena Tuhan Allah andi ane sagalogo fugu lek! Nit melalninabi'lago mene andi re we nineisena Allah amuat were'ma re, it ap At obaget hilingiri'lagwi mene imam omanogo re, niren hit hinoasi wesugun mene andi faget he, iren enekhogo re trompet ane fusuogeluk yoma werek yi. Hit he hinalong asugun iluk hilingiti lageba? Elo'lego! iluk yagaisasikhe.

AYUB 23:6

At ebe along welagarek a'nogo an noba herogo sagali i wesigin a? Lego! We an nane ugu mene At esanggo holigin anggikhi lagi o.

AYUB 24:22

Oba nen he At Allah nen he At omameba it ap inalong werek mene omanogo mugusogo wulaginabi'lago. Nen, At Allah nen hilingisigiluk hilingitunem he it ap nalek falekhogo hilingiri'lagwi mene re wathigik lili'lagwi.

AYUB 28:23

At Allah nek he inendawinggen kagauksek mene andi werek oba elu welagarek, nen kwe andi kwe lagaikharek andi re we At amuat elu.

AYUB 37:23

Nit nineisena Allah andi re eberogo omame hokho mene were'ma re, niren At horokhogo asi la re elo'lek. Aren he higithogo nek hilingitik, katokhogo nek hilingitik, hilingiterek. Aren afuni enggin-fenggin inoba fuluk sebelinarek welagarek mondok lek.

AYUB 38:36

I Nil andi hobuk hetokhogo lagagin, iluk sue enu ibis andi sa nen yagatunem elu agarek nogo? Nen, o hobuk meiso nagain, iluk sue ayam ap mene andi sa nen yagatunem elu agarek nogo?

AYUB 38:37

Sa endawimo mondok kagalek logolik ohena enggi wenatik, meiso pi wesuagaluk, abel endenhigik, u hak nogo?

YEREMIA 50:24

Tuhan ane ikhi logolik, ”Babel, haren he An ninom wal-wal asugun iluk hilingiti lagen, andiba re An nen hele hat hobaget webet hobagagi mene a'nogo honggothogo hilingiti lagenma re a'nogoba ke'nok egen andi o.

KELUARAN 9:7

A'nogo hilinglagaikhemo, at raja a'nogo nen elalin hilinglagaikhe mene andi faget afuni heinok wogisasikhemo, iren he, ”Wam afuni Israel mene inanggo nek he, misigiluk ogo ekhe wa'lagi'lego,” iluk yagatukwa meneat he, at raja endawinggen mondok haroat logolik afuni Israel mene lakfisagain iluk anggasikhe legat.

KELUARAN 15:7

Homame hokho fogethafarek mene a'nogoba, Hat hoasuogeluk agarek mene mondogat legetfisegen. Hat ha'mage re, endu amuilok yelang-melang ninggerek andi hanggema re, It andi engga lei ninggerek hangge inebe hali ningge.

2 TAWARIKH 20:6

ane omameba samban ikhi logolik mel isikhe, ”Nit ninambu-ninombalak ineisena Tuhan Allah nineisena! Allah Hat hebe pogoroba logolik o kweangma yoma yi afuni ti afuni mondogat melalinafi lagen. Hat hebe homame hokho mene logolik yi mene ti mene Hat ha'ma nek were'ma, ap misigen iluk ogo Hat hane sagalogo fou lek hak.

AYUB 15:13

haren Allah ba hobaharo fikhi logolik ane sagalogo hilingiti lagen omari?

AYUB 41:2

Haren he, at ambisang oba hele kelogo figik, agaukwak oba matakail ikan watharek meneba folelogo kelhik, u hak nogo?

YESAYA 45:9

Ap ekhe Walhasikhe ane oak sagalogo hilingiti logolik werek mene re alomat lakhogoin o, at andi re iwak kweang tangge meneba hilingik mene nen ap puguneterek mene a'nogoba ane weak ikherek andi higit werek. Kweang tangge mene omanogo nen ap waruk hilingiterek meneba ikhi logolik, ”Hat he ningginhi lagen?” iluk ekhe ikherek nogo? athe warugen ap puguneterek mene a'nogoba fanorogo pugunetu lek, iluk wene ikherek nogo?

NAHUM 1:3

Eberogo nenat At Tuhan andi re a'mage weak-weak lagaikherek lek. A'nogo meneat he, o yi awi ti awi At enek sagarek werek andi nen he afuni ekhe nen weak hilingitu halok he Aren unggum inoba fisikherek mene a'nogoba nen ekhe longgo u lek hak. At Tuhan ebe koma kwe lagu halok he, andoma sogoi sielu wiliferek. Nen At eisok sebelhugukwe andoma re, wul age hena higit palogo lagaikherek.