AYUB 39:12 - Allah Wene Fano Wene Hupla Inane

¹² Nen, haren he, yi mene ti mene yakfegen mene enggen palek waluk we'luk, e enggen sagalogo folhendek oba andoma aren andogorogo hobagauwagaluk enggiba fouhak nogo? Elo'lego.

AYUB 39:12 Referans Kwoze

MATIUS 13:30

Gandum enggen oan palhi'le'ma re, inom a'nogo mangorogo lagakhi logouwago. Nen, enggen palugun higit aga halok he, an nen it ap enggen palharek mene yagaisikhi logolik: Engga weak mene andi endu nolfisouwogen he, andi tak henegeisogo hele homagaisogo fembigen, fano mene andi andogorogo figirek oba andoma feni o,” iluk yagaisagain, iluk amingmingengge mene omanogo yagaisasikhe,” iluk Yesus nen yagaisasikhe.

MATIUS 3:2

”Kain pogoroba mene awe a'ma hinobagagin oba a'nogo yogondak arat horok asi waga. Halok he, weak hilingiti lagep mene herakfisaluk hinobabut hebela'ni o,” iluk yagaisikhi lagaikhe.

HAGAI 2:19

We gandum enggen werek mene ogore mondogat lek, nen anggur inom ara inom, e delima inom e zaitun inom ogore, enggen oan iti'legat werek. Oba nen o yogondak yiba nen he An nen hit fanoabet hinobagakhi logogin o,” iluk yagaisasikhe.

AMOS 2:13

A'nogo hilingiti lagep andi nen, yogondak he An nen hit al tamdamhogo kweangma pelak hinobagaumo re kereta oto hangge gandum enggen kwelagaisogo laga logolik enggin nen alperelherek hakhogo hilinglasugun.

AMSAL 3:16

Hebelagaikharek mene andi nen he, hebe umur uanhogo logouwageluk inom, henggi werek asuageluk inom, henu werek logouwageluk inom, hilinghobagakhi logogin.

NEHEMIA 13:15

Lingge andem oba an neil isasigi re afuni Yehuda mene nen linggene Sabat a'nogoba afuni fenakwe anggur agai perelhigik keralhi lagaukwa. Nen, it ekhe amu mene nen ogo gandum inom anggur inom anggur enggen inom, e ara enggen inom yi mene ti mene amu mene re it inangge keledai amboloba liak fuluk he o Yerusalem waluk waga lagaukwa. A'nogo hilingitunem isigirik an nen nane menfikhi logolik he, ”O Yerusalem oba yoma hiren onggo palhi logogun lego,” iluk wene palhigi.

AYUB 39:11

Haren he, At omame mondok hokho, iluk anggaluk, heabu enggin weak mene aren hilinghobagauwageluk enggiba fou hak nogo?

AYUB 39:13

At sue ebe hugubi hangge enu unta andi mene ogolabi mondok weak-weagat lambun hikherek. A'nogo meneat he, at sue tawe hangge enu bangau andi mene tarogo nikherek andi emberek walhamo, at sue hugubi hangge andi re elo'lego.