AYUB 38:8 - Allah Wene Fano Wene Hupla Inane

⁸ I laut yenggelek mondogat kweang elema nen wulibisogo yenggelhunem, i ele'lagat oba heilanghogo wulibinogo iluk sa nen sa'lip warogo fesikhe nogo?

AYUB 38:8 Referans Kwoze

KEJADIAN 1:9

Hobuk Allah nen he, mel isikhe: ”I pogot a'ma welagen ari, kweang weinam asimbik logouwagen he, elesi wulagaisogo misi'mo andogosi laga logoino o,” iluk isikhemo, arat hilinglagaikhe.

YEREMIA 5:22

An nebere Tuhan, nenahalok hiren An noba hinailo welagep lek nogo? Eberogo nenat he hiren An nobaget hinoak leigeti logou meneba nen o! An nenat i laut huli warek logouwageluk kar waganogo mondok-mondok faget hilingisogo fesigi. I laut agum founalhik, esinggen lenggalhik, hilingiterek oba nen he huli warek mene andi taganhogo lagaikherek mondok lek.

AMSAL 8:29

isikhesik, i laut yenggelek huli warek mene ambe heilanghogo wulifi logoinogo iluk yagatik, isikhe andi an neilhanem aro. Nen, kweang tik watikhe andi re an nebe werek kwelegat.

MAZMUR 33:7

I laut yenggelek mene andi re misi'mo andogorogo fesikhe, i agum yagamakhogo yenggelek mene andi re Aren helage palogo yagat fesikhemo werek.

AYUB 38:10

I laut yenggelek andi mondogat an nen huli warogo fesigisik, ambe ela'lagat hilingisogo fesigi andi.

AYUB 28:25

Aren sogoi omame wogetik, i laut yenggelek logogin kwe tugeratik ikherek.

AYUB 38:9

An nenat, i laut yenggelek andi ohenaba sebelogo figik, mum weak meneba yinggilogo figik, isigi andi.

MAZMUR 104:6

A'nogo hilingfesigindik he Haren i agumen salogo fesigin, i ebe hetogerik lagokhi logolik tom unggul mondogat salik lagasikhe andi.

AMSAL 30:4

Ap koma mene pogoroba lagagik pigik ikhe mene ekhe werek nogo? Ap andi nen sogoi enggimo yinggilogo wanhe mene werega? Athe asuba i yinggilogo wanhe mene ekhe werega, athe huli-huli o kweangma yoma mondogat filik lagaikhe mene ekhe werega? Ap andi re sa, nen at amlogore sa nogo? Eberogo nen hat he helu welagen!

YESAYA 40:12

Ap sa hagen i laut yagamaksek mene ari enggi agut oba ilirenggerogo walesu hak nogo? Athe pogot honggolek kweang honggolek tulem oma enggi si misik oba walesu hak nogo? Ap sa nen kweang oma enggin walhugu meneba walesu hak nogo? Athe tom inom punu inom obabut palhagarek meneba palu hak nogo?

MAZMUR 107:24

A'nogo laga logolik At Tuhan nen elalin mene i laut oba logouwageluk fesikhe mene andoma iren ineilenggen hikhi lagaukwa.