AYUB 7:15 - Allah Wene Fano Wene Hupla Inane15 Andiba re an noba ou-pou hugu mondok welagirek mene andi herakfuluk he, nalonggop perelogo wa'la'le iluk anggikhi lagi. Gade chapit la |
Nen, at Ahitofel a'nogo endawimo nen he, ”An nen wene igi mene hologo hilingiti'lek herakfisaga andi weak higi,” iluk futfesikhesik he, inebe woginarek lagungge wam keledai ambot oba kelogo fesikhesik, ebe oba lagasikhesik he, at onggwarek aiba lagaikhe. Lagaikhesik, yi mene ti mene aren hilingisu mene mondogat arat katokhogo hilingitikhesik, ebe onggwaregen alonggop hele kelogo warasikhemo, at eisena wa'lagaikhemo salhukwaba andoma salhukwa.
Andiba re it ap inunggulenu inanini mondok weak mene ari ineluk werek mene re An nen yikwe tikwe telfol isasigimo welagaikharek mene andoma nen he ineluk werek mene faget inabitsek logolik, wa'lagaikharek mene faget enek he inendawirogo logogun. Iluk An Tuhan Nomame Mondok Hokho mene a'nogo nen nane mondogat igi o,” ikhe isikhe.
An weak hilingiti lek oba nen he, an nonggwarek nebe faget he wenggel hikhi lagi lek. An neluk yi faget he esin mene ekhe werek lek andi nen he, an neluk ekhe inom werek mene faget ebeti lagi lek. Afuni weak hilingitarek mene inom, fano hilingitarek mene inom andi re Allah elokhoma re higit enek hilingi'mo re Aren enek inebe pirenet mondogat legaphogo fisagain werego.
A'nogo hilinglagaikhemo, ohealek hubet mo arat lagai wagaikhemo Allah nen, sogoi aganhan weak mene o mo lagai wagarek higiren funha wesuagaluk hilingitikhemo re, funha wagaikhe. A'nogo funha wagaikhemo mo aigen Yunus ungguloak hutethasikhemo re, eilfuruk feigeluk isikhe. A'nogo hilingitikhemo re, aren he, ”Nebe neluk logogin nabiro. Wa'lasigin namolo o,” iluk isikhe.