AYUB 41:11 - Allah Wene Fano Wene Hupla Inane

¹¹ Afuni ekhe nen at ebe wasuogeluk ugunem, aren aigen libilinafi'lek kamo u hak nogo? Mondok elo'lego. A'nogo hilingiterek andi nen, afuni kweangma mene mondogaren at ebe fakfou re, elo'lego.

AYUB 41:11 Referans Kwoze

ROMA 11:35

Nen, sa nen yi mene ti mene at woge'luk, Onggo wo'nom, iluk yagasugun nogo?” iluk isukwama lisu palek werek andi.

MAZMUR 24:1

Kweang inom, yi mene ti mene mondogat oba welagorek mene inom, eisewerek ebere, nineisena Tuhan Allah amu welagarek.

AYUB 35:7

Nen, haren fano hilingituba mene ogore At Allah haren lebethegen mene ekhe werek lek, ibi-eberogo nen, At Allah re, haren lebetha mene ekhe werek lek.

MAZMUR 50:12

Kweang inom nen kweang elonggoma kwalek werek mene oma inom he, An meneat hilingi'mo re, An nendawimo nele agu halok he, An ti mene nele, iluk hit hinoba yagahisamo re elo'lego.

ULANGAN 10:14

Pogot abel ambolkwe welagarek andi nineisena Tuhan Allah mene aro. Nen kweang ebe inom, yi mene ti mene oba welagarek mene mondogat inom, At meneat werek.

KELUARAN 19:5

Hit yogondak an nane hologo wene wathisasigi mene andi higithogo hilingitep halok he, hit he, an nagainafuri hinale'ma kenghogo wokhinabigin o. Afuni kweangma mene mondogat he, inebe an mene. Meneat he, hirenek he, hinebe an nendawinggen hundik mene hilinglasimbik

1 KORINTUS 10:28

A'nogo meneat he, it ekhe nen he: ”Yi tugwi kembu anggo wata mene kurik,” iluk yagahisugu halok he, at yagahisikhe mene andi ebe faget, endawinggen faget, nagubo.

MAZMUR 115:16

Pogot andi ebe eisewerek he nineisena Tuhan onggwarek welagarek. Meneat he kweang enek he, nit afuni eiserogo logouwageluk wo'nisasikhe.

MAZMUR 21:3

Haren enek at endawimo anggili'lago mene omanogo higithogo hilingfigik, nen we nena mene kino ugu mene omanogo wogetik, ikhi lagen.

AYUB 9:5

Afuni inonggot werek kwelek At Allah nen enek o tom oma hambokhogo ale'ma fei laluk, a'mageba enden-fenden isikherek.

AYUB 26:6

At Allah eilhanem he it afuni wa'laluk lagaikharek oba andoma re kwe hurik werek. Inebe leget fisikherek oba andoma ogo re kwe yagarek legat.

AYUB 28:24

Nen At Allah re o kweangma unggut-unggut andoma eil werek, yi mene ti mene pogot a'ma werek mene omare eil peneti logolik werek.

AYUB 34:33

Haren At Allah nen hilingitu mene a'nogo faget eberogo anggugu lek kwelek he, At Allah nen haren yagati lagen mene andi hane holu lek hak anggikhi lagen a? Yogondak he we haren enek tekhogo in o, nen an nen fuk. Hat hendawimo anggegen mene andiat in o!

AYUB 41:12

An nen at buaya hangge enu Lewiatan andi ebe tiginik, enggi eisok tiginik, iluk pilingisogo yagahesigin. At ebe fano mondok mene re, omame mondok hokho werek.