AYUB 7:4 - Allah Wene Fano Wene Hupla Inane

⁴ Nogogin iluk nogoi lagunem ogore, hup mondok alabi weak, O weak-weak wei inik agwi iluk nenangotu logolik he nogo furogo mel ikhi lagi lek.

AYUB 7:4 Referans Kwoze

ULANGAN 28:67

Hiren amu mene ekhe hikhi logolik mondok hinailo nen he hinendawimo set pongeti logogun. A'nogo hilingiti logolik o hubanggore weak-weak wei inik agwi igik, nen o linggene logolik he weak-weak o huba'nik agwi igik hilingitu mondok logogun.

MAZMUR 77:4

An nen At Allah ebe faget nendawimo wenggel haluk he, nebe neneigeti lagi, an nen menenei uanhogo wenggelik lagu-lagu re nebeba mondogat liongorogo taik ikhi lagi.

AYUB 17:12

Oba nen he an narugwi lagaila'lagen yaganeti logolik he, ”O mum andi re, selek asi wesigin mene horogasi waga. Iluk ili'lagwi mene andi werek kwelek oba nen he, an nebe o mumse'ma hangge welagi mene andi re an nonggwarek nelu o.

YESAYA 54:11

Tuhan nen ikhi logolik, ”Hat Yerusalem kota sebelek mene hak logolik, afuni hendawimo konhabu mene legen hafe kulakhogo welagen mene yi. Hat hubule re An nen helep onggo hokho meneba nek nekhengge tik warogo wuthobagagin o.

MAZMUR 130:6

It ap hubanggo kagalek logolik, ”O weak-weak wei uwak agwi,” iluk, nenanggotu welagaikharek andi re, we endep hangge meneat he, an neisena Tuhan hobuk fano hilingnabigin iluk, nendawinggen oba nenat nenangot hafu welagirek andi.

MAZMUR 109:23

An nebe re afuni inafumak o hubet palogo lagarek a'nogo hak lega'leba nen, no pulue tarogo lagarek a'nogo hak lega'leba nen.

MAZMUR 6:6

A'nogo hilingnabigin andi re ap wa'la'luk lagaikharek oba andoma nen he Hat hoba ekhe ebet heogoin lego, nen, ap fili salfisagarek oba andoma nen ogore afuni nen ekhe Hat fogethabugun legaro.

AYUB 30:17

O hubanggo re an noak elekwe mondok fato-fatongge hilingnafi logolik he, fululung etunem legasu lek hak hilingnabi'lago.