AYUB 7:7 - Allah Wene Fano Wene Hupla Inane

⁷ Neisena Allah, an neluk welagi mene yi re haren heleage furogo kwelabek mene welagi a'nogo ebethan. An nagaiyek welaga mene a'nogo re ekhe werek lek mondogat he longgo ikhe andi.

AYUB 7:7 Referans Kwoze

YAKOBUS 4:14

Ohealekwe nit wene ninoba yi'nogo hilinglasigin, iluk hinonggorat logolik ikhi lagep andi ri! Nit ninebe andi nena mene hangge welagorek nogo. O hena endebat welagaresigen weak-weagat lek agarek andi hak, ninebe a'nogo welagorek andi.

MAZMUR 78:39

Aren wenggel hikhi logolik he, it andi re wa'lagu mene, o sogoi furogo lagu mene ambotkwe lagokhogo wagarek lek andi hak werek iluk wenggel hikhi lagaikhe.

YEREMIA 15:15

A'nogo ikhemo an nen ikhi logolik, ”Tuhan neisena, Haren futnobagain o, futnobagambik he noba ebetnean o. Nen it afuni an mu'niikhi logolik sebelogo nobagali'lagwi mene andoma re it inenggi ambisangma inebe inoasin o. Haren sebelhikhi logolik were'ma nen an noasugun andi re elo'lego. Hat henuba re an li'norogo hilingnobagali'lagwi mene andi wenggel hano.

MAZMUR 89:47

Neisena Tuhan, henggi miren oba hinago logombigen weinam asigin nogo? Hat ha'mage endu amulok lagaikherek hangge lagali'lago mene andi henggi miren hak logombigen lek asigin nogo? Neisena.

MAZMUR 89:50

Tuhan Allah neisena. Hat hobabut hendawitninafu welagen a'nogoba attagat hamingmingengge Daud ebe hendawi nen, Yi'nogo hilinghabigin, iluk hombuk palogo wene waretigin a'nogo inendawinggen wenggelasigin he, kiba nen nogo?

MAZMUR 74:18

Tuhan neisena, it haselei mene nen Hat henu sebelogo fili'lagwi mene andi wenggelhan o, it afuni inunggulenu inap Hat inonggot mene nen Henu weagerogo fili'lagwi andi.

MAZMUR 74:22

It afuni Hat hoba inendawinggen tibet fili'lagwi lek mene andi nen Hat henu weak weakhogo nek fugu werek andi nen he, Neisena Allah, Hebe siakhogo menla'luk he, Hat hawene andi faget ili helan o!

AYUB 10:9

An nebe kweang tangge meneba elalogo nobagasigin a'nogo wenggel han! A'nogo hilingisogo nobagasigindik meneat he, yogondak Haren an nekhengge kweang aling higit asuageluk hilingnafi lagen a?

AYUB 9:25

Linggene an neluk welagi yi re, afuni kwe funget hagarek hak ferekhogo nek lagunem he, we nagaiyek endep ekhe higi'le'ma longgo nek i lili'lago.

NEHEMIA 1:8

Haren wene mel iluk Musa yagatiginmo yaganisasikhe mene andi hendawimo ebesin o, neisena. Haren he, hit An nagainafuri Israel mene re wene An nen komothinafigi mene andi hologo noba lomborogo logogun lek halok he, afuni inunggulenu hunogo mene inawi sili kwe andoma pugulogo lakhinobagagin o.

KEJADIAN 42:36

Inailo nek agaukwasik ineisena nen it yagaisikhi logolik, ”Namlogo Yusuf ogo legat, Simeon ogo legat, nen yogondak at Benyamin ogore wanuogeluk ikhi lagepma, namlogomi hiren hilingiti lagep oba an nagainafuri omanogo longgo nek ugunem an hineisena anggolo hurane hikhi lagi yi re, ninggi'nogo nen agi,” iluk isikhe.

AYUB 7:16

An he neluk logolik enggin-fenggin hugu werek aple andi re mondok nabit hikhi lagi hilingi'mo re, nebe mondok wa'la'le iluk anggikhi lagi andi nen he nebe neluk welagirek mene ari re we elalin hak hilingi'mo re, oboget nean o.

MAZMUR 4:6

Tuhan faget fano mene nek wogosi we'luk, hinendawinggen At oba tibet fuluk logoni.

AYUB 10:20

We horok eil misik wela'luk he wa'lasigin hilingi'mo re, an namu nek logoiyogen heraknobagani, nenggi we endebengge yaba fanorogo logoiyogen he.

MAZMUR 39:6

An nebe umur neluk welagi mene ari re Haren we mondok horokhogo enogo fegen! An neluk welagi mene ari faget he, Haren he amungge weak-weak legagarek andi hakhogo hilingik welagen. Eberogo nenat he, afuni ineluk andi re inele age futhugunem hangge hilingik,