AYUB 7:21 - Allah Wene Fano Wene Hupla Inane

²¹ An naweak Haren honggorabethogo fou re elo'legen a? Nen weak hilingiti mene sagalogo legat fisa re elo'legen a? We eil misik wela'luk ap wa'lagu mene sal fisagarek oba omanogo wengik logogiluk welagimo re, Haren an hera'nabigin oba nen he, an longgo pising umo re hera'nabigin lego,” iluk isikhe.

AYUB 7:21 Referans Kwoze

DANIEL 12:2

Nen, it inanggele'ma nen afuni hokhorogo wa'lagaukwa mene omanogo nekhengge ineluk menlasugun, menlasimbik fenakwe re ineluk mondok-mondok mene a'nogo hikhi logolik logogun, nen fenakwe re anggolo hunarerogo heinet hokho mene wali logolik mondok-mondogat logogun.

AYUB 10:14

A'nogo hilingitigindik a'luk he, an weak hilingitunem nealuk, at aweak lek hilingisogo fagain lek iluk heilenggen fuluk welagen.

1 YOHANES 1:9

Mene re, nit weak hilingito mene fakhogo fogoin halok, at obabut higit mondok logolik, wene wa'nisikherek hagat hilingiterek andi nen he, nit weak hilingitorek mene sebelogo legetfisaluk, weak hilingisuogeluk ninendawimo ebetorek mene sobalninaferek.

YESAYA 64:9

Andi nen he, haren ha'mage mondok hokhorogo ninoba fugun o, neisena. Yethan. Nit ninebe hagainafuri mene welago andi nen he, nit weak hilingito mene andi hat hendawimo eberek mondok logogun o, neisena.

PENGKHOTBAH 12:7

Nen ninagap he ambotkwe kweang al agik. Nen set ninelugeraterek mene a'nogo re sugulogo Allah were'ma lagik, igin. Andi re we At endawi fano nen weat wo'nisikhe mene hilingi'mo re a'nogo hilinglasigin.

1 YOHANES 3:5

At Kristus onggwarek weak hilingiti'lek logolik, nit weak hilingitorek mene sebelogo legetfisageluk, ebe weinamhogo wagaikhe andi hineluo.

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

HOSEA 14:2

A'nogo isikhemo, an nen afuni Israel mene yagaisikhi logolik mel isigi, ”Hit afuni Israel mene yi. Hinebe nineisena Tuhan Allah oba hinambotkwe we'ni o! Hit weak hilingiti lagep oba, hineisok peikhogo hinebe warikhi lagep.

YESAYA 26:19

Hat againafuri endamat wa'lagaukwa mene omanogore inambotkwe ineluk asugun, it inebe warek nekhengge menlasugun. Ap kweang elema salinafa mene re, menlasimbik inagaiyekhogo wuni wati logogun. Lilengge nen kweangma sakhoraterek hak, Hat againafuri o endam wa'lagaukwa mene omanogo inambotkwe inelugerinabigin.

MAZMUR 103:15

E owil o leikwe hokhorogo iteresigen, misigam lologo pikherek andi hak, afuni ineluk umur welagaikharek andi re engga misigam lologo pikherek andi higit welagaikharek.

MAZMUR 37:36

A'nogo hasigiba nen, hobuk laga logolik hasigi re, at andi ebe le'ma hasigi.

AYUB 17:14

An nebe salnobagagun oba andi enu re, Neisena salhik, nen imbalo an nebe senggelnabugun mene andi enu re, Nagaisa inom nerei inom salinafik igin.

AYUB 10:9

An nebe kweang tangge meneba elalogo nobagasigin a'nogo wenggel han! A'nogo hilingisogo nobagasigindik meneat he, yogondak Haren an nekhengge kweang aling higit asuageluk hilingnafi lagen a?

AYUB 7:8

Yogondak Haren an nebe niikhi lagen oba nen we welagi'legat hobuk ekhe neagain lek. Hobugen Haren an hera'nabigin oba nen he nebe le'ma neagain logou hak.

AYUB 3:13

Andem sambul an nebe wa'la'lesik lelema nen he, nabolok lek logolik set walikhi logouwem agwi,

2 SAMUEL 24:10

Oba nen he at Daud en afuni a'nogo mondogat wenaginafikhesigen he, ”An weak hilingiti o,” iluk anggasikhesik he, aren Tuhan oba ikhi logolik he, ”Eige, neisena Tuhan, an mondogat weak hilingiti o! An nen hilingiti mene andi re mondok kemburogo hilingitimo re, an naweak hilingiti mene andi honggorabethogo nobagain o, neisena,” iluk yagatikhe.

AYUB 8:1

A'nogo isikhemo at Bildad en ikhi logolik he, ”Hat hane a'nogo nek ugu mondok henggi miren logogin nogo? Hat hambeba wene wulafi lagen mene andoma re sogoi ane hokho ikherek mene hak, ikhi lagen.

AYUB 13:19

Tuhan neisena, hat weak hilingiten iluk wene noba fei wagunem andi re, an nane legengge alokhogo logolik ki sambul wa'lasigin iluk nenangot hikhi logogin.

AYUB 27:19

At he ap enggi werek mene hakhogo wengik logolik werek, oba nen he aren nekhengge oak waganogo hilingisu lek hak. At ebe nogoguba omanogo nen menlagunemen he at angge yi mene ti mene omanogo mondogat linggi-longgo ugunem hikherek.

AYUB 33:9

Haren ikhi logolik he, ”An he wene ekhe taganhogo hilingiti lagi le'ma nebe nagap horek welagi. Nen An nen weak mene ekhe hilingiti mene ekhe werek lek, an nebe selekhogo welagi.

AYUB 14:10

A'nogo meneat he, afuni inebe wa'lagunem he, mondok-mondok lek agaikharesik he, koma lagaikha heat longgogarek andi.

AYUB 20:8

At ebere afuni inabi wokhaluk longgo ikherek a'nogo hak, nen hubanggo inabikanggoba hagarek a'nogo hak longgo ugunem he,