AYUB 7:16 - Allah Wene Fano Wene Hupla Inane

¹⁶ An he neluk logolik enggin-fenggin hugu werek aple andi re mondok nabit hikhi lagi hilingi'mo re, nebe mondok wa'la'le iluk anggikhi lagi andi nen he nebe neluk welagirek mene ari re we elalin hak hilingi'mo re, oboget nean o.

AYUB 7:16 Referans Kwoze

AYUB 10:1

An neluk welagiba re mondok nabit ari'lago. A'nogo logolik nendawimo anggikhi lagi mene andoma mondogat wulak fisikhi logogin. Nendawimo a'nogo weakhogo logolik alepalerogo hikhi lagi mene andem nambeba nen mondogat wulakfisikhi logogin.

1RAJA-RAJA 19:4

eisok oba o leimo afuni le'ma andoma ohealek huberen pikhit lagaikhe-lagaikhe o arat hu'mokwe agaikhemo, e enggi talek hokho mene ekhe eroma omanogo kamo i lagaikhesik welagaikhe. Andoma hu'lagaikhesik logolik he, nebe wa'lasigin namolo, iluk endawimo anggasikhesik, eisena Tuhan mel yagatikhe: ”Tuhan neisena. An nebe neluk logogin mondok elo'lego. We, an nebe fano ekhe welagi'lek. Nombalak weak welagaukwa andi hanggeat welagi andi nen he, an neluk wo'nabin o, neisena,” iluk yagatikhe.

YUNUS 4:8

A'nogo hilinglagaikhemo, ohealek hubet mo arat lagai wagaikhemo Allah nen, sogoi aganhan weak mene o mo lagai wagarek higiren funha wesuagaluk hilingitikhemo re, funha wagaikhe. A'nogo funha wagaikhemo mo aigen Yunus ungguloak hutethasikhemo re, eilfuruk feigeluk isikhe. A'nogo hilingitikhemo re, aren he, ”Nebe neluk logogin nabiro. Wa'lasigin namolo o,” iluk isikhe.

MAZMUR 39:13

Neisena Tuhan, an nen samban ikhi lagi nane hesanggo holin o, an nen Hat hoba kino yagaheti lagi mene andi fut nobagain o, an le agunem Hat he aloksek logou fuk. It ninambu ninombalak we elama faget welagaukwa hakhogo, an ogore we elama faget Hat hoba hobalek welagi o.

AYUB 14:6

Halok he, at set waroageluk elelhi'lek herakfisano o, a'nogo herakfisamo, at ebe eluk oba, angge yi mene ti mene ninggi logolik eabu a'nogo mondogat elugun warogo hilingisuak.

AYUB 10:20

We horok eil misik wela'luk he wa'lasigin hilingi'mo re, an namu nek logoiyogen heraknobagani, nenggi we endebengge yaba fanorogo logoiyogen he.

AYUB 9:21

An weak hilingiti lek oba nen he, an nonggwarek nebe faget he wenggel hikhi lagi lek. An neluk yi faget he esin mene ekhe werek lek andi nen he, an neluk ekhe inom werek mene faget ebeti lagi lek. Afuni weak hilingitarek mene inom, fano hilingitarek mene inom andi re Allah elokhoma re higit enek hilingi'mo re Aren enek inebe pirenet mondogat legaphogo fisagain werego.

AYUB 6:9

We At Allah nen enek an noba weak-beakhogo nobagauwak, we Aren enek wenggelhambik an nebe pinggi noasuak.

YUNUS 4:3

Yogondak he Tuhan neisena, an nebe wa'la'le anggikhi lagi o. Neluk werek aple re nabiro,” iluk yagatikhe.

MAZMUR 144:4

Afuni andi re sogoi misigam furogo lagarek andi hangge, nen inafumagengge palogo lagarek andi hakhogo inebe a'nogo werek.

MAZMUR 78:33

Andiba re, At Allah nen it inebe ineluk werek mene a'nogo horoget fisasikhemo, tahun it welagaukwa mene aremnogoba re mondogat inailo mene youk kwelakfisasikhemo werek kwelek enek he it ineluk werek mene a'nogo arat kobogi lagaikhe.

MAZMUR 62:9

Yago, hit an nunggulenu mene yoma sani, linggene hundik-hundik At Allah andiba nek hinendawinggen eberek logoni o, Nit ninebe At awea'ma kuluk oba himbirik welagoma re, hit hinendawimo anggikhi lagep mene andoma At a'ma pulelogo liak fikhi logoni o.

MAZMUR 39:10

Hat honggwaregen komotnafi lagenma re, an nane igi'lek nambe to'morogo logogin o.

KEJADIAN 27:46

At Ribka nen Yakub a'nogo yagatikhesik, Ishak mel yagatikhe: ”An he, Esau agagwi afuni endakwe inunggul enu Het mene ina'logomi woginafikhe mene andoma neilenggen kwelagisigik he, mondok nabit ari'logo o. At Yakub a'nogoat hemi Het mene woginafe halok, an nebe neluk logogin he, nabiro.

AYUB 7:7

Neisena Allah, an neluk welagi mene yi re haren heleage furogo kwelabek mene welagi a'nogo ebethan. An nagaiyek welaga mene a'nogo re ekhe werek lek mondogat he longgo ikhe andi.

AYUB 7:15

Andiba re an noba ou-pou hugu mondok welagirek mene andi herakfuluk he, nalonggop perelogo wa'la'le iluk anggikhi lagi.

MAZMUR 78:39

Aren wenggel hikhi logolik he, it andi re wa'lagu mene, o sogoi furogo lagu mene ambotkwe lagokhogo wagarek lek andi hak werek iluk wenggel hikhi lagaikhe.

YEREMIA 8:3

Andiba re it ap inunggulenu inanini mondok weak mene ari ineluk werek mene re An nen yikwe tikwe telfol isasigimo welagaikharek mene andoma nen he ineluk werek mene faget inabitsek logolik, wa'lagaikharek mene faget enek he inendawirogo logogun. Iluk An Tuhan Nomame Mondok Hokho mene a'nogo nen nane mondogat igi o,” ikhe isikhe.

MAZMUR 39:6

An nebe umur neluk welagi mene ari re Haren we mondok horokhogo enogo fegen! An neluk welagi mene ari faget he, Haren he amungge weak-weak legagarek andi hakhogo hilingik welagen. Eberogo nenat he, afuni ineluk andi re inele age futhugunem hangge hilingik,

PENGKHOTBAH 2:17

Andi faget he ineluk welagaikharek andi ambisangma an nobaget ekhe werek lek, amu mene ogo legat. Mondogat andoma re we alomarogo hilingi'mo re an he sogoi murok laga-lagi.