AYUB 34:21 - Allah Wene Fano Wene Hupla Inane

²¹ Allah nen he afuni inebe ferinarek logolik, it lagaikharekwe eilenggen welagarek.

AYUB 34:21 Referans Kwoze

AMSAL 15:3

At Tuhan he o yi awi ti awi mondogat eilenggen kogolhi logolik werek. A'nogo logolik he, afuni inobabut fano hilingitarek mene inom weak hilingitarek mene inom mondogat eil woginaferek.

AYUB 31:4

An nen, yi'nogo hilingisigin, iluk nendawimo ebetfuluk hilingiti lagi mene mondogat At Allah eilenggen niikheresik he, elu mondok werego.

YEREMIA 16:17

Iren yi'nogo ti'nogo hilingiri'lagwi mene andoma An neilenggen mondogat isikhi lagi. An nelokhoma re hinago mene ekhe werek lek. Nen, it inaweak hilingiri'lagwi mene ogore An nen neilenggen mondogat isikhi lagi nego.

AMSAL 5:21

Afuni nen yi'nogo ti'nogo hilingiri'lagwi mene andoma mondogat he Tuhan eilenggen werek. It afuni koma kwe lagunem Tuhan nen kwelaginarek mondok werek.

YEREMIA 32:19

Haren hilingisigin iluk wenggelogo fikhi lagen mene andoma re elok mondogat, nen Haren hilingiti lagen mene andoma re mondok elalin mene hilingiti lagen. Afuni nen hilingiri'lagwi mene Hat heilenggen mondogat isaluk it hilingiri'lagwi mene higithogo Haren unggum wogisikhi lagen.

MAZMUR 139:23

Allah neisena, an nendawimo kwelaknealuk he, fanorogo peneti logoino. An nobabut palhi logoino Nendawimo ebetirek mene, Hat helurogo logoino.

KEJADIAN 16:13

A'nogo yagatikhemo, at he Hagar endawimo nen he, ”Allah fetnarek welagarek mene neilenggen eberogoat higi o” iluk anggasikhesik mel isikhe: ”Neisena Tuhan Allah nen eberogoat fetnarek logolik yaganeti lagama o,” iluk isikhe.

YEREMIA 17:10

An Tuhan nen he afuni inendawinggenma peneti lagi, nen inendawinggenma wenggelharek mene obabut palhi lagi. Afuni inebe lombok he inobabut hilingitu lombok An nen ambisangma hilingfisikhi lagi, nen it hilingitu higithogo An nen ogo a'nogo hilingfisikhi lagi aro,” iluk ikhe.

MAZMUR 34:15

Inobabut weak hilingitarek mene andi agaiserogo herakfisaluk, fano mene nek hilingiti logoino o. It ekhe hinom lambul fuluk, hinebe fano seberogo welagaikharek mene andi, hinomamerogo hilingiti logoino o.

2 TAWARIKH 16:9

It afuni inendawinggen Tuhan oba tibet fuluk hilingitu halok At Tuhan nen omame wogisagain iluk o kweangma yoma mondogat Tuhan nen eil halinafi logolik werek. Haren mondok kemburogo hilingiten ma re yogondak huli nen he ap hinom weim yabi waga logolik enek were'ma hikhi logogin o,” iluk yagatikhe.

AMOS 9:8

An Tuhan Lego Mondok welagirek mene a'nogo nen hit afuni kerajaan Israel oba weak hilingiti lagep mene andi neilenggen wokhinafi lagi. Andi nen he, An nen o kweangma yoma nen lek hilingisogo hinobagagin o. A'nogo meneat he, afuni Israel mene Yakub en tagomangge mene hinebe mondogat lek hilingisogo hinobagagin lego, iluk An Tuhan nen nane arat igi.

AYUB 10:4

Haren heilenggen nisikhi lagen mene andi re, nit afuni nen nineilenggen isikhi lago hak he fuk,

AYUB 11:11

At Allah re it afuni inambeba ineranen wene agarek mene andi re mondogat elurek, At eil oba nen he, ap weak hilingitarek mene andoma re longgo u lek hak.

AYUB 13:16

Ap kwanirogo hilingitarek mene re inambong serogo Allah elokhoma menlasila elo'lek oba nen he, an nambong se andi nen an nagap telagain logou hak.

AYUB 14:16

A'nogo hendawit nabimbik, an nen yi'nogo ti'nogo hilingirik lagu kwelek se'narek mondok logogin meneat he, an weak hilingiti mene andi heil wo'nafu mondok logogin lek anggikhi lagi o.

AYUB 24:23

We Tuhan nen he at ebe fano logouwageluk herak fisugunem werek, oba nen he, Aren oboget higi'lek kagalek mondok werek.

MAZMUR 33:15

Arenat afuni mondogat inendawinggen hilingisogo fesikhe andi nen he, it hilingitarek mene mondogat he elu welagarek.

YEREMIA 23:24

An he yi kwe ti kwe pogoroba inom, kweangma inom welagirek enek hilingi'mo re, ap misigen ekhe An nelokhoma nen hina'lasumo re elo'lek.