AYUB 7:11 - Allah Wene Fano Wene Hupla Inane

¹¹ Andiba re, an nane legengge logou lek hak! Nendawimo heiseli'lago mene inom, ale palerogo hikhi lagi mene inom arem faget he sebelha mondok elo'lek agunem he, an nane wulagaisogo nendawimo anggikhi lagi mene andem wulakfisa waga lagi andem.

AYUB 7:11 Referans Kwoze

MAZMUR 40:9

Allah neisena, an he Hat hamolo anggikhi lagen mene andoma hilingitu mene faget he nagaiyek anggikhi lagi o, Hat hawene melalek a'nogo an nendawimo fakhigirik welagi o,” iluk ikhi lagi.

AYUB 10:1

An neluk welagiba re mondok nabit ari'lago. A'nogo logolik nendawimo anggikhi lagi mene andoma mondogat wulak fisikhi logogin. Nendawimo a'nogo weakhogo logolik alepalerogo hikhi lagi mene andem nambeba nen mondogat wulakfisikhi logogin.

YESAYA 38:17

Ale weak mondok hikhi lagi mene andem agamhogo re nendawinggen abolo'lek fanorogo welagaikharek mene asigin o, enggin mene oba nen Haren telnafi lagen, an naweak mondogat he Harenat sebelogo leget fisikhi lagen.

YESAYA 38:15

An nen ninggi'nogo u hak nogo? Yi re Tuhan nen hilingitemo, nendawinggen heiselhu nen he, nogo u re elo'lek nabi'logo.

AYUB 21:25

Oba nen he ap ekhe re agaiyek endephogo iluk ekhe higi'lek, at oba endawimo mondok eisel-peisel aple nek hikhi lagaikhesigen wa'laga.

2 KORINTUS 2:4

Wene lisu palogo attak lakfei wagagi andi re, nendawimo weagat, nendawinggen engginatma, le hokho aga logolik lakfei wagagi o. Hinendawinggen weak asuageluk lakfei wagagi fuk. Lego. We, an hit nendawi mondok welagi andi hinelu asuageluk hinoba lakfei wagagi andi.

LUKAS 22:44

Endawinggen ago watfesikhe mene re, endawimo mondok weak logolik hobuk samban engginhogo ugunem, likhak mep hangge mene tephigik kweangma ting-tung pisikhe.]

AYUB 16:6

An nane nek ikhi lagi mene ogore an noba ou a'nogo lek ari'lago lek, nen an nane legengge logogin halok ogore, an noba mene ekhe legasigin legaro.

AYUB 13:13

Andi halok he an nane igin mene andi ambisangma ninggi'nogo asigin andi hilingik kwelek he, an nane igin enggere hinane legengge logoni.

AYUB 10:15

Nen an weak hilingiti halok he, an nebe welagi mene yi re, ibi-eberogo nen alomat lasigin werek. Oba nen he, an weak hilingiti lek mene ogore, at weak hilingite iluk anggili'lagwi. An mondogat ap weak mene logolik nendawinggen mondok heiselhunem welagimo re, nelokhe nailo lekhogo legeisogo yerisa re elo'lek.

AYUB 6:26

An nane ikhi lagi mene oma hiren he, sogoi ane hak anggikhi lagep, an noba sinurogo werek kwelek hiren onggo yaganeti lagep mene andoma re we alomarogo yaganeti lagep.

KEJADIAN 42:21

A'nogo anggasukwasik, it aremnogo ekhe nen ekhe yagatik, ekhe nen ekhe yagatik hilingiti logolik, ”Yogo agi, niren attak ninagoren lebetneani ugu kwelek niren ane holhi'legengge at eberogoat endawi ou hugu kwelek oba nen he herakfisogo a'nogo re, yogondak ninenggi elugun oba enggin hikhi lago ari,” iluk isukwa.

MAZMUR 39:3

A'nogo igiresik he, nendawimo heiselhunen an nane igi'lek peget fisaluk logolik he, an nen fano mene omanogo obogerisaluk hilingiti'lek welagi. Nen an noba ou hikhi lagi mene a'nogo ekhe inom enggin asi wagunem hikhi lagiat.

AYUB 9:27

An nambenggutmo mumungisogo nagaiyegen endo aga logolik, ou-pou hikhi lagi mene omanogo nonggoret fagain iluk walhikhi lagiba nen he, nendawimo ou hikhi lagi mene a'nogo nekhengge an mu'narek weri'lago. At Allah nen, ”At weak hilingite, iluk an weagerogo nobagaikhe mene andi re an nelure'ma re a'nogo hilingnobagali'lago andi.

AYUB 36:21

Hat hoba ou hikhi lagen andi re haren weak hilingiten mene ari herak fouwageluk hilingitemo re, haren helokhe hebekhogo afuni wene sagalfuluk hilingitarek mene inoba lagen hanogo re hafe hebelogo hilingi'no.