AYUB 4:3 - Allah Wene Fano Wene Hupla Inane

³ Haren afuni inebe hokhorogoat wene yagaisigik, inomame lek mene inomame asuagaluk leberisigik, ikhi lagen anggigi.

AYUB 4:3 Referans Kwoze

YESAYA 35:3

Hineggi omame lek mene re hambuget hani, nen eisok leigeti lagep mene re wuriget feni.

IBRANI 12:12

Andi nen he, hinenggi omame lek mene omamet figik, hineindep abolok ili'logo mene hambuget figik, ino o.

LUKAS 22:32

hat hendawinggen noba himbiret fuluk welagen mene andi maben asinogo iluk he, hat faget an Allah ayonggo arat figimo o. Hafe hebelagen halok he, hagaila'lak yoma haren inendawinggen ago watfisikhi logoino,” iluk yagatikhe.

AMSAL 10:21

Ap fano mene nen inane agarek mene andoma re afuni hokhorogo fanot fisugu mene faget agarek, ap kembu mene nen lugulugwi kanggorogo nek matarek mene andoma re inonggwarek inebeat waragarek.

AYUB 16:5

Nawene komo mene yi'nogo ino, ti'nogo ino, iluk yagahisuguba re hit hinendawimo hambuget hinobagagik, hinendawimo konogo hilinghinobagagik, hilingiti logoile aro.

EFESUS 4:29

Weneane uogeluk halok he, weak mene ikhi logogubo. Wene fano mene ugunem it ekhe inendawinggen oan mene inesanggo holugun mene andi Allah nen fanorinafunem, inendawinggen wurik asuageluk, wene fano mene nek ikhi logoino o.

LUKAS 22:43

[it malaikat Allah nen yonggo lakfisikherek mene ekhe pogoroba nen oba pi wagaikhesik he, endawinggen ago watfesikhe.

ULANGAN 3:28

O hat heilenggen yethagain oba andoma sebeli kuagen he at Yosua nen woginarek kwi lagain enggere, yi'nogo ti'nogo hilingiti logogin iluk at oba fifurogo yanggul figik, endawinggen hambuget figik, hilingi'no,’ iluk yaganetikhe.

YEHEZKIEL 13:22

Ap fano hilingitarek mene omanogore An nen inendawimo ou asu mene ekhe hilinginafi lagi lek oba nen hiren lalinafi lagep oba inendawinggen lebeleget fisikhi lagep. Nen ap weak hiligiri'lagwi mene re inendawimo hokhorogo ekhe inom weak hilingiti logouwak nen it inagap telasugun hanogo iluk hilinginafi lagep.

YESAYA 50:4

Tuhan Lego Mondok welagarek mene a'nogo nen an nane ugunem, ap inoba lebelekhogo welagaikharek mene inomamet fisikhi logouwageluk yanggulnafe. O hubet hundik-handik he, Aren an yaganetu mene omanogo nagaiyekhogo holfuluk, an nendawimo hilingiti logou mene nek hilingnobagauwageluk nomame kwelaknobagali'logo.

AMSAL 16:21

Ap hebelek mene re ungguloak kagalek andiba afuni inelu agarek, ane ugunem he inendawimo waluk at ane ikherek mene faget eberogo iluk fut fagarek.

AMSAL 15:7

Ap inendawinggen kagalek mene nen komorinafunem he yi wene ti wene inelu mondok agarek, meneat he, it inobabut kembu mene nen a'nogo ekhe wenggelharek lek.

KEJADIAN 18:19

Aren he, nagainafuri inom, aren tagongge mene inom, an nen wene it warisigi mene a'nogo fisogo logolik higithogo hilingiti logouwageluk komorinafi logouwageluk wenagaisogo menfigi anggigi. Iren a'nogo mondogat hilingisugun halok, An nen Abraham wene wareti mene andi ebe mondok wogisagain o,” iluk anggasikhe.

KOLOSE 4:6

Hinane yi mene ti mene faget it ekhe yagaisikhi logolik, yi mene ti mene mayu folhunem enduk fano agarek hak: ”Wene andi fano o,” iluk wanuageluk, hinane liokhogo yagaisikhi logoino o. A'nogo yagaisugunem, it hinoba heinok wanhunem, wene onggo inebe lombok yagaisobagaigen, hinelurogo logoino o.

EZRA 6:22

Pesta andi hilingiti logolik andi re, Allah nen afuni Asyur mene inoe raja a'nogo endawimo kagalhikhemo, at obabut fano nen afuni Israel mene ineisena Tuhan Allah Awi a'nogo wusuageluk leberisasikhe andi nen, it inendawimo inagaiyegetu inenggi 7 hari logolik Linggene Sumburu Roti fiterek mene inom werago legengge nunggu welagaukwa.

AYUB 4:4

Afuni inomame lega'luk were'ma hat hane ugunem he elok inomamet fisigik, nen ineindep omame lek mene re haren elok inomamet fisigik egendek andi.

AYUB 29:11

Afuni nen an nobaget ugunem holhaluk he nenu ugu aple inambe sop-sop aga lagaikhe, nen iren an ineil nealuk he an nen hilingiti lagi mene faget he fogetnafi lagaukwa.

AYUB 29:15

It ap ineil puk mene faget he an he it ineil hakhogo aga lagagi, nen it ap ineisok weak mene faget he an he it ineisok hakhogo aga lagagiat.

AYUB 29:16

It ap inenggi lek mene faget he an nen it ineisena hakhogo aga lagagi, nen it ap pok mene faget he an it inalong palengge aga lagagi.

AYUB 29:21

An nen komo wene yagaisugunem he afuni mondogat inane legengge alokhogo welagaukwa. Nen wene yagaisugunem omanogo inesanggo fanorogo holfikhi lagaukwa.

ZEFANYA 3:16

Inenggi ekhe asi wesigin sambul he hobuk it afuni nen ikhi logolik, ”Yago, hit Yerusalem mene yi, hinendawimo youk uluk hinailosu fugo.