AYUB 42:12 - Allah Wene Fano Wene Hupla Inane

¹² Attak at Ayub weak oba agi'lek logolik fano welagaikhe meneat he, andi endebat elo'lek hangge, nen weak a'nogo oba agaikhesik oba nen Tuhan nen mondok fanot fesikhemo hobuk fano mondok welagaikhe. A'nogo fanot fesikhemo, hobuk anggo kambing, domba 14.000, nen unta 6.000, nen sapi 2.000, nen keledai 1.000 nen wogotikhemo eise agaikhe.

AYUB 42:12 Referans Kwoze

AYUB 8:7

Hat hangge yi mene ti mene mondogat lek agangge andoma re, hobuk helagain oba nen he inom higitsek lek we maben hak hilingik.

PENGKHOTBAH 7:8

Wene attak-attak agarek mene andi re weak hak oba nen, hobuk agarek mene andi nek he mondok fano. Leget fakhagarek andi re weak oba nen sebelfakhagarek andi nek he mondok fano.

AMSAL 10:22

Tuhan nen fanot fisugunem afuni inenggi werek mene hilinglagaikharek, yabu inomamerogo hilingisugun andiba inangge ekhe inom hilinglasumo re, elo'lek.

KEJADIAN 24:35

Neisena Tuhan nen he, an noe andi mondok fanotfigik, ebe mondok kainet figik, angge yi mene ti mene mondok hokhorogo hilingisogo figik, ikhemo. Nineisena Tuhan nen wogete mene re, wam domba inom, kambing inom, sapi inom, unta inom, keledai inom, uang perak mene inom, emas mene inom, afuni at amingmingengge logouwageluk ap inom, hemi inom, wogetikhemo werego.

AYUB 1:3

Nen, at amingmingengge inebe mondok hokhorogo welagaukwa. Anggo ogore, domba 7.000, nen unta re, 3.000, nen sapi re, 1.000, nen keledai re 500 nen welagaikhe. A'nogo welagaikhe andi nen, afuni o mo ero fikhit andoma welagaukwa mene inangge endebat hangge meneat he, at Ayub andi nek he, mondok kain eilmo wulalhak welagaikhe.

1 TIMOTIUS 6:17

Yi mene ti mene mondogat lek asigin meneat he, it ap kaindek inenuwerek mene andi inendawimo nen fogerakhikhi logolik, ”Nagarek kweangma mene yoma mondok hokhorogo yi nen nebe fano logogin,” iluk, anggikhi logoinogo. Athe, at Allah nen yi mene ti mene mondogat ninendawimo agaiyekhogo helikhi logouwageluk hokhorogo wo'nisikherek a'nogo nenat fanotninabigin iluk futfikhi logouwagen komorinafi logoino.

MAZMUR 107:38

At Tuhan nen, it inagainafuri hokhorogo wogisikhi lagaikhe. Inanggo lek agi'lek logouwageluk, eagwi sik-pikhogo wogisikhi lagaikhe.

ULANGAN 8:16

O leimo afuni le'ma yoma nen sumburu manna hit hinombalak ineilenggen higi'lek inonggot mene hit noagaluk wokhisilik waga laga andi. A'nogo hilinghinabik waga laga andi re, wurep oba fanot fanothinabigiluk hinobabut palhik, hinendawinggen sebelfakhaluk hilingiti logouwageluk hilingirik waga laga andi.

YAKOBUS 5:11

Weagerinafu kwelek, inafe morogo welagaukwa andi nen, niren inabok fano ikhi logolik, ”It fano agaikhasik inendawimo inagaiyek anggili'lagwi,” iluk ogorek andi. At Ayub endawinggen abolok igi'lek afe morogo welagaikheba, nineisena Enupogot obabut fano logolik hokhorogo endawirinaferek mene a'nogo nen wurep oba fanot fesikhe andi abok hinesanggo holhi lagebaro.

AYUB 1:10

At ebe inom, againafuri inom angge yi mene ti mene inom Haren ferinarek mondok logolik, at eabu yi yabu ti yabu hilingitunem fanotfigik, anggo hokhorogo wogetik, ugunem at anggo o andoma ekhema-ekhema mondok hokhorogo hilinglarik lili'lago andi.

YEHEZKIEL 36:11

Afuni inom, hinanggo inom, An nen ekhe inom oba loukhogo wokhisugunem, attak he maben hak welaga oba nen he, mondok hokho-pokhorogo sik pik ugun, nen iren he, inagainafuri inom, inombawi inom, hokhorogo taginabugun. It inebe re o andoma attak welagaukwa hakhogo were'ma An nen sik pikhogo ekhe hikhi lagaukwa lek mene hilingfisagain. Andiba re, iren An Tuhan welagirek mene a'nogo inelu asugun.

AYUB 1:2

At againafuri ap inebe 7 nen helime inebe 3 nen welagaukwa.