AYUB 34:5 - Allah Wene Fano Wene Hupla Inane

⁵ At Ayub en ikhi logolik he, ”An noba weak mene ekhe werek lek, oba nen he, At Allah nen an noba katukhogo mene re yi iluk wo'neri'lago lek.

AYUB 34:5 Referans Kwoze

AYUB 33:9

Haren ikhi logolik he, ”An he wene ekhe taganhogo hilingiti lagi le'ma nebe nagap horek welagi. Nen An nen weak mene ekhe hilingiti mene ekhe werek lek, an nebe selekhogo welagi.

AYUB 32:1

At Ayub en an weak hilingiti lek iluk endawinggenma nen eberogo anggikhi lagaikhemo re, it agaila'lak inebe henagan aremnogo nen ogore at ane wurep wanhu aple herafisasukwa.

AYUB 29:14

An nen hilingiti lagagi mene andoma re henarogo hilingiti'legengge mondok higithogo nek hilingiti lagagi, nen wene katokhogo palogo fagarek mene andi re an nen omamerati lagagi.

AYUB 16:17

Oba nen he an nen nobabut kwanirogo ekhe hilingiti lek, andiba re Tuhan oba samban igi mene andi re nendawi fanoba igiri'mo re obabut enek ari'lago.

AYUB 11:4

Haren anggikhi logolik he, an nane igi mene andoma re weak mene ekhe igi lek anggegen a, nen haren he an Allah elokhoma ap mondok fano nagun welagi anggikhi lagen a?

AYUB 10:7

An eberogo nen weak hilingiti'lek mene andi re, Hat he afe hebelek logoligenat a'nogo hilingnafi lagen. Nen an nebe Hat enggiba welagi mene yi ap ekhe nen telogo wo'nabu lek hak a'nogo re Harogo helurek.

AYUB 9:17

Aren wene yi'nogo ti'nogo lek kwelek oba nen enggin-fenggin ekhe inom noba fugunem, an nebe sogoi hokho mene anggele'ma al perelogo nobagaikhemo welagi.

AYUB 6:29

Hinendawinggen wenggelha'ni! Hiren wene leatokhogo hilingiti'legengge hilingitu lek. Nen, an he ibi-eberogo nen weak hilingiti legenggere, hiren enggin-fenggin an noba fugu lek.

AYUB 13:18

An nawene andi igiluk logolik mondok fik-foukhogo welagimo re, hat weakhogo hilingiten iluk yaganesu lek hak iluk nendawimo anggikhi lagi!

AYUB 34:4

Wene werek mene ari re niren fanorogo kumut haluk he, ambine seberogo legabesuageluk welago.

YESAYA 40:27

Andi nen he, Israel hat he nenahalok hendawinggen sebelek welagen mene andi Tuhan hit hineisena mene a'nogo eilenggen hugu legen hakhogo anggolo hurane aple andoma ugu welagen nogo? Hiren ikhi lagep mene andoma re Aren hit hinangge mene faget inom, hit hinebe asugun mene faget inom halhinobagagu legen ikhi lageba?

AYUB 8:3

At Allah Omame Mondok Hokho mene andi re wene higithogo hilingitarek wene andi inom eberogo hilingitarek wene andi inom he kwanirogo hilingite mene ekhe weregen a?

AYUB 19:7

An weak noba ari'lago andi nenahalok, iluk nane hokhorogo kwe igirek meneat he, afuni ekhe nen nane futnobagau re elo'lek. Wene higithogo pilingisogo leget fagarek mene andi faget nane kweti lagi meneat he, afuni ekhe nen nane inesanggo holi'lagwi lego.