AYUB 9:12 - Allah Wene Fano Wene Hupla Inane

¹² Aren telhunem he, ap sa nen ambong serogo At oba nangge iluk ili wanu hak nogo? Athe at heinok wokhikhi logolik, ”Ao, Hat he, ningginhi lagen,” iluk heinok wanu hak nogo?

AYUB 9:12 Referans Kwoze

YESAYA 45:9

Ap ekhe Walhasikhe ane oak sagalogo hilingiti logolik werek mene re alomat lakhogoin o, at andi re iwak kweang tangge meneba hilingik mene nen ap puguneterek mene a'nogoba ane weak ikherek andi higit werek. Kweang tangge mene omanogo nen ap waruk hilingiterek meneba ikhi logolik, ”Hat he ningginhi lagen?” iluk ekhe ikherek nogo? athe warugen ap puguneterek mene a'nogoba fanorogo pugunetu lek, iluk wene ikherek nogo?

AYUB 11:10

At Allah nen hat senhobagaluk wokharek Aren awene tegeterek oba habogari lamo nen he, ap sa hagen ambong serogo Aren hilingitunem andi kwe palu hak nogo?

AYUB 23:13

At Allah andi re mondok agaum eterek lek. Afuni nen At ekhe ane sagalogo fou lek hak. Nen, Aren he onggwarek endawimo agaiyek anggili'lago mene nek hilingiterek.

ROMA 11:34

Wene andi faget he, lisu yi'nogo palogo fesukwama werek: ”Nineisena Tuhan endawimo ebeterek andi, sa elu? At he, sa hagen komorasigin nogo?

AYUB 34:29

At Allah nen An nane legengge logogin iluk hilingisigin halok he, ap misigen ogo ekhe ailo legengge nenahalok hane lek welagen iluk u lek hak. Aren elokhe hinakfuluk were'ma re ap misigen iluk ogo ekhe herasu re elo'legaro.

MATIUS 20:15

an nonggwarek eiseweregen igin mene nenat igi andi elo'lek anggegen? An nonggwaregen nendawi fanorogo wogisigi andi nen hat wene palhen, iluk yagatikhe.

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

YEREMIA 18:6

”Hit An nagainafuri mene yi sani, ap iwak kweang tangge meneba elalherek mene nen hilingiri'lago andi hak, An nen a'nogo hilingisumo elo'lek anggegeba? Kweang tangge ap belanga elalherek mene enggimo werek andi hak he hirogo An nenggiba a'nogoat welagebo.

AYUB 33:13

Afuni nen At Allahba inane yagatu mene holhi'lek hilingiri'lago andoma nenahalok iluk, haren At oba wene fikhi lagen?

EFESUS 1:11

At Allah nen he, ”Yi'nogo hilinglasuak, ti'nogo hilinglasuak,” iluk endawimo anggikherek higithogoat yi mene ti mene mondogat hilingitunem hilinglagarek andi nen he, ”It inebe an nonggwarek nagainafuri asuageluk,” wenagaisogo wo'ninafikhemo re, eisewerek agagu andi.

AYUB 10:7

An eberogo nen weak hilingiti'lek mene andi re, Hat he afe hebelek logoligenat a'nogo hilingnafi lagen. Nen an nebe Hat enggiba welagi mene yi ap ekhe nen telogo wo'nabu lek hak a'nogo re Harogo helurek.

PENGKHOTBAH 8:4

Raja omame werek mene a'nogoba yi wene ti wene hilingitunem he, sa nen ailo legengge ane oak sagalu hak nogo?

YESAYA 43:13

An nebe munen agi'lek Allah netok mondok logogin o. It ekhe An nenggimo nen polokhogo wulibi lagik, An nen hilingisigiluk ebetirek mene andi leget fisigik, ugun mondok lego,” iluk ikhe.

2 SAMUEL 16:10

A'nogo yagatikhe meneat he, at Daud en Abisai oe Yoab emberek mel yagaisasikhe: ”Nineisena Tuhan nen lakfei wagama, homan nobagali'lago meneat logou hak. Ma re, niren he, hat sa nen a'nogo ino iluk yagahetemo eise agendik ikhi lagen, iluk yagasugun elo'lego. Halok he, aren homan nobagauwagen he, at ebe wati'lek herakfeni o,” iluk yagaisasikhe.

AYUB 1:21

”An nagaisa alabutmo nen yi mene ti mene ekhe waluk ta'lagagi lek andi hak, nebe wa'lasimbik ogore nangge yi mene ti mene ekhe waluk lagain legaro. Neisena Tuhan nen wo'netendik hobuk Tuhan honggwarek hambotkwe helegen andi re, fano. Andi nen he, Tuhan henu nek lego mondok logouwak,” iluk fogeratikhe.

DANIEL 4:32

Andi nen he, hat hebe afuni inoba nen mugusogo lakhobagaumo, yi wam ti wam hinom o leimo andoma logogun. Andoma 7 tahun logolik, engga wam sapi nen ninggerek hak ninggi logogin. A'nogo 7 tahun arat logombik haren he, Ap inebe raja logolik afuni ferinarek welagaikharek andi re, At Allah Enupogot enggiba welagarek higi. A'nogo enggiba logolik, Aren, At andi hak ebe raja logouwak, iluk anggikherek higithogoat inebe raja logouwagaluk menfisikhere'ma, higi o, iluk hambeba nen fakhogo igin o,” iluk yaganete.