AYUB 42:10 - Allah Wene Fano Wene Hupla Inane

¹⁰ At Ayub en agaila'lak inebe henagan aremnogo faget samban Allah yagatikhemo, hobuk Tuhan nen at Ayub ebe ambotkwe eilmo wulalhak hilingisogo fikhi logolik, angge yi mene ti mene mondogat attak welagaikhe mene lek agaikhe mene omanogo obulu'mo ebe higithogo wogetikhesik he, hobuk ekhe inom enggi pireba hakhogo oba loukhogo wogetikheat.

AYUB 42:10 Referans Kwoze

ULANGAN 30:3

nineisena Tuhan Allah nen endawithinabigin o. A'nogo endawithinabimbik, o hinebe pugulogo afuni inunggulenu hunogoat mene inanggele'ma lakhinobagagin oba andoma nen hinambotkwe hinobagai wesimbik he, attagat fano logogun andi hak logouwagaluk hilinghinabigin o.

YESAYA 40:2

Ap Yerusalem mene re inendawinggen hambukhogo logouwago, sebelhinarek mene a'nogo arat wurep kobok ikhe o. Kwanirek mene iren hilingiri'lagwi mene omanogo re An nen mondogat leget figi o, iluk ikhe yagaisano. Nen it weak inoba fili'lagwi mene andoma inoba re An nen unggum altap pireba wogisigi o” iluk ikhe.

YESAYA 61:7

It afuni ekhe nen hinenggi pireba hobugalep hinenggali watik, hinenu weak hilingisogo hinobagagik, inendawimo seramet hinobagagik, isukwama nong agagip mene andi obali'mo re, hinaiba yi mene ti mene eise asugun mene andi, hinenggi altap pireba eise aga logolik, hinendawimo hinagaiyegetu mondok logogun o.

AMSAL 22:4

It afuni ekhe inobabut sebela'luk Tuhan inailorogo logolik hilingitarek mene andi re hobuk inangge hokhorogo hilinglagik, it afuni ekhe nen agaugwerinafik, inebe fano ineluk welagik, ugun o.

MAZMUR 14:7

Nineisena Allah o Sion we'luk, At againafuri Israel mene telinabi waga logouwago. At Tuhan nenat, afuni Yakub en tagongge mene it attak fano welagaukwa hak hobuk inebe fanorinafunem, inendawimo nen mondok inagaiyek asugun o.

MAZMUR 126:1

Allah awi wuri'mo lagakhi logolik wuni watukwa mene. At Tuhan nen o Yerusalem a'nogo ambotkwe fanot fesikhemo, niren kwelakhasugu re inabi wokhugu mene hak hilingi'mo hasugu.

AYUB 1:3

Nen, at amingmingengge inebe mondok hokhorogo welagaukwa. Anggo ogore, domba 7.000, nen unta re, 3.000, nen sapi re, 1.000, nen keledai re 500 nen welagaikhe. A'nogo welagaikhe andi nen, afuni o mo ero fikhit andoma welagaukwa mene inangge endebat hangge meneat he, at Ayub andi nek he, mondok kain eilmo wulalhak welagaikhe.

HAGAI 2:8

Emas inom perak inom o kweangma welagarek mene andoma mondogat he An mene nek.

ULANGAN 9:20

At nineisena Tuhan nen a'mage Harun oba fesikhesik, ebe mondok wasigiluk isikhe meneat he, an nen at faget samban isigiat andi.

BILANGAN 12:13

A'nogo yagatikhemo Musa nen Tuhan oba yagati logolik, ”Neisena Allah at ebe Haren fano hilingisino,” iluk yagatikhe.

BILANGAN 12:2

”Allah nen Musa nek wene yagatunem afuni yagaisasikhe nogo? Nit yaganisasikhemo yagaisasuguat anggigi,” iluk isukwama, wene isukwa mene andi At Tuhan esanggo holhikhe.

KISAH PARA RASUL 7:60

A'nogo ikhi logolik, eindep awi yagaisogo hu'lagaikhe. Hu'lagaikhesik, ane hokhorogoat he, mel isikhe: ”Noe. Ap an weagetnafa mene yoma, wene inoba fugun o,” iluk yagatikhesik ebe arat wa'lagaikhe.

2 TAWARIKH 25:9

A'nogo yagatikhemo re at Amazia nen heinok wokhikhi logolik he, ”An nen perak it wogisigi mene andoma re ninggin lasigin?” iluk heinok wokhasikhemo re at nabi a'nogo nen onggo yagati logolik he, ”Haren it wogisegen mene andem he we endep harek oba nen he, At Tuhan nen ekhe inom seberogoat honggwarek wokhesu hak,” iluk yagatikhe.

LUKAS 16:27

A'nogo yagatikhemo, at ap kain enggi werek mene a'nogo nen he, mel yagatikhe: Halok he, neisena e! An naiba andoma noe nagot inebe 5 nen werek andi re, heinet watare'ma yoma wesinogo nen he, at Lazarus ari yonggo yagaisa loageluk yagaheti lagi o, neisena, iluk yagatikhemo re,

1 SAMUEL 2:7

Nen, Haren, afuni inenggi lek hilingisogo fisigik, nen inenggi werek hilingisogo fisigik, egendego. nen, it ekhe sebelfisigik, ekhe legetfisigik, egendegaro.

ULANGAN 8:18

We, nineisena Tuhan Allah nen yi mene ti mene yoma wo'nisili'lago higi, iluk hinendawimo eberek logogun o. Aren ninombalak yagaisikhi logolik, an nen hit yi'nogo hilinghinafi logogin, iluk wene warisasikhe andi nen, a'nogo hilinghinafu mondok huli yogondak hinoba eberek mondok werek andi.

KEJADIAN 20:17

Wene hun Abraham agwe Sara faget hilinglagaikhe a'nogo oba re, Tuhan nen it hemi hun Abimelekh awi istana ba welagaukwa mene omanogo mondogat abili mene hilingfisasikhe mene andi faget, Abraham en Allah ayonggo fesikhemo, Allah nen Abimelekh ebe fanot figik, agwe inom, it hemi amingmingengge omanogo inom fanot fisasikhemo, inomalik taginabik lagaukwa.

BILANGAN 14:10

A'nogo yagaisasukwama, it afuni omanogo ina'makwe het perisukwasik, helep oba tung-tanghogo inebe mondok pinggi inoasuogeluk isukwa. A'nogo isukwa meneat he, aremnogoat Tuhan ombak-bak fogeratarek mene o At awi su mene wuri'mo tum oba weinam agaikhesik yararet hasikhemo, it afuni omanogo ineilenggen yethasukwasik he, kamo isukwa.

MAZMUR 53:6

It afuni weak enek hilingitarek mene andi re, it inoba inailot fisugu mene lek kwelek oba nen, iren inailo nek aga logogun, At Allah nen he, it afuni hit haningisogo kwelakhinabi weri'lagwi mene andoma nabit iluk obogerisambik, it inoak lolo omanogo telfol isugunem he, hiren it elok mabenet fisikhi logogun.

YAKOBUS 5:11

Weagerinafu kwelek, inafe morogo welagaukwa andi nen, niren inabok fano ikhi logolik, ”It fano agaikhasik inendawimo inagaiyek anggili'lagwi,” iluk ogorek andi. At Ayub endawinggen abolok igi'lek afe morogo welagaikheba, nineisena Enupogot obabut fano logolik hokhorogo endawirinaferek mene a'nogo nen wurep oba fanot fesikhe andi abok hinesanggo holhi lagebaro.

1 SAMUEL 2:8

Afuni inangge lek mene mondok weak were'ma woginafik, hele warek hangge weak welagaikharek mene andi fikhalogo inenu werek mene inom fano hilingisogo fisigik, agaugwerinafi logouwageluk ineabu fano mene wogisigik, egendek. Kweang helage tik warek he, nineisena Tuhan mene andi nen he, kweang hat mene andiba loukhogo walhasiginmo welagarek.

AYUB 1:2

At againafuri ap inebe 7 nen helime inebe 3 nen welagaukwa.

AYUB 42:9

A'nogo yagatikhemo, it Elifas aiba Teman mene a'nogo inom, Bildad aiba Zua mene a'nogo inom, Zofar aiba Naama mene a'nogo inom, Tuhan nen he, Yi'nogo hilingi'no, iluk yagaisasikhe andi hagat hilingitukwama, Ayub en it faget samban nineisena Tuhan ayonggo fesikhe mene ane esanggo holhikhe.