AYUB 42:16 - Allah Wene Fano Wene Hupla Inane

¹⁶ A'nogo hilinglagaikhesik oba nen, at Ayub ebe 140 tahun hobuk fano logolik, againafuri, inagainafuri ombalak inebe inom, it inagainafuri inom, eilenggen higit isasikhe.

AYUB 42:16 Referans Kwoze

AMSAL 17:6

Ap mondok yaman agaikharek mene nen he inagainafuri ta'larik lagaikharek mene inoba inagaiyek welagaikharek, nen inagainafuri inagaiyek he ineisugwi inoba werek.

MAZMUR 128:6

Hat hebe umur uanhogo logolik, hat hombawi heilenggen isikhi logogin logouwak! Allah againafuri mene andoma inebeba mondogat he fanorogo nek logouwak!

KEJADIAN 50:23

At Yusuf ebe eluk logolik he, ap Efraim en tagongge mene ombalak higit eilenggen isigik, ap Manasye nen tagongge mene ombalak ap Makhir againafuri at Yusuf onggwarek againafuri hangge higit ferinarek welagik, isikhe.

KEJADIAN 50:26

A'nogo waretukwama, at Yusuf ebe umur 110 tahun oba o Mesir en wa'lagaikhe. A'nogo wa'lagaikhemo ebe warek he, fili agi'lek logouwageluk amusu warogo peti afuni warek fisagarek meneba elonggoma fesukwa.

KEJADIAN 47:28

At Yakub ebe o Mesir lagaikhesik he, 17 tahun andoma welagaikhesik, attak welagaikhe mene inom lambulogo re, umur 147 tahun hilinglagaikhe.

KEJADIAN 25:7

Abraham ebe mondogat yaman agaikhesik umur 175 tahun hilinglagaikhemo nen wa'lagaikhe. At ombawi hokhorogo welagaukwa mene omanogo nen sali lagaukwa.

YOSUA 24:29

Hobuk, at Nun amlogo Yosua nineisena Tuhan amingmingengge a'nogo ebe umur 110 tahun welagaikhesigen wa'lagaikhe.

MAZMUR 90:10

Nit ninebe umur he we, 70 tahun huli nek welagorek. Mene re, ninomame werek halok enek he, 80 tahun huliba asi lagorek. A'nogo meneat he ninebe a'nogo nineluk logolik he yi enggin ti enggin hikhi logolik mondok welago. Nen ninebe umur endebat a'nogo wela'luk arat lek agorek andi.

ULANGAN 34:7

Musa ebe re umur 120 tahun oba were'ma wa'lagaikhe. Ebe omame lek agik, eilenggen mum agik, igi'le'ma wa'lagaikhe andi.

KEJADIAN 35:28

Hun Ishak ebe mondogat yaman agaikhesik umur 180 tahun agaikhesik wa'lagaikhemo at againafuri Esau inom Yakub inom aremnogo nen salfesukwa.

KEJADIAN 11:32

Andoma logolik, at Terah ebe umur 205 tahun agaikhesik, o andoma nen wa'lagaikhe.

AYUB 42:15

O ekhema-ekhema mondogat at Ayub a'logomi inebe henagan fano mondok andem hangge ekhe mondok lek. At Ayub en a'logomi andem yagaisikhi logolik, ”Hobuk an nebe wa'lagi halok, naminingengge re hinerugwi hinom fanorogo sumbura'no o,” iluk yagaisasikhe.

AYUB 42:17

At Ayub ebe umur a'nogo uanat welagaikhesik, ebe arat yaman agaikhesigen wa'lagaikhe.