AYUB 6:26 - Allah Wene Fano Wene Hupla Inane

²⁶ An nane ikhi lagi mene oma hiren he, sogoi ane hak anggikhi lagep, an noba sinurogo werek kwelek hiren onggo yaganeti lagep mene andoma re we alomarogo yaganeti lagep.

AYUB 6:26 Referans Kwoze

EFESUS 4:14

A'nogo hilingiti logolik, ninobabut yenggerugwi inobabut sogoien i ha'labu funhogo lagik-wagik hilingitarek andi hak, nit a'nogo hilingiti logouwagen iluk, it afuni ekhe inobabut lagoksek mene nen ineranen meneat he, eberogoat hangge lalninabuogeluk, wene hunogo wene hobugalep yaganisa weri'lagwi andi inane holugun lek.

MATIUS 12:37

Hit hinonggwarek hinane ikhi lagep mene higithogoat Allah nen wene hinoba figik, kotik, igin aro,” iluk yagaisasikhe.

HOSEA 12:1

Tuhan nen ikhi logolik he, ”It afuni inunggulenu Israel mene nen he An nebe haningisogo kwelaknarek logolik, ineranhogo wene nek igik, inunggulenu Yehuda mene re An Allah nebe horek mondok logolik tiphogo nek hilingiti lagi mene a'nogo nane sagalogo hilingitik, ugu mondok logolik lalogo nobagali'lagwi.

AYUB 42:7

At Tuhan nen Ayub a'nogo yagatikhesik, ap Elifas a'nogo mel yagatikhe: ”An nen hat inom, hagaila'lak inebe pire arem inom, hinomen he, wene an nebe faget namingmingengge Ayub en higithogo ikhe hak iren ogo a'nogo egep lek andi nen he An na'mage inoba figi o.

AYUB 42:3

Haren heinok an wo'niikhi logolik, An Allah nendawimo kagalek logolik yi mene ti mene hilingitirek meneat he, hat honggot logolik, nane sebeligiluk ikhi lagen andi nenahalok? iluk heinok wo'neegen andi, hat elalin hilingiti lagen mene andi an nen futfigi'lek nonggot logolik igimo o, neisena.

AYUB 40:8

An fano igi mene, iluk hoba nonggologo re, An higithogo hilingitirek mene andi seramet fanhendik, Wene weak ikhi lagen, iluk yaganeti lagen a?

AYUB 40:5

An nen wene mondok hokhorogo yagaheti andi nen he, hobuk ekhe yagahesigin lego, neisena,” iluk yagatikhe.

AYUB 38:2

”An nendawimo kagalek logolik hilingitirek mene andi re, hendawimo seramet fegendik kembu mene nen yugunengge agarek hangge, honggot logolik andi re hat sa nen ikhi lagen nogo?

AYUB 10:1

An neluk welagiba re mondok nabit ari'lago. A'nogo logolik nendawimo anggikhi lagi mene andoma mondogat wulak fisikhi logogin. Nendawimo a'nogo weakhogo logolik alepalerogo hikhi lagi mene andem nambeba nen mondogat wulakfisikhi logogin.

AYUB 6:9

We At Allah nen enek an noba weak-beakhogo nobagauwak, we Aren enek wenggelhambik an nebe pinggi noasuak.

AYUB 6:4

At Mondok Omame Hokho mene a'nogo andogen he an nebe agaukhe tiagan noatemo welagi yi. At awei nen he nebene nelonggokwe mondogat heiselik lagamaat andi. At Allah nen hilingiterek mene andoma re inailo mondok hokho mene nek hilingiti logolik he, Aren he ap selei mene logale'ma inoatarek hak noasigiluk hilingiri'lago andi.

AYUB 2:10

A'nogo yagatikhemo, at Ayub en he, ”Allah nen he, fano mene wo'nisugunem helikhi logolik, weak mene wo'nisugu halok herakfisogoin nogo? Hat he, hemi inendawinggen lek mene nen agarek hangge egen o,” iluk yagatikhe. A'nogo yagatikhesik, at Ayub oba a'nogo agaikhe andi nen, ”An Allah nabit,” iluk ambe ba nen weak mene ekhe wulabi waga lagaikhe mondok lek.

AYUB 6:25

Afuni inane weinam pikhithogo ugu halok andi re inendawimo ogo sakho ili'lago, oba nen he, hiren hinane ikhi lagep mene andoma re ebe ti faget ikhi lago iluk mel tukhumsek legengge, we hesanggeat ikhi lagep!

AYUB 16:3

Ki sambul hineranen wene nek yaganeti lagep mene andi pal fogoin nogo? Nenamene nen hinendawinggen nunggu nen onggo yaganetu mondok welagep?