AYUB 42:8 - Allah Wene Fano Wene Hupla Inane

⁸ Andi nen he, yogondak wam sapi ai mene 7 nen inom, nen domba ai mene 7 nenat wanimbik he, Ayub oba we'no o. Wasimbik he, hit faget wam mondogat andi warogo an nolne'no o. Nolnetunem, Ayub en samban hit faget nayonggo fugunem, at ane nesanggo holigin o. Hiren he, An namingmingengge Ayub en An faget higithogo ikhe andi hak igi'lek, herakfisegepsik weak mene egep andi nen, wene hinoba fuluk hinenggali wasugun meneat he, An nen wene hinoba figi'lek herakhinobagagin o,” iluk yagatikhe.

AYUB 42:8 Referans Kwoze

BILANGAN 23:1

A'nogo yerisasikhesik, at Balak mel yagatikhe: ”O yoma an nen wam warogo noligin oba ekhe obuluk 7 nen halok wusimbik he, wam sapi ai mene ebe 7 nen inom, domba ai mene ebe 7 nenat, fologo fein o,” iluk yagatikhe.

YAKOBUS 5:16

A'nogo hilingisigin andi nen, hit ekhe hinoba ou mene se asubagaigen he, weak hilingitep mene hit-hit fageti logolik samban ikhi logoino o. It afuni Allah endawimo amolo anggikherek mene higithogo hilingitarek mene nen samban eberogoat ninghogo ugun andi, omame hokho were'ma re, Allah nen hilinghinabigin werego.

1 TAWARIKH 15:26

Lagaukwasik he, it Lewi inaben Peti Wene warek a'nogo fanorogo pialuk wagunem Allah nen leberisasikhemo wagaukwasik he Allah obaget wam sapi ai mene sabiren inom, domba ai mene ebe sabiren inom warogo noletukwa.

MAZMUR 103:10

Aren he nit ninaweak werek mene higithogo wene ninoba fikherek lek, Athe niren kwanirogo hilingitorek mene ambisangma higithogo ninoba fikherek legat.

AYUB 22:30

Haren weak hilingiti'lek welagik, At anggikherek mene nek higithogo hilingitik, ikhi logogin halok he, At Allah nen elok lebethiikhi logogin o,” iluk yagatikhe.

YEHEZKIEL 14:14

It ekhe Nuh inom, Daniel inom, Ayub inom, omanogo o andoma inanggele'ma logoilepma nen ogore, it inebe henagan andem en fano hilingiti lagoilepma re, we it inonggwaregat ineluk faget inili helelebo. Iluk An Tuhan Lego Mondok welagirek mene a'nogo nen nane mondogat igi.

KEJADIAN 20:17

Wene hun Abraham agwe Sara faget hilinglagaikhe a'nogo oba re, Tuhan nen it hemi hun Abimelekh awi istana ba welagaukwa mene omanogo mondogat abili mene hilingfisasikhe mene andi faget, Abraham en Allah ayonggo fesikhemo, Allah nen Abimelekh ebe fanot figik, agwe inom, it hemi amingmingengge omanogo inom fanot fisasikhemo, inomalik taginabik lagaukwa.

YAKOBUS 5:14

Hit ekhe hinoba ou aga halok he, samban igik, ninoe Enupogot enu hombuk palogo enggen amusu hinoba kweisalhik, uageluk it ap Allah againafuri kwelaginarek welagaikharek mene inayonggo fikhi logoino o.

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.

AYUB 42:9

A'nogo yagatikhemo, it Elifas aiba Teman mene a'nogo inom, Bildad aiba Zua mene a'nogo inom, Zofar aiba Naama mene a'nogo inom, Tuhan nen he, Yi'nogo hilingi'no, iluk yagaisasikhe andi hagat hilingitukwama, Ayub en it faget samban nineisena Tuhan ayonggo fesikhe mene ane esanggo holhikhe.

BILANGAN 23:29

A'nogo waluk lagasikhemo, at Bileam en Balak mel yagatikhe: ”Yoma wam warogo Allah nolesugun oba obuluk 7 nen ekhe wutfembik, wam sapi ai mene 7 nen, domba ai mene 7 nenat fologo fein o,” iluk yagatikhe.

WAHYU 3:9

Yethani! It afuni Iblis againafuri andogotarek mene inebe Yahudi mene lek meneat he, ineranenat, nit ninebe Yahudi mene, iluk agarek mene andi, hit hinawe a'ma kwi we'luk, an hit nendawinggen hundik welagirek andi inelu asuageluk, it inebe hit hinoba fisa wesigin o, iluk eberogoat yagahisigi.

1 YOHANES 5:16

It afuni ekhe weak mondok hilingitaresik he, inobabut oba inebe mondok-mondok wa'lasugun mene werek andi faget, hiren Allah ayonggo fogoin, iluk yagahisigi lego. Athe, inobabut higithogo hilingisu mene werek kwelegat he, kwanirogo weak hilingitarek andi mondogat enu weak meneat he, it ekhe nen weak hilingitunem inobabut oba inebe mondok-mondok wa'lasugun lek mene hilingitarek mene weregaro. Mene re, hit Allah againafuri mene hinerugwi hinagaila'lak ekhe weak hilingitunem obabut oba ebe mondok-mondok wa'lasugun lek mene hilingite halok, at faget Allah ayonggo foumo, aren nabulal-habulal ebe mene wogosigin werego.

1 YOHANES 5:6

At Yesus Kristus kweangma pi wagaikhesik were'ma ima nek pelafukwa fuk. Ima pelafik, amep wulagaisogo watik, isukwa. A'nogo hilingitukwa iluk, at Allah Areagun nen wene eberogoat enek yaganisikherek mene a'nogo nen fakhogo yaganisikho welagarego.

YEHEZKIEL 45:23

Inenggi ebeti logolik logogun oba linggene sabiren andem logolik he inenggi ebe lombok oba re at andi nen Tuhan obaget sapi ai mene tujuh nen inom domba ai mene tujuh nen inom agambut palek lek mene nek warogo fuluk, ebe abirengge noleti logogin. Linggene hundik-hundik he aren kambing ai mene misik ekhe inaweak legaphogo fugu mene faget warogo fikhi logoginat.

AYUB 1:5

A'nogo hilingitunem, ap Ayub endawimo nen he, ”An nagainafuri a'nogo hilingiti logolik, ineranen hilingiti'lek meneat he, ekhe weak hilingitasik Allah enu weagetfaga he a,” iluk endawimo anggikhi lagaikhe andi nen he, againafuri pesta a'nogo hilingiti lagaukwa mene omanogo ebe lombok faget, mondogat hilingitu halok he, Ayub ebe huberat siakhogo, it weak hilingitu mene andi nineisena Tuhan nen sebelogo leget fisoageluk, inebe lombok faget wam Allah warogo noleti lagaikhe.

2 TAWARIKH 29:21

A'nogo laga logolik a'nogo re, iren he wam it raja eisok erokwe mene inom it afuni Yehuda mene mondogat inaweak legaphogo fouwageluk mene faget inom, Tuhan Awi a'nogo mondok enogo fugu mene faget iluk inom, he wam sapi ai mene ebe 7 nen inom domba ai mene 7 nenat inom, domba eagwi mene 7 nen inom kambing ai mene 7 nen inom, waluk lagaukwa. Waluk lagaukwasik he it imam omanogo inoba raja nen he wam omanogo warogo nolengge nolhuba mezbah wuri'mo omanogo noluageluk miming inafikhe.

1 SAMUEL 25:35

A'nogo hilingitukwasik at Daud he Abigail en woginarek wagaikhe mene omanogo helasikhesik he, at ebeba yagati logolik he, ”Haren hilingnobagain egen mene andi re, an arat wanhimo re, hendawimo weak agi'lek haiba hambotkwe lano o,” iluk yagatikhe.

BILANGAN 23:14

A'nogo yagatikhesik, at Balak en Bileam waluk he, Tom uan mene enu Pisga andiba lagasikhesik, o leimo afuni le'ma enu Zofim leimo lagaikhesik he, aren anggo warogo Allah nolesugun oba obuluk 7 nen wutikhesik he, ebe lombok amboloba re, wam sapi ai mene misik inom, nen domba ai mene misigat inom, emberek wuthogo warogo nolik lagaikhe.

KELUARAN 18:12

A'nogo isikhesik he, at Yitro nen Allah obaget fugu mene iluk inom, warogo noletu mene iluk inom, wam miren mene hakhogo waluk wagaikhe. A'nogo waluk wagaikhemo re, it Harun inom Israel mene inogogwi kaindek lenggalinafarek mene omanogo inom, at Yitro ebe inom at he, Allah ebe weinam agarek oba elokhoma omanogo wagaukwasik inom seberogo nasukwa.

2 TIMOTIUS 4:14

Nen, at Aleksander tembaga mene posie hak hilingiterek mene a'nogo nen, an hokhorogoat weagetnafemo welagi. Mene re, at ninoe Enupogoren at hilingite andi higithogoat wene oba fagain werego.

YEREMIA 15:1

Tuhan nen an noba ikhi logolik, ”Musa inom Samuel inom ya mendek logolik afuni yi faget hendawirinabin iluk kino yaganesumo mene ogore it inunggulenu yi mene ari An nen nendawirinabu lek hago. An he it kwelagisa re mondok nabit nabi'lagonggere, unggulenu ari mene re hela loakhogo yagaisan o!

YEREMIA 14:11

Tuhan ane an noba ikhi logolik, ”An nen ap andoma leberisoageluk An noba yaganetun o.

YESAYA 60:14

Afuni hat sebelogo hobagaikhi lagaukwa mene inagainafuri re ineindep awi yagaisogo sagam esi wesugun, it inane weak hat hoba fikhi lagaikha mene omanogore sebe i wesimbik iren ikhi logolik, ”Hat he kota Tuhan mene o, igik, athe Sion, Israel mene ineisena Allah, Mondok Horek mene a'nogo aiba o, igik,” ikhi logogun.

IBRANI 7:25

A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

EFESUS 1:6

At obabut fano nen amlogo endawinggen tulem mene endawi agi'legat wo'nisasikhe andi faget, niren he, ”Egi. Nailo e,” iluk, fogerati logouwogo.

KEJADIAN 20:7

Andi nen, he ari agun he Nawene yagaisili'logo mene hilingi'mo hat hebe wa'lagen hanogoluk aren samban hobaget igin enggere, yogondak he ari onggwarek wogom o. Hat hendawinggen wenggelhan! Haren, he ari agun onggwarek wogosigin lek halok he, hat hebe inom, hat hamlogomi tegelhabi'lagwi mene inom mondogat wa'lasugun,” iluk yagatikhe.

AYUB 1:8

A'nogo yagatikhemo, At Tuhan nen heinok wokhikhi logolik he; An namingmingengge Ayub he futfegen a, lega? ”Afuni o kweangma yi awi ti awi welagaikharek mene inobabut he, an namingmingengge Ayub ebe An Nebe endawirogo logolik noba lombokhogo werek andi hak he ekhe werek lek. At andi re An nobaget fogetnafu logolik weak endephogo iluk ogo ekhe hilingiterek mondok lek.

AYUB 35:8

We hat haweagen he it agaila'lak hinom welagep mene omanogo weaget fisikhi lagen, nen haren fano hilingiti lagen halok he it inoba fano mene leberisikhi lagen.